28-Aug-2022

ବଲାଙ୍ଗିର- କଂଗ୍ରେସ ଦଳର ନୀତି ଆଦର୍ଶ ତଥା ବଲାଙ୍ଗିର ବିଧାୟକ ନରସିଂହ ମିଶ୍ରଙ୍କ ଜନାଭିମୁଖୀ ନେତୃତ୍ୱରେ ଅନୁପ୍ରାଣିତ ହୋଇ ଜିଲ୍ଲା ଯୁବ ବିଜେଡି ସୋସିଆଲ ମିଡିଆ କୋଡିନେଟର ଇଂ. ଦେବୀ ପ୍ରସନ୍ନ ମହାକୁର କଂଗ୍ରେସ ଦଳରେ ସାମିଲ ହୋଇଛନ୍ତି । ଶ୍ରୀ ମହାକୁର ନିଜ ସମର୍ଥକ ଙ୍କ ଗହଣରେ ବିଧାୟକ ଶ୍ରୀ ମିଶ୍ରଙ୍କ ବାସଭବନକୁ ଯାଇ ବିଧିବଦ୍ଧ ଭାବରେ କଂଗ୍ରେସ ରେ ଯୋଗ ଦେଇଥିଲେ ।  ବିଧାୟକ ଶ୍ରୀ ମିଶ୍ରଙ୍କ  ସହ ଦଳୀୟ କାର୍ଯ୍ୟକର୍ତ୍ତା ପୁଷ୍ପମାଲ୍ୟ ଦେଇ ଦଳରେ ସ୍ୱାଗତ ଜଣାଇଲେ, ନିଜ ବକ୍ତବ୍ୟରେ ଦେବୀ ପ୍ରସନ୍ନ ବିଜେଡି ଦଳର ଅନ୍ୟାୟ, ଅତ୍ୟାଚାର ତଥା ଦଳୀୟ କର୍ମୀଙ୍କୁ ଅଣଦେଖା ପାଇଁ ଆଜି ବିଜେଡି ଦଳ ତ୍ୟାଗ କରି କଂଗ୍ରେସ ଦଳରେ ଯୋଗ ଦେଲେ ବୋଲି କହିଛନ୍ତି । ପ୍ରତି ଉତ୍ତର ରେ ବିଧାୟକ ଶ୍ରୀ ମିଶ୍ର ଦେବୀ ପ୍ରସନ୍ନଙ୍କ ଯୋଗଦାନ ଫଳରେ କଂଗ୍ରେସ ସୋସିଆଲ ମିଡିଆ ଆହୁରି ମଜବୁତ ହେବ ବୋଲି କହିଛନ୍ତି । ଏହି କାର୍ଯ୍ୟକ୍ରମରେ କଂଗ୍ରେସର ଲୋପନ ମିଶ୍ର, ନାସିର ଖାନ, ରାହୁଲ ସାହୁ, ଅଶ୍ୱିନୀ ସାହୁ ପ୍ରମୁଖ କଂଗ୍ରେସ ଯୁବ ନେତା ଉପସ୍ଥିତ ଥିଲେ ।