26-Sep-2022

ବରଗଡ:-ବରଗଡ ଜିଲ୍ଲା ପାଇକମାଲ ଠାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏମ ଡି ମୁସ୍ତାକ ନାମକ ଜଣେ ୩୫ ବର୍ଷୀୟ ଯୁବକ ଗତ କାଲି ଦିବା ପ୍ରାୟ ୧.୩୦ ମିନିଟ ରେ ଖଆପିଆ ସାରି ନିକଟସ୍ଥ ସାଲେପାଲି ଡ୍ୟାମ କୁ ଗୋଟିଏ ବଂଶୀକଣ୍ଟା ଧରି ମାଛ ଧରିବାକୁ ଯାଇ ଥିବାବେଳେ, ରାତ୍ର ୮ ଟା ଯାଏଁ ନ ଫେରିପାରୁ ତାଙ୍କ ସ୍ତ୍ରୀ ରେଶମା ବାଇ  ମନ ରେ ସନ୍ଦେହ ସୃଷ୍ଟି ଉପୁଜିଲା । ଏ ନେଇ ସାହି ପଡିଶା ରେ ଏବଂ ଥାନା ରେ ଖବର ଦେଇଥିଲେ ଉକ୍ତ ଖବର ପରେ  ସାହି ର ପ୍ରାୟ ୪୦ ରୁ ଉର୍ଦ୍ଧ ଲୋକ ଓ ପାଇକମାଲ ର ଫାୟାର ଟିମ  ଓ ପାଇକମାଲ ଥାନା ଅଧିକାରୀ ବିଶ୍ୱଜିତ ମନବୋଧ ଙ୍କ ମିଳିତ ଉଦ୍ୟମ ରେ ଆଖ ପାଖ ଜଙ୍ଗଲ ଓ ପାଣି ରେ ଅନେକ ସମୟ ଖୋଜା ଖୋଜି କରିବା ସତ୍ୱେ କିଛି ଖବର ମିଳିଲା ନାହିଁ । ସେହି ଡ୍ୟାମ ପାଖରୁ ମୁସ୍ତାକ ର ପ୍ୟାଣ୍ଟ, ସାଟ, ଚପଲ, ମୋବାଇଲ, ଗଞ୍ଜି, ବ୍ୟାଗ ଥୁଆ ହୋଇଥିବା ର ଦେଖିବାକୁ ମିଳିଛି । ମିଳିଥିବା ସୂଚନା ଅନୁସାରେ ମୁସ୍ତାକ ଅନେକ ବର୍ଷ ଧରି ଚେନ୍ନାଇ ରେ ୱାଟର ଗ୍ରୁପ ର ଠିକାଦାର ଭାବରେ କାମ କରି ଆସୁଥିଲା ଏବଂ ତାର ପରିବାର ପାଇକମାଲ କଣ୍ଟା ପଡ଼ା ରେ ବିଗତ ଆଠ ବର୍ଷ ଧରି ରହିଆସୁଥିଲା । ମୁସ୍ତାକ ଗତ ଦୁଇ ମାସ ତଳେ ଚେନ୍ନାଇ

ରୁ କାମ ଛାଡି ପାଇକମାଲ ନିଜ ପରିବାର ସହ ରହୁଥିଲେ ଏବଂ ସବୁଦିନ ପରି କାଲି ମଧ୍ୟ ଡ୍ୟାମ କୁ ମାଛ ଧରିବାକୁ ଯାଇଥିଲା ଏବଂ ସେଠାରୁ ନିଖୋଜ ଅଛନ୍ତି ବୋଳି ମୁସ୍ତାକ ଙ୍କ ସ୍ତ୍ରୀ ରେଶମା ବାଇ ଆମ ପ୍ରତିନିଧି ଙ୍କୁ ସୂଚନା ଦେଇ ଥିଲେ ଏବଂ ଏ ନେଇ ପାଇକମାଳ ଥାନା ରେ  ମଧ୍ୟ ଏକ ନିଖୋଜ ମାମଲା ରୁଜୁ ହୋଇ ତଦନ୍ତ ଚାଲିଥିବାର ସୂଚନା ମିଳିଛି । ଏପରି ହଠାତ ମୁସ୍ତାକ ନିଖୋଜ ହେବାରେ ଅନେକ ପ୍ରଶ୍ନ ସୃଷ୍ଟି କରି ଅଂଚଳ ରେ ଭୟ ସୃଷ୍ଟି କରୁଛି ।