03-Dec-2022

ଲୋଇସିଂହା, (ବିନୋଦ କୁମାର ଦୀପ) ସମନ୍ବିତ ଶିଶୁବିକାଶ ଅଧିନସ୍ଥ ହୀରାପୁର ଅଙ୍ଗନବାଡି କେନ୍ଦ୍ରରେ ସିଏମଏଏମ କାର୍ଯ୍ୟକ୍ରମ ଯୋଜନାର ଏସଏଏମ ଶିଶୁମାନଙ୍କୁ ପୁଷ୍ଟିବର୍ଦ୍ଧିତ ଖାଦ୍ୟ ବଣ୍ଟନର ଉଦଘାଟନ ଜିଲ୍ଲାପାଳ ବଲାଙ୍ଗୀରଙ୍କ ଦ୍ୱାରା ଅନୁଷ୍ଠିତ ହୋଇଥିଲା l ଉକ୍ତ ଶୁଭ ଅବସରରେ ଜିଲ୍ଲା ସମାଜ ମଙ୍ଗଳ ଅଧିକାରୀ, ଆଇପିଓ ମମତା ଓ  ପି.ଓ ବଲାଙ୍ଗୀର ଉପସ୍ଥିତ ଥିଲେ l ଲୋଇସିଂହା ବ୍ଲକ ସ୍ତରୀୟ ଆଇସିଡିଏସ ଲୋଇସିଂହାଙ୍କ ଆୟୋଜନରେ ଅନୁଷ୍ଠିତ ହୋଇଥିଲା l ଏବିଡିଓ, ଏଲଏସଜି, ଏଏଇ, ଲୋଇସିଂହା ସିଆରବିଏସକେ,  ବିପିଏମ ସିଏଚସି ଲୋଇସିଂହା, ଏସିସ୍ଟlଣ୍ତ ହର୍ଟିକଲଚର ଅଫିସର ଲୋଇସିଂହା ସହ ଆଶାକର୍ମୀ ମାନ ଉପସ୍ଥିତ ଥିଲେ l ଲୋଇସିଂହା ଆଇସିଡ଼ିଏସ ସେକ୍ଟରର 6 ଜଣ ଏସଏଏମ ଶିଶୁଙ୍କୁ ଜିଲ୍ଲାପାଳ ପୁଷ୍ଟିବର୍ଦ୍ଧିତ ଖାଦ୍ୟ ଅଣ୍ଡା ଏବଂ ପୁଷ୍ଟିକର ପନିପରିବାର ଚାରା ବଣ୍ଟନ କରିଥିଲେ l ଉପସ୍ଥିତ ପୁଷ୍ଟିହୀନ ଶିଶୁଙ୍କ ଅଭିଭାବକଙ୍କ ସହ ଜିଲ୍ଲାପାଳ ଶ୍ରୀ ଚଞ୍ଚଳ ରାଣl ପୁଷ୍ଟିହୀନତାର କାରଣ ବୁଝାଇଥିଲେ l ଏହାର ନିରାକରଣ ତଥା ପ୍ରତିକାର ପାଇଁ ଦିଆ ଯାଇଥିବା ଖାଦ୍ୟର ଉପଯୁକ୍ତ ବ୍ୟବହାର କରି ଶିଶୁର ପରିଷ୍କାର ପରିଚ୍ଛନ୍ନତା କରିବା ପାଇଁ ପରାମର୍ଶ ଦେବାସହ ଶିଶୁମାନଙ୍କ ଖାଇବା ପ୍ରତି  ଧ୍ୟାନ ଦେବାକୁ ପରାମର୍ଶ ଦେଇଥିଲେ l ମା ମାନଙ୍କୁ ପୁଷ୍ଟିବର୍ଦ୍ଧିତ ଖାଦ୍ୟ ପ୍ରସ୍ତୁତି ପ୍ରଦର୍ଶନ କରାଯାଇଥିଲା l ସ୍ଥାନୀୟ ଅଂଚଳର ଉପଲବ୍ଧ ପନିପରିବା ଖାଦ୍ୟ ଏସବୁ ପ୍ରଦର୍ଶନ କରାଯାଇଥିଲା l ଜିଲ୍ଲାପାଳ ହୀରାପୁର ଅଙ୍ଗନବାଡିର କାର୍ଯ୍ୟ ପରିଚାଳନା ପରେ ହୀରାପୁର ହାଇସ୍କୁଲକୁ ଯାଇ ସ୍କୁଲର ହାଲଚାଲ ବୁଝିଥିଲେ l ଏହାପରେ ଲୋଇସିଂହାର ବିଭିନ୍ନ ସ୍କୁଲକୁ ପରିଦର୍ଶନ କରିଥିଲେ l