17-Jul-2022

 ବଲାଙ୍ଗୀର(ପ୍ରେରଣା ଖବର) ସାହିତ୍ୟ ଏକ ପ୍ରବହମାନ ଧାରା। ଜନମଙ୍ଗଳ ଓ ଜଗତରେ ମାନବିକତା ବୃଦ୍ଧି ପାଇଁ ଆମେ ସାହିତ୍ୟ ର ବିଭିନ୍ନ ବିଭାବ ରେ ଲେଖନୀ ଚାଳନା କରିବା ଦରକାର ବୋଲି ଆଜି ଆମ ଭାଷା ଆମ ସାହିତ୍ୟ ଅନୁଷ୍ଠାନ ର ଆୟୋଜନ ରେ ଶ୍ରୀଚନ୍ଦନ ସାହିତ୍ୟ ସଂସ୍କୃତି ଏକାଡେମୀ ର ବଲାଙ୍ଗୀର ଶାଖା ର ସହଯୋଗିତାରେ ଆୟୋଜିତ ସାହିତ୍ୟ, ସାହିତ୍ୟିକ ଓ ପାଠକ ଶୀର୍ଷକ ଆଲୋଚନା ରେ ଏହି ମତ ପ୍ରକାଶ ପାଇଛି । ଆଲୋଚନା ଚକ୍ର ଅଧିବେଶନରେ ଦେଓଗାଁ ଗୋଷ୍ଠୀ ଚିକିତ୍ସାଅଧିକାରୀ ଡାକ୍ତର ଚିତ୍ତରଞ୍ଜନ ମିଶ୍ର ସଭାପତିତ୍ବ କରିଥିବା ବେଳେ ମୁଖ୍ୟ ଅତିଥି ଭାବେ ବଲାଙ୍ଗୀର ଜିଲ୍ଲା ସହକାରୀ ଶିକ୍ଷା ଅଧିକାରୀ କେଶବ ଚନ୍ଦ୍ର ମେହେର , ସମ୍ମାନିତ ଅତିଥି ଭାବେ ଓମ୍ ଭେଲି ସ୍କୁଲ ର ଅଧ୍ୟକ୍ଷ ଅମରେଶ ଚନ୍ଦ୍ର ଦାଶ , ମୁଖ୍ୟ ବକ୍ତା ଭାବରେ ସୁଦାମଚରଣ ମହାବିଦ୍ୟାଳୟ ର ଓଡିଆ ଅଧ୍ୟାପକ ଅଶୋକ କୁମାର ପଣ୍ଡା ଙ୍କ ସହ ଅନୁଷ୍ଠାନ ର ଆବାହକ କବି କୋଶଳ ପ୍ରବାହର ସଂପାଦକ ଆନନ୍ଦ ଚନ୍ଦ୍ର ସାହୁ, ବୌଦ୍ଧିକ ପ୍ରମୁଖ ସନ୍ଦୀପ କୁମାର କୁଅଁର ମଞ୍ଚାସୀନ ହୋଇଥିଲେ। ପ୍ରାରମ୍ଭରେ ଓମ୍ ଭେଲି ସ୍କୁଲ ର ଛାତ୍ରୀମାନେ ପ୍ରାରମ୍ଭିକ ସଂଗୀତ ଗାନ କରିଥିଲେ ।କାର୍ଯ୍ୟକ୍ରମ ସଂପର୍କରେ ସୂଚନା ପ୍ରଦାନ କରିଥିଲେ ଶ୍ରୀଚନ୍ଦନ ସାହିତ୍ୟ ସଂସ୍କୃତି ଏକାଡେମୀ ରାଜ୍ୟ ସଂପାଦକ ନବକିଶୋର ବେହେରା । ଏହି ଅବସରରେ ବୈଦ୍ୟ ଶିରୋମଣୀ ଝସକେତନ ଗୁରୁ ଙ୍କ ପୁସ୍ତକ ଆମ ସ୍ବାସ୍ଥ୍ୟ ଓ ଦୀର୍ଘ ଜୀବନ , କବି ନବକିଶୋର ବେହେରା ଙ୍କ ଶିଶୁ କବିତା ସଂକଳନ ମାଆ ଓ ବାର୍ଷିକ ସଂକଳନ ମନସ୍ବୀନୀ କୁ ଲୋକାର୍ପିତ କରିଥିଲେ ମଞ୍ଚାସୀନ ଅତିଥିମାନେ ।

ଦ୍ବିତୀୟ ଅଧିବେଶନରେ କବି ଶିକ୍ଷକ ଆୟୁର୍ବେଦ ଚିକିତ୍ସକ ଭକ୍ତବନ୍ଧୁ ବିଶ୍ବାଳ ଙ୍କ ସଭାପତିତ୍ବରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ଯୋଗ ଦେଇ ଅବସରପ୍ରାପ୍ତ

ସ୍ବାସ୍ଥ୍ୟ ଅଧିକାରୀ ଡାକ୍ତର ସୁଖୀଶ୍ୟାମ ତ୍ରିପାଠୀ ତାଙ୍କର ବକ୍ତବ୍ଯ ରେ ଆମର ସାମାଜିକ ଜୀବନକୁ ବ୍ୟବସ୍ଥିତ କରିବାକୁ ଆମକୁ ହିଁ ନିଜେ ପରିବର୍ତ୍ତିତ ହେବାକୁ ଆହ୍ବାନ ଦେଇଥିଲେ । ମଂଚାସୀନ ହୋଇଥିବା ଆୟୁର୍ବେଦ ଶିରୋମଣୀ ବୈଦ୍ୟ ଝସକେତନ ଗୁରୁ ନିଜର ବକ୍ତବ୍ଯ ରେ ଚେରିମୁଳି ଚିକିତ୍ସା ସଂପର୍କରେ ଆଲୋଚନା କରିଥିଲେ ।ଏହି ଅବସରରେ ଶିକ୍ଷୟତ୍ରୀ କଳ୍ପନା ଷଡଙ୍ଗୀ, ଶିକ୍ଷୟତ୍ରୀ ପୂର୍ଣ୍ଣିମା ବେହେରା,ଡାକ୍ତର ଚିତ୍ତରଞ୍ଜନ ମିଶ୍ର ଓ ବୈଦ୍ୟ ଶିରୋମଣୀ ଝସକେତନ ଗୁରୁ ଙ୍କୁ ରାଜବୈଦ୍ୟ ସ୍ବର୍ଗତ ଚିନ୍ତାମଣି ବେହେରା ସ୍ମୃତି ପରିଷଦ ତରଫରୁ ଉଲ୍ଲେଖନୀୟ ସେବା ପାଇଁ ମାନପତ୍ର ,ଉପାୟନ ପ୍ରଦାନ କରାଯାଇଥିଲା । କାର୍ଯ୍ୟକ୍ରମ ପରିଚାଳନା ରେ ଶିକ୍ଷୟତ୍ରୀ କୁମୁଦିନୀ ପୃଷ୍ଟି, ଅବସରପ୍ରାପ୍ତ ଶିକ୍ଷକ କବି ବଳିଷ୍ଠ ପ୍ରଧାନ, ପଦ୍ମନାଭ ବାରିକ ,ଅଧିବକ୍ତା ଶୁଭ୍ରାଂଶୁ ଶେଖର ପଣ୍ଡା , ଅବସରପ୍ରାପ୍ତ ଶିକ୍ଷକ ରାଜକିଶୋର ପଣ୍ଡା ପ୍ରମୁଖ ସହଯୋଗ କରିଥିଲେ । ପ୍ରଥମ ଅଧିବେଶନ କୁ ସନ୍ଦୀପ କୁମାର କୁଅଁର ସଂଯୋଜନା କରିଥିବା ବେଳେ ଦ୍ବିତୀୟ ଅଧିବେଶନରେ କବି ଶ୍ରୀ ନବକିଶୋର ବେହେରା ତଥା ଶେଷରେ ଆବାହକ କବି ଆନନ୍ଦ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ ।