25-Nov-2020

ବଲାଙ୍ଗୀର,(ପ୍ରେରଣା ଖବର) :ବଲାଙ୍ଗୀର ଜିଲ୍ଲାରେ ଏବେବି ଅନେକ ଉପାନ୍ତ ଅଞ୍ଚଳରେ ଲୋକେ ଯକ୍ଷ୍ମା ରେ ଆକ୍ରାନ୍ତ ହୋଇ ସଠିକ ସମୟରେ ଉପଯୁକ୍ତ ଚିକିତ୍ସା ଅଭାବରୁ ଗୁରୁତର ହୋଇ ପଡିବା ପରେ ଡ଼ାକ୍ତରଖାନା ଆସି ଚିକିତ୍ସା ହେଉଛନ୍ତି । ତେବେ କ୍ବାକ ଓ ଝଡା,ଫୁଙ୍କା ଆଦିର ଶିକ୍ଷା ର ଅଭାବ ଯୋଗୁଁ ଠିକ ସମୟରେ ଚିକିତ୍ସା ଅଭାବରୁ ଅନେକ ଗୁରୁତର ହେବା ଦେଖାଯାଉଥିଲା । ହେଲେ ବିଗତ ଦିନରେ ଜିଲ୍ଲା ପ୍ରଶାସନ ତରଫରୁ ବ୍ୟାପକ ସଚେତନତା କରାଯିବା ଯୋଗୁଁ କାହାର ମୃତ୍ୟୁ ପୂର୍ବ ପରି ନ ଘଟିବା ଏକ ଗୁରୁତ୍ୱପୂର୍ଣ୍ଣ ବିଷୟ ଏବଂ ଆଗକୁ ଆହୁରି ଅନେକ ପଦକ୍ଷେପ ଗ୍ରହଣ କରାଯିବା ସୂଚନା ପ୍ରଦାନ କରିଛି ଜିଲ୍ଲା ପ୍ରଶାସନ । ସେହିପରି ପଟଣାଗଡ଼ ଓ ଟିଟିଲାଗଡ଼ ସବ୍ଡିବିଜନ ସ୍ତରରେ ଏହି କାର୍ଯ୍ୟକ୍ରମ ସ୍ୱତନ୍ତ୍ର ରୂପେ ପରିଚାଳନା କରାଯିବା ସୂଚନା ପ୍ରଦାନ କରାଯାଇଛି। ତେବେ  ଟିଟିଲାଗଡ଼ ଉପଖଣ୍ଡ ମ୍ୟାଡ଼ିକାଲ ସୁପ୍ରିଟେଣ୍ଡେନ ଡ଼ଃ କୃଷ୍ଣଚନ୍ଦ୍ର ପାଲ ଓ ଅତିରିକ୍ତ ଜିଲ୍ଲା ମ୍ୟାଡିକାଲ ଅଫିସର ଓ ଅନ୍ୟ ଅଧିକାରୀ ମାନଙ୍କ ଏକ ସ୍ଵତନ୍ତ୍ର ଟିମ ଗଠନ କରି କୋଭିଡ କୁ ଦୃଷ୍ଟି ରେ ରଖି ଆରମ୍ଭ କରାଯିବା ସୂଚନା ଦିଆଯାଇଛି। ଏହି କାର୍ଯ୍ୟକ୍ରମ ବଲାଙ୍ଗିର ଜିଲ୍ଲା ପ୍ରଶାସନ ପକ୍ଷରୁ ଯକ୍ଷ୍ମା ରୋଗୀ ଚିହ୍ନଟିକରଣକୁ ବୃଦ୍ଧି ଉଦ୍ଦେଶ୍ୟରେ ଯକ୍ଷ୍ମା ଏବଂ କୋଭିଡ୍‌-୧୯ କ୍ୟାମ୍ପେନ୍‌ ‘ପିପୁଲ୍‌ସ୍‌ ପ୍ଲାନ୍‌ ଅଭିଯାନ’ ଆରମ୍ଭ କରାଯାଇଛି ବୋଲି   ପ୍ରଦତ୍ତ ଚିତ୍ରରେ ଏ ସଂପର୍କରେ ଜିଲ୍ଲା ସ୍ୱାସ୍ଥ୍ୟ ସମିତି ବଲାଙ୍ଗିର ପକ୍ଷରୁ ସମସ୍ତ ସୂଚନା ପ୍ରଦାନ କରାଯାଇଛି ।