23-Jul-2022

ବଲାଙ୍ଗିର, ବଲାଙ୍ଗୀରର ଅଗ୍ରଣୀ ସାମାଜିକ ଅନୁଷ୍ଠାନ ନେତାଜୀ ସଂଗ୍ରାମୀ ପରିଷଦ ପକ୍ଷରୁ ନବ ନିର୍ବାଚିତ ପଂଚଦଶତମ ରାଷ୍ଟ୍ରପତି ଦୌପଦୀ ମୁର୍ମୁଙ୍କୁ ଅଭିନନ୍ଦନ ଜ୍ଞାପନ କରାଯାଇଛି । ଏହି ଅବସରରେ ୁନେତାଜୀଙ୍କ ପ୍ରତିମୂର୍ତ୍ତି ସ୍ଥଳୀରେ  ପୁଷ୍ପମାଲ୍ୟ ଅର୍ପଣ ସାଙ୍ଗକୁ ବୃକ୍ଷରୋପଣ କରାଯାଇଥଲା । ବଲାଙ୍ଗୀରରେ ଦ୍ୱିତୀୟ କୃଷି ବିଶ୍ୱବିଦ୍ୟାଳୟ ସ୍ଥାପନ ପାଇଁ ପରିଷଦ ପକ୍ଷରୁ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଏହି ପ୍ରକଳ୍ପ ନିର୍ମାଣ ସକାଶେ ରାଜ୍ୟ ସରକାରଙ୍କୁ ନିଦ୍ଦେଶ ଦେବା ପାଇଁ ଏକ ଅନୁରୋଧ ପତ୍ର ପ୍ରଦାନ ସାଙ୍ଗକୁ ଜନସାଧାରଣଙ୍କୁ ମିଷ୍ଠାନ୍ନ ବଂଟନ କରା ଯାଇଥିଲା । ପରିଷଦର ସଭାପତି ଲକ୍ଷ୍ମୀ ନାରାୟଣ ପଟ୍ଟନାୟକଙ୍କ ଆବାହକତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ସନାତନ ଠାକୁର, ଦୁର୍ଗା ପ୍ରସାଦ ହୋତା, ଶଶୀଭୂଷଣ ପୁରୋହିତ, ପଦ୍ମଚରଣ ଆଚାର୍ଯ୍ୟ, କିଶୋର ପାଣିଗ୍ରାହୀ, ରାଜେନ୍ଦ୍ର ଶର୍ମା, ପ୍ରଦୋଷ କୁମାର ପତି, ସଚିଦାନନ୍ଦ ବାଗ, ସଂଜୟ ଭୋଇ, ରଘୁନାଥ ବାବୁ,  କାଉନସିଲର ଶମ୍ଭୁ ନାଗ, ମୋହନ ପଣ୍ଡା, ଶେଖର ପଣ୍ଡା,   କୁନୁ ପଣ୍ଡା, ରାଜକିଶୋର ଦାସ, ଗୋବିନ୍ଦ ସାହୁ, ଶ୍ରୀମନ୍ତ ପଣ୍ଡା, କରୁଣାକର ରଣା, ସୁରେଶ ପଟେଲ, ସାମ୍ବାଦିକ ଗୋପବନ୍ଧୁ ଶତପଥୀ, ପୂର୍ଣ୍ଣ ଚନ୍ଦ୍ର ପଣ୍ଡା, ରଘୁ ନନ୍ଦନ ସିଂହଙ୍କ ସମେତ ସହରର ବହୁ ମାନ୍ୟଗଣ୍ୟ ବ୍ୟକ୍ତି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ ।  ନେତାଜୀଙ୍କ ପ୍ରତିମୂର୍ତ୍ତିସ୍ଥଳୀର ବିଭିନ୍ନ ଉନ୍ନୟନ କାର୍ଯ୍ୟ ପାଇଁ ଖୁବଶୀଘ୍ର ଏକ ପ୍ରତିନିଧି ମଣ୍ଡଳୀ ଜିଲ୍ଲାପାଳଙ୍କୁ ସାକ୍ଷାତ କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା ।