26-Sep-2022

ରେଢାଖୋଲ, ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢାଖୋଲ ଏନ‌ଏସି ସ୍ଥିତ କଲ୍ୟାଣ ମଣ୍ଡପ ଠାରେ  ହରି ଫାଉଣ୍ଡସନ ଓ ରେଢ଼ାଖୋଲ ଜନ କଲ୍ୟାଣ ସମିତିର ମିଳିତ ଆନୁକୁଲ୍ୟରେ କୃଷି ଭିତ୍ତିକ ଗଣପର୍ବ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ସଂସ୍କୃତି ପରମ୍ପରା ଲୋକ ନୃତ୍ୟକୁ ନେଇ ଅନୁଷ୍ଠିତ ସାଂସ୍କୃତିକ ପର୍ବକୁ ରେଢ଼ାଖୋଲ ପୋଲିସ ଉପଖଣ୍ଡ ଆରକ୍ଷୀ ଅଧିକାରୀ ପ୍ରଶାନ୍ତ କୁମାର ମେହେର , ଏନ‌ଏସି ଅଧ୍ୟକ୍ଷ ଶିବରାମ ସାହୁ ଓ ଉପାଧ୍ୟକ୍ଷା ଅନୁସୂୟା ପ୍ରଧାନ ଉଦଘାଟିତ କରିଥିଲେ।

କାର୍ଯ୍ୟକ୍ରମରେ ରେଢ଼ାଖୋଲ ସହର ସମେତ ବିଭିନ୍ନ ଅଞ୍ଚଳର ଶିକ୍ଷା ଅନୁଷ୍ଠାନ , ନୃତ୍ୟ ଅନୁଷ୍ଠାନ, ସାଂସ୍କୃତିକ ଦଳ ରଙ୍ଗାରଙ୍ଗ ନୃତ୍ୟ ଓ ସଙ୍ଗୀତ ପରିବେଷଣ କରିଥିଲେ । ଏଥିରେ ଦର୍ଶକ ବିଭୋର ହୋଇଥିଲେ। ହରି ଫାଉଣ୍ଡେସନର ସଭାପତି ତଥା

ବରିଷ୍ଠ ବିଜେପି ନେତା ଗୋବିନ୍ଦ ଅଗ୍ରୱାଲଙ୍କ ତତ୍ବାବଧାନରେ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।  ଏହି ଅବସରରେ କରୋନା ମହାମାରୀ ସମୟରେ ଦେବଦୂତ  ସାଜିଥିବା ରେଢ଼ାଖୋଲ ଅଞ୍ଚଳରେ ହରି ଫାଉଣ୍ଡେସନ ଓ ରେଢ଼ାଖୋଲ ଉପଖଣ୍ଡ ସାମ୍ବାଦିକ ସଂଘ ପକ୍ଷରୁ କରୋନା ରୋଗୀଙ୍କୁ ଅକ୍ସିଜେନ ଯୋଗାଇ ଦିଆ ଯାଇଥିଲା ତାର ପରିଚାଳନା ଦାୟିତ୍ଵ ନେଇ ରୋଗୀଙ୍କୁ ଅକ୍ସିଜେନ ପହଞ୍ଚାଇ ମୂଲ୍ୟବାନ ଜୀବନ ବଞ୍ଚାଇଥିବା ସାମ୍ବାଦିକ ଅନିଲ କୁମାର ପୃଷ୍ଟିଙ୍କୁ ଉପଢୌକନ ଓ ପ୍ରଶଂସା ପତ୍ର ଦେଇ ସମ୍ମାନିତ କରାଯାଇଥିଲା । ସେହିପରି ରେଢ଼ାଖୋଲ ଏନ‌ଏସିର ସଫେଇ କର୍ମଚାରୀ ନବୀନ ମୁଖୀ , ଅରବିନ୍ଦ ବେହେରା , ବାସନ୍ତୀ ବେହେରା ,ଆରିୟନ ଫାଉଣ୍ଡେସନ ରଞ୍ଜନା ବିକାଶ ମଞ୍ଚକୁ ସମ୍ମାନିତ କରାଯାଇଥିଲା । ଏହି ନୂଆଖାଇ ଭେଟଘାଟ କାର୍ଯ୍ୟକ୍ରମକୁ ଶିକ୍ଷକ ଜୟନ୍ତ ମାହାର ସଂଯୋଜନା କରିଥିଲେ । କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ପ୍ରତାପ ପ୍ରଧାନ, ଜିଲ୍ଲା ପରିଷଦ ସଦସ୍ୟ ଶରତ କୁମାର ପ୍ରଧାନ, କାଉନସିଲର ରଶ୍ମିରଞ୍ଜନ ଭଞ, କୁମୁଦ ନାଗ, ଅମରେଶ ନାଏକ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଜନ କଲ୍ୟାଣ ସମିତିର  ଲବ ଷଣ୍ଢ , ପ୍ରଶାନ୍ତ ପଧାନ, ଲଲିତ ନାଏକ , ଭରତ ନାଗ , ପ୍ରମୋଦ ନାଗ , ପ୍ରକାଶ ମୁଖୀଙ୍କ ସମେତ ସମିତିର ସଦସ୍ୟ ଉପସ୍ଥିତ ଥିଲେ।