22-Oct-2022

ଉଲୁଣ୍ଡା, (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକରେ ଆଜି ବିଜେଡିର ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ପ୍ରଥମେ ବିଧାୟକ ବ୍ଲକର ପୋଢଟିକିରା ଠାରେ ପହଂଚିଲା ପରେ ଦଳିୟ କର୍ମୀମାନେ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ । ସେଠାରେ ପଯାତ୍ରାରେ ବାହାରି ଉଲୁଣ୍ଡା ଶିବ ମନ୍ଦିର ଠାରେ ପହଂଚିଥିଲେ । ସେଠାରେ ବିଧାୟକ ପୂଜର୍ଚନା କରିଥିଲେ । ସେଠାରୁ ପୁଣି ପଦଯାତ୍ରା ବାହାରି ଉଲୁଣ୍ଡା ବସ୍ତି, ବ୍ଲକଛକ, ମହୁଲପାଲି, ଗଣ୍ଡାବାହାଲ, କ୍ଷେମାଲୋଏ, ନାକଡେଇଁ, ବାଘପାଲି ଦେଇ କୋଟସମଲାଇ ଠାରେ ପହଂଚିଥିଲା । ଏହି କ୍ଷେମାଲୋଏ ଠାରେ ଆୟୋଜିତ ସଭାରେ ବିଧାୟକ ଶ୍ରଯୁକ୍ତ ବେହେରା ଯୋଗଦେଇ ସରକାରଙ୍କ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ବିଷୟରେ ଜନସାଧାରଣଙ୍କୁ ଅବଗତ କରାଇବା ସହ ତୃଣମୂଲ ସ୍ତରରେ ଯୋଜନା ଗୁଡିକ ଯେମିତି ଲୋକଙ୍କ ପାଖରେ ପହଂଚି ପାରିବ ସେଥି ପ୍ରତି ଧ୍ୟାନ ଦେବାକୁ ଦଲିୟକର୍ମୀ ମାନଙ୍କୁ  ପରାମର୍ଶ ଦେଇଥିଲେ । ପଦଯାତ୍ରାରେ ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷା ଶାନ୍ତିଲତା ମିଶ୍ର, ଜିଲ୍ଲାପରିଷଦ ଉପାଧ୍ୟକ୍ଷ ଝସକେତନ ବଘାର,  ଜୋନ୧ ଜିଲ୍ଲାପରିଷଦ ସଭ୍ୟା ବିଜୟଲକ୍ଷ୍ମୀ ତରାଇ, ଯୁବନେତା କୃତିବାସ ମିଶ୍ର, ବିହାରୀଲାଲ ମିଶ୍ରଙ୍କ ସମେତ ହଜାର ହଜାର ଦଲିୟକର୍ମୀ ଯୋଗଦେଇଥିଲେ ।