03-Nov-2022

 ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ଜିଲ୍ଲାର ପାତାଳୀ ଶ୍ରୀକ୍ଷେତ୍ର କୋଟସମଲେଇ ଠାରୁ ପୁରୀ ଶ୍ରୀକ୍ଷେତ୍ରକୁ ବାହାରିଛି ଆଜି ତୁଳସୀ ରଥ । ପ୍ରଥମେ ଉଲୁଣ୍ଡା, ପରେ ବିନିକା, ଖାରି, ନାରାୟଣ ପୁର, ବିଶିମୁଣ୍ଡା, ସୋନପୁର ସହର ଦେଇ ଏକ ସୁସଜ୍ଜିତ ରଥରେ କାଳିଆ ମହାପ୍ରଭୁଙ୍କ ସୁନାବେଶ ପାଇଁ ତୁଳସୀ ଓ ଫୁଲ ଭକ୍ତ ମାନଙ୍କଠାରୁ ସଂଗ୍ରହ କରି ପୁରୀ

ଅଭିମୁଖେ ବାହାରିଛି । ଏଥିପାଇଁ ଜ଼ିଲ୍ଲା ର ସବୁ ଗାଁ ଓ ସହର  ର ପ୍ରତି ଛକ ଛକ ରେ ପୁରୁଷ ଓ ମହିଳା ଭକ୍ତ ଜଗନ୍ନାଥ ପ୍ରେମୀ ଖୁବ ଉତ୍ସାହ, ଉଦ୍ଦୀପନା, ଭକ୍ତି ଓ ଉତ୍କଣ୍ଠା ର ସହ  ପ୍ରଭୁ ଙ୍କ ରଥ କୁ ସ୍ୱାଗତ ଓ ଦର୍ଶନ ଲାଭ କରିବl ପାଇଁ ବିଭିନ୍ନ ସଂଗଠନ ର ଶହ ଶହ ସଂଖ୍ୟାରେ  ପ୍ରସ୍ତୁତ ଥିଲେ l ଆଉ ରଥ ବୁଲିବା ଏଇ ଖବର  ପରେ ଚାରିଆଡେ ଆଧ୍ୟାତ୍ମିକ ପରିବେଶ ସୃଷ୍ଟି ହେବା

ସହିତ ଭକ୍ତଙ୍କ ମନରେ ଅପୂର୍ବ ଆନନ୍ଦ ଖୋଳି ଯାଇଛି । ସୋନପୁର ସହର ର  ବ୍ଲକ ଛକ ଯୁବ  ସଂଗଠନ, ସମାଜସେବୀ ଶ୍ରୀବତ୍ସ ମଲ୍ଲିକ ଙ୍କ ତତ୍ୱାବଧାନ ରେ ଦଧିବାମନ ମନ୍ଦିର କମିଟି  ସମସ୍ତ ସଦସ୍ୟ, ସ୍ୱଚ୍ଛ ଭାରତ ସଂଗଠନ ସମେତ ବିଭିନ୍ନ ସଂଘ ପକ୍ଷରୁ ତୁଳସୀ ରଥ କୁ ଊଚ୍ଚ କୋଟିର ସ୍ୱାଗତ ସମ୍ବର୍ଦ୍ଧନା ଓ ଆର୍ଥିକ  ରାଶି ମଧ୍ୟ ପ୍ରଦାନ କରାଯାଇଛି l