22-Nov-2022

ବିନିକା(ହିମାଂଶୁ ଶେଖର ପୁଟେଲ) ଗତ ଅକ୍ଟୋବର ୨୨ ତାରିଖ ରାତିରେ ବିନିକା ବ୍ଲକ ଅନ୍ତର୍ଗତ ଶ୍ରୀ ଶ୍ରୀ କପିଳେଶ୍ଵର ମନ୍ଦିର ଚରଦା ରୁ ଦାନବାକ୍ସ ଚୋରୀ ଘଟଣାରେ ପୁଲିସ  ୩ ଜଣ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ମାନେ ହେଳେ ଚରଦା ଗ୍ରାମର ରାଜିବ ଥନାପତି(22), ଶଙ୍କରା ଗ୍ରାମର ରାଜିବ ପାଣ୍ଡେ (23) ଏବଂ ଶାଶ୍ୱତ ଥାଟି | ପୁଲିସ ସୂଚନା ଅନୁସାରେ ବିଳମ୍ବିତ ରାତିରେ ସେମାନେ ଚୋରୀ କରିଥିବା ସୂଚନା ମିଳିଛି |  ପ୍ରାୟ ଚୋରୀ ଘଟଣାର ଏକ ମାସ ପରେ ପୁଲିସକୁ ସଫଳତା ମିଳିଛି | ପ୍ରକାଶଥାଉକି  ଦାନବାକ୍ସ ଚୋରୀ ହୋଇଥିବା ନେଇ ମନ୍ଦିର ଟ୍ରଷ୍ଟବୋର୍ଡ କମିଟି ପକ୍ଷରୁ ବିନିକା ଥାନାରେ ଅଭିଯୋଗ କରାଯାଇଥିଲା | ପୁଲିସ ମାମଲା ରୁଜୁକରି ଘଟଣା ର ତଦନ୍ତ ଜାରି ରଖିଥିଲା | ଅଭିଯୁକ୍ତଙ୍କୁ ଧରିବାରେ ଦୀର୍ଘଦିନ ବିତିଯାଇଥିବାରୁ ପୁଲିସର ତଦନ୍ତକୁ ସନ୍ଦେହ କରି ଟ୍ରଷ୍ଟବୋର୍ଡ ପକ୍ଷରୁ ଜିଲ୍ଲାପାଳଙ୍କ ଅଭିଯୋଗ ଶୁଣାଣୀ ଶିବିରରେ ଚୋରୀ ବିଷୟରେ ଜିଲ୍ଲପାଳଙ୍କ ଜରିଆରେ ଭୁବନେଶ୍ୱର ପୁଲିସ ମହାନିର୍ଦ୍ଧେଶକଙ୍କୁ ପଠାଇଯାଇଥିଲା |ତଥାପି ମଧ୍ୟ ପୁଲିସ ଚୋର ମାନଙ୍କୁ ଧରି ପାରିନଥିଲା ପରେ ବାଧ୍ୟ ହୋଇ  ଗତ 10 ତାରିଖ ଗୁରୁବାର ଦିନ ସକାଳୁ ସୋନପୁର- ବିନିକା ରାସ୍ତା ଉଲ୍ଲେ ଚୌକିଜୋର ଛକ ଠାରେ ରାସ୍ତାରୋକ କରାଯାଇଥିଲା |ରାସ୍ତାରୋକ ସ୍ଥାନକୁ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ, ଏସଡିପିଓ ପୁଷ୍ପାଞ୍ଜଳି ନିଙ୍ଗୀ, ଆଇଆଇସି ପବିତ୍ର ସାହୁ ପହଞ୍ଚି 25 ଦିନ ମଧ୍ୟରେ ଚୋର ମାନଙ୍କୁ ଧରି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶୃତି ଦେବାପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା | ପୁଲିସ ଦେଇଥିବା ପ୍ରତିଶୃତି ଆଜି ପାଳନ କରିଛି |ସୂଚନା ଅନୁସାରେ ଶଙ୍କରା ଗ୍ରାମର ଅଭିଯୁକ୍ତ ଶାଶ୍ୱତ ଥାଟି ଚଳିତ ମାସ 1 ତାରିଖ ରାତିରେ ଶଙ୍କରା ନାରାୟଣୀ ମନ୍ଦିରରୁ ରୂପା ଛତର ଚୋରୀ ଘଟଣାରେ ପୂର୍ବରୁ ଜେଲରେ ଥିଲା |ତାକୁ ରିମାଣ୍ଡରେ ଅଣାଯାଇ ପଚରା ଉଚୁରା କରିବା ପରେ ଉକ୍ତ ୩ ଜଣ ମନ୍ଦିରରୁ ଚୋରୀ କରିଥିବା ସେମାନେ ସ୍ୱୀକାର କରିଥିଲେ |ଆଜି ଅଭିଯୁକ୍ତ ମାନଙ୍କୁ ଏସରାମପୁର କୋର୍ଟରେ ହାଜର କରିବା ପରେ ସେମାନଙ୍କ ଜାମିନ ନାମଞ୍ଜୁର ହେବାରୁ ସୋନପୁର ବିଚାରବିଭାଗୀୟ ହାଜତକୁ ପଠାଯାଇଛି |