22-Nov-2022

ସମ୍ବଲପୁର,( ସଂଜୀବ ପାଣିଗ୍ରାହୀ)
ଦୀର୍ଘ ବର୍ଷର ଲମ୍ବା ଦାବିପରେ ଶେଷରେ ଉତ୍ତରାଞ୍ଚଳ ରାଜସ୍ବ ଡିଭିଜନ୍‌ର ପୁନର୍ଗଠନ ହୋଇ ଏଥିରେ ବୌଦ୍ଧ ଓ ନୂଆପଡ଼ା ଜିଲ୍ଲାକୁ ସାମିଲ୍‌ କରାଯାଇଛି I  ସରକାର ଏହି ଦାବି ରକ୍ଷାକରି ଐତିହାସିକ ପଦକ୍ଷେପ ନେଇଛନ୍ତି I ବର୍ତ୍ତମାନ ଉତ୍ତରାଞ୍ଚଳ ରାଜସ୍ବ ଆୟୁକ୍ତଙ୍କ ଅଧୀନକୁ ୧୨ଟି ଜିଲ୍ଲା ଆସିଥିଲାବେଳେ ଦକ୍ଷିଣାଞ୍ଚଳ ରାଜସ୍ବ ଆୟୁକ୍ତଙ୍କ ପରିସୀମା ୮ ଜିଲ୍ଲାକୁ ହ୍ରାସ ପାଇଛି I ଏବେ ଉତ୍ତରାଞ୍ଚଳ ରାଜସ୍ବ ଆୟୁକ୍ତ ସମ୍ବଲପୁରଙ୍କ ଅଧୀନରେ ବୌଦ୍ଧ ଓ ନୂଆପଡ଼ା ସମେତ ଅନୁଗୁଳ, ବରଗଡ଼, ବଲାଙ୍ଗୀର, ଦେବଗଡ଼, ଢେଙ୍କାନାଳ, ଝାରସୁଗୁଡ଼ା, କେନ୍ଦୁଝର, ସମ୍ବଲପୁର, ସୁବର୍ଣ୍ଣପୁର ଓ ସୁନ୍ଦରଗଡ଼ ଜିଲ୍ଲା ରହିବେ I ସେହିପରି ଦକ୍ଷିଣାଞ୍ଚଳ ରାଜସ୍ବ ଆୟୁକ୍ତଙ୍କ ଅଧୀନରେ ଗଂଜାମ, ଗଜପତି, କଳାହାଣ୍ଡି, କୋରାପୁଟ, ମାଲକାନଗିରି, ନବରଂଗପୁର, କନ୍ଧମାଳ ଓ ରାୟଗଡ଼ା ଜିଲ୍ଲା ରହିବେ I କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତଙ୍କ ୧୦ଟି ଜିଲ୍ଲା ପୂର୍ବ ଭଳି ଅପରିବର୍ତ୍ତିତ ରହିବ। ଏନେଇ ରାଜସ୍ବ ଓ ବିପର୍ଯ୍ୟୟ ପ୍ରଶମନ ବିଭାଗ ତରଫରୁ ପତ୍ର ସଂଖ୍ୟା ୩୯୫୨୨, ତା. ୨୧ ନଭେମ୍ବର ୨୦୨୨ରେ ବିଜ୍ଞପ୍ତି ପ୍ରକାଶ ପାଇଛି I