29-Oct-2022

ବଲାଙ୍ଗୀର,(ପ୍ରେରଣା ଖବର)- ବଲାଙ୍ଗିର ଦିନ୍ ଦୁଇ ଦଫା ଦାବି ନେଇ ଜିଲ୍ଲାପାଳଙ୍କ ସହ ଆଲୋଚନା କଲେ ଆୟୋଜନ କମିଟି  ଏବଂ ୨୦୨୨ ଲୋଗୋ ଜିଲ୍ଲାପାଳଙ୍କୁ ହସ୍ତାନ୍ତର କରାଗଲା । ବଲାଙ୍ଗିର ଦିନ ନଭେମ୍ବର ୧ କୁ ସରକାରୀ ମାନ୍ୟତା ପ୍ରଦାନ ସହ ଜିଲ୍ଲା ପ୍ରତିଷ୍ଠା ଦିବସ ଉପଲକ୍ଷେ ଏହି ଦିନକୁ ସରକାରୀ ଛୁଟି ଘୋଷଣା ଓ ଏହି ଦିନ ସରକାରୀ କର୍ମଚାରୀ ତଥା ଲୋକମାନଙ୍କୁ  ‘ଆମ ଅଂଚଳର ବୁଣାକାରମାନଙ୍କ’ ଦ୍ୱାରା ପ୍ରସ୍ତୁତ ବସ୍ତ୍ର ପରିଧାନ କରିବା ସରକାରୀ ସ୍ତରରେ ପଦକ୍ଷେପ ଓ ସଚେତନତା ।  ବଲାଙ୍ଗିର ଜିଲ୍ଲାର କଳା,ସଂସ୍କୃତି,ଐତିହ ଓ ତାର ଇତିହାସ,ଶାସନ ପ୍ରଶାସନ,ଲୋକ ପରମ୍ପରା,ଲୋକଗୀତ,ଲୋକ ନୃତ୍ୟ,ଲୋକ ସାହିତ୍ୟ,ଲୋକ ସଂସ୍କୃତି,ଲୋକ

ଖାଦ୍ୟ,ଲୋକ ବସ୍ତ୍ର,ଲୋକ କଥା ଓ ଗାଥା,ଲୋକ ଚାଲି ଚଲଣି ଆଦିର ପ୍ରଚାର ପ୍ରସାର ପାଇଁ ଗତ ୨୦୨୦ ମସିହାରେ ପ୍ରଥମ କରି ବଲାଙ୍ଗିର ସହରର ସାମାଜିକ କର୍ମୀ ଙ୍କ ନେତୃତ୍ୱରେ ‘ବଲାଙ୍ଗିର ଦିନ ଆୟୋଜନ କମିଟି’ ଗଠନ କରାଯାଇଥିଲା । ବିଗତ ଦୁଇ ବର୍ଷ ହେଲା ବଲାଙ୍ଗିର ଦିନ ପାଳନ କରିଆସୁଥିବା ବେଳେ ଚଳିତ ବର୍ଷ ତୃତୀୟ ବର୍ଷରେ ଆୟୋଜନ ପଦାର୍ପଣ କରିଛି । 
  ଏହି ଦୁଇ ଦଫା ଦାବି ବଲାଙ୍ଗିର ଦିନ୍ ଆୟୋଜକ କମିଟିର ଆବାହକ ଜୟକୃଷ୍ଣ ମିଶ୍ର, କୋସଲ ସେନା କୈତୁକ ସାହୁ, ସୁଦର୍ଶନ ସାହୁ, ହିମାଂଶୁ ଶେଖର ରାଉତ, ବାସୁଦେବ ବନଛୋର, ଘାସିରାମ ଦୀପ ଓ ବଲାଙ୍ଗିର ଦିନ୍ ଆୟୋଜକ କମିଟିର ସଂପାଦକ ପ୍ରଶାନ୍ତ ମହାକୁର ଜିଲ୍ଲାପାଳଙ୍କୁ ନିବେଦନ ଜଣାଇଛି ।