21-Oct-2022

ବିନିକା(ହିମାଂଶୁ ଶେଖର ପୁଟେଲ) ଆଉ କିଛିଦିନ ପରେ ଓଡ଼ିଶା କ୍ରିକେଟ ଏସୋସିଏସନର ନିର୍ବାଚନ ଅନୁଷ୍ଟିତ ହେବ ।ଏଥିରେ ସଭାପତି ପଦ ପାଇଁ ରାଜ୍ୟ ବିଜୁ ଜନତା ଦଳର ସାଙ୍ଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ପ୍ରତିଦ୍ବନ୍ଦିତା କରୁଥିବାରୁ ଏବଂ ତାଙ୍କର ବିଜୟ ସୁନିଶ୍ଚିତ ହେଉଥିବାରୁ କ୍ରୀଡା କ୍ଷେତ୍ରରେ ଅଗ୍ରଣୀ ଭୂମିକା ନିଭାଇ ଆସିଥିବା ସୁବର୍ଣ୍ଣପୁର ଜିଲ୍ଲା ବିନିକା ସ୍ପୋର୍ଟସ କ୍ଲବ କର୍ମକର୍ତ୍ତା ମହଲରେ ଖୁସିର ଲହରୀ ଖେଳିଯାଇଛି । କ୍ଲବର ସଭାପତି ତଥା ବିନିକା ବିଜୁ ଜନତା ଦଳର ନଗର ସଭାପତି ସୋମନାଥ ମିଶ୍ର କହିଛନ୍ତି ଯେ ପ୍ରଣବ ଓସିଏ ସଭାପତି ଭାବେ ନିର୍ବାଚିତ ହେଲେ ଆଗାମୀ ଦିନରେ ରାଜ୍ୟରେ କ୍ରୀଡାର ବିକାଶ ଆହୁରି ଦୃତ ଗତିରେ ବଡ଼ିବ ଏବଂ ବିଶେଷ କରି ସହରାଞ୍ଚଳ ଗ୍ରାମାଞ୍ଚଳରେ ରହିଥିବା ପ୍ରତିଭାଙ୍କ ମାନଙ୍କର ମଧ୍ୟ ପ୍ରତିଭା ବିକଶିତ ହେବା ସହ ଖେଳ ପଡିଆ ଗୁଡ଼ିକର ମଧ୍ୟ ଉନ୍ନତି ଘଟିବ ବୋଲି ଆଶା ବ୍ୟକ୍ତ କରିଛନ୍ତି ।ପ୍ରକାଶ ଥାଉ କି କିଛି ମାସ ତଳେ ମାନ୍ୟବର ପୂର୍ବତନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରାଙ୍କ ପ୍ରଚେଷ୍ଟାରେ ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର ଓ ସଦସ୍ୟ ପୀତବାସ ମେହେର ଭୁବନେଶ୍ୱର ସ୍ଥିତ ଶ୍ରୀ ଦାସଙ୍କ କାର୍ଯ୍ୟାଳୟକୁ ଯାଇ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉଦ୍ଦେଶ୍ୟରେ ବିନିକା ଠାରେ ଥିବା ବିଜୁ ପଟ୍ଟନାୟକ ଷ୍ଟାଡିୟମକୁ ଅତ୍ୟାଧୁନିକ ଖେଳପଡିଆରେ ପରିଣତ କରିବା ପାଇଁ ଦାବିପତ୍ର ପ୍ରଦାନ କରିଛନ୍ତି।