03-Dec-2022

କର୍ଲାମୁଣ୍ଡା:(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରେ ଥିବା ୩ ଟି ପ୍ରାଥମିକ କୃଷି ସମବାୟ ସମିତି ଜରିଆରେ ସିଧାସଳଖ ଭାବେ ଚାଷୀ ଙ୍କ ଠାରୁ ଧାନ କ୍ରୟ କରିବା ପାଇଁ ଗୁରୁବାର ମଣ୍ଡି ଗୁଡିକୁ ସ୍ଥାନୀୟ ତହସିଲଦାର ମିଳନ କୁମାର ଝାଙ୍କର ଉଦଘାଟନ କରିଥିଲେ।ତେବେ ମଣ୍ଡି ଗୁଡିକ ଉଦଘାଟନ ହେବାର ୪୮ଘଣ୍ଟା ବିତିଥିଲେ ହେଁ ମଣ୍ଡି ଗୁଡିକରେ ପଡିଥିବା ଚାଷୀଙ୍କ ଧାନ ବର୍ତ୍ତମାନ ସୁଦ୍ଧା ଉଠି ନ ଥିବା ଓ ମିଲ ମାଲିକ ମାନେ କ୍ୟୁଇଣ୍ଟାଲ ପିଛା ୭ କେଜି କଟନୀ ପାଇଁ ଅଡ଼ି ବସିଥିବାରୁ ଏପରି ପରିସ୍ଥିତି ସୃଷ୍ଟି ହୋଇ ଥିବା ଚାଷୀ ଲିଙ୍ଗରାଜ ସାହୁ ଅଭିଯୋଗ କରିଛନ୍ତି।ଏନେଇ ତହସିଲଦାର ମିଳନ କୁମାର ଝାଙ୍କର ଙ୍କୁ ପଚାରିବାରୁ ଏ ବିଷୟରେ ମୋ ପାଖରେ ସୁଚନା ନାହିଁ ବୋଲି କହିଥିବା ବେଳେ କର୍ଲାମୁଣ୍ଡା ସମବାୟ ସମିତିର ସମ୍ପାଦକ ଭବାନୀ ଶଙ୍କର ସାହୁ ଏହି ସମସ୍ୟା ବିଷୟରେ ସମସ୍ତଙ୍କୁ ସୂଚନା ଦେଇଥିବା ପ୍ରକାଶ କରିଛନ୍ତି। ଏଠାରେ ସୂଚନାଯୋଗ୍ୟ ଯେ ଶୁକ୍ରବାର କର୍ଲାମୁଣ୍ଡା ମଣ୍ଡି ରେ ୧୦ ଜଣ ଚାଷୀ ଙ୍କ ୧୦୨୭ ବସ୍ତା ଧାନ, ଜୋରାଡବରା ସମବାୟ ସମିତିର ମଣ୍ଡିରେ ୧୩ ଜଣ ଚାଷୀ ଙ୍କ ୧୨୫୨ ବସ୍ତା ଧାନ ପଡି ରହି ଥିବା ଦେଖିବାକୁ ମିଳିଛି।