23-Nov-2022

ବଲାଙ୍ଗିର (ପ୍ରେରଣା ଖବର) ପଶ୍ଚିମାଞ୍ଚଳ ର ଅବିଛେଦ୍ୟ ଅଙ୍ଗ ଏବଂ ସାଂସ୍କୃତିକ ସମାନତା ଥିବା ଐତିହାସିକ ବୌଦ୍ଧ ଜିଲ୍ଲା , ୧୯୯୪ ମସିହାରେ ଜିଲ୍ଲା ମାନ୍ୟତା ହାସଲ କଲାପରେ, ଜନସାଧାରଣଙ୍କ ପ୍ରଥମ ଦାବୀ ଥିଲା ଉତ୍ତରାଞ୍ଚଳ ରାଜସ୍ବ କମିଶନରଙ୍କ ଅଧିନରେ ରହିବା ପାଇଁ।ଦକ୍ଷିଣାଞ୍ଚଳ ରାଜସ୍ବ କମିଶନରଙ୍କ ଅଧିନ ରେ ରହିବା ଦ୍ୱାରା ବୌଦ୍ଧ ବାସୀଙ୍କୁ ପ୍ରତ୍ୟେକ କାର୍ଯ୍ୟ ପାଇଁ ୩୦୦ କିମି ଦୂର ବ୍ରହ୍ମପୁରକୁ ଯାଇ ଖର୍ଚ୍ଚାନ୍ତ ହେବାକୁ ପଡୁଥିଲା। ବର୍ତ୍ତମାନ ୧୦୦ କିମି ଦୂର ସମ୍ବଲପୁରକୁ ଯିବା ସମସ୍ତଙ୍କ ପାଇଁ ସୁବିଧାଜନକ ସାବ୍ୟସ୍ତ ହେବ।

ବୌଦ୍ଧ ନାଗରିକ କମିଟି, ବୌଦ୍ଧ ଓକିଲ ସଂଘ ,ସାମ୍ବାଦିକ ସଙ୍ଘ ତଥା ବୌଦ୍ଧ ଜିଲ୍ଲାର ବିଭିନ୍ନ ସାମାଜିକ ତଥା ରାଜନୀତିକ ସଂଗଠନଙ୍କ ନିରବିଛିନ୍ନ ଆନ୍ଦୋଳନର ଫଳ ସ୍ୱରୂପ ଆଜି ବୌଦ୍ଧ ଜିଲ୍ଲା ସମ୍ବଲପୁର ରାଜସ୍ୱ କମିଶନରଙ୍କ ଅଧିନକୁ ଆସିପାରିଛି।

ଖୋର୍ଦ୍ଧା ବଲାଙ୍ଗିର ରେଳପଥ ସଂଘର୍ଷ ସମିତି ଆଜି ଏହି ଖୁସି ର ଶ୍ରେୟ ବୌଦ୍ଧ ନାଗରିକ କମିଟି ,ବୌଦ୍ଧ ଓକିଲ ସଂଘ, ସାମ୍ବାଦିକ 'ସଂଘ ତଥା ଏହି  ଦୀର୍ଘ ଆନ୍ଦୋଳନରେ ସାମିଲ ହୋଇଥିବା  ବୌଦ୍ଧର ପ୍ରତ୍ୟେକ ସଂଗଠନ ର କର୍ମକର୍ତ୍ତାଙ୍କୁ ଦେବା ସହ,ବୌଦ୍ଧ ଜିଲ୍ଲାର ଦୀର୍ଘ ଦିନର ନାର୍ଯ୍ୟ ଦାବିକୁ ପୂରଣ କରିଥିବାରୁ  ରାଜ୍ୟ ସରକାରଙ୍କୁ ମଧ୍ୟ ସାଧୁବାଦ ଦେଉଛି। l ଆଜି ଏକ୍ ପ୍ରେସ୍ ବିବୃତି ମାଧ୍ୟମାରେ ଖୋର୍ଦ୍ଧା ବଲାଙ୍ଗିର ରେଳପଥ ସଂଘର୍ଷ ସମିତିର ଆବାହକ ଗୋପାଳଜୀ ପାଣିଗ୍ରାହୀ ରାଜ୍ୟ ସରକାରଙ୍କୁ କୃତଜ୍ଞାତ ଜଣାଇଛନ୍ତି l