26-Aug-2026

(ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ଜିଲ୍ଲାପାଳ ଙ୍କ ସମ୍ମିଳନୀ କକ୍ଷ ଠାରେ ପଞ୍ଚମକାର ସ୍ମରଣିକା ଉନ୍ମୋଚନ ହୋଇ ଯାଇଛି l ଏହି ଉତ୍ସବରେ  ଜିଲ୍ଲାପାଳ ସୁବର୍ଣ୍ଣପୁର ଡ. ନୃପରାଜ ସାହୁ ମୁଖ୍ୟ ଅତିଥି ଭାବରେ ଯୋଗଦେଇଥିଲେ l ସମ୍ମାନିତ ଅତିଥି ଭାବରେ ଅତିରିକ୍ତ ଜିଲ୍ଲାପାଳ ଶୀମତୀ ଅଞ୍ଜଳିନା ପ୍ରଧାନ   ଓ  ଉପ ଜିଲ୍ଲାପାଳ ସୋନପୁର ଡ. ସୌମ୍ୟରୂପା ରଥ ଉପସ୍ଥିତ ଥିଲେ l 
‘ପଞ୍ଚମକାର’ କେବଳ ତାନ୍ତ୍ରିକ ଉପାସନା ପଦ୍ଧତିର ଉପାଦାନ ନୁହେଁ ବରଂ ଏହା ସୁବର୍ଣ୍ଣପୁରକୁ ପରିଚିହ୍ନିତ କରୁଥିବା ମଲ୍ଲି, ମୁଗ, ମଠ, ମନ୍ଦିର ଓ ମାଛ ପ୍ରଭୁତି ପାଞ୍ଚଟି "ମ କାର" ସଂଯୋଗ ସେତୁ l ତେବେ ଦୀର୍ଘ ୨୦ ବର୍ଷର ସୁବର୍ଣ୍ଣପୁର ଲୋକ ମହୋତ୍ସବର ସ୍ମରଣିକା ରେ ପ୍ରକାଶିତ ଉପାଦେୟ ମନୋନୀତ ଓ ନିର୍ବାଚିତ ଗବେଷଣାତ୍ମକ ପ୍ରବନ୍ଧ ସଂକଳନ ହେଉଛି ‘ପଞ୍ଚମକାର’ । ଏଥିରେ ସୁବର୍ଣ୍ଣପୁରର ଐତିହ୍ୟ, ସଂସ୍କୃତି, ଧର୍ମଧାରା, ଭାଷାସାହିତ୍ୟ ତଥା କଳା, ସ୍ଥାପତ୍ୟ ସନ୍ନିବେଶିତ ହୋଇଛି ଏବଂ ଏ ସ୍ୱପ୍ନ ଥିଲା ମୋର କିନ୍ତୁ ସବୁ ସବୁ ଶ୍ରେୟ ଓ ସମର୍ଥନ ଆପଣ ମାନଙ୍କ ର ବୋଲି ଜିଲ୍ଲାପାଳ ଡ଼ ସାହୁ କହିଥିଲେ ll 
ଏହି ଲୋକାର୍ପଣ ଉତ୍ସବରେ ସ୍ଵାଗତ ସମ୍ଭାଷଣ ଡକ୍ତର ସୌରଭ ରଞ୍ଜନ ଖମାରି ପ୍ରଦାନ କରିଥିଲେ,  ପରେ ଜିଲ୍ଲାପାଳଙ୍କୁ ମାନପତ୍ର ଦେଇ ସମ୍ବର୍ଦ୍ଧନା ପ୍ରଦାନ କରାଯାଇଥିଲା l
ଜିଲ୍ଲାପାଳଙ୍କ ଅଭିଭାଷଣ ପରେ  ଦୀର୍ଘ 20 ବର୍ଷର ସୁବର୍ଣ୍ଣପୁର ଲୋକ ମହୋତ୍ସବର ସ୍ମରଣିକା ରେ ପ୍ରକାଶିତ ଉପାଦେୟ ମନୋନୀତ ଓ ନିର୍ବାଚିତ ଗବେଷଣାତ୍ମକ ପ୍ରବନ୍ଧ ସଂକଳନ ହେଉଛି "ପଞ୍ଚମକାର"  ଗୋଟିଏ ଓଡ଼ିଆ ଓ  ଇଂରାଜୀ ଭାଷାରେ ପୁସ୍ତକ ପ୍ରିୟ ଜିଲ୍ଲାପାଳଙ୍କ ଦ୍ଵାରା ଲୋକାର୍ପିତ ହୋଇଅଛି l

 ସୁବର୍ଣ୍ଣପୁରର ସାହିତ୍ୟ, କଳା, ସଂସ୍କୃତି,  ଐତିହ୍ୟ ଓ  ମାଟିର ଅସ୍ମିତାକୁ  ନେଇ ପ୍ରକାଶିତ "ପଞ୍ଚମକାର" ପୁସ୍ତକର ଓଡିଆ  ଓ  ଇଂରାଜୀ  ସଂସ୍କରଣର  ଲୋକାର୍ପଣ ଉତ୍ସବରେ ସମସ୍ତ ପ୍ରମୁଖ ସାହିତ୍ୟିକ, କବି,  ଲେଖକ, ବରିଷ୍ଠ ନାଗରିକ, ବୁଦ୍ଧିଜିବୀ, ସାମ୍ବାଦିକ ଯୋଗଦାନ କରିଥିଲେ ଏବଂ ମତ ପ୍ରଦାନ କରିଥିଲେ l
ପରେ ସଭାପତି ଇଙ୍କଫେଷ୍ଟ ଶ୍ରୀ ସ୍ଵାଧୀନ କୁମାର ମେହେର ବକ୍ତବ୍ୟ ରଖିଥିଲେ l
ଶେଷରେ ଉପ ସଭାପତି ଇଙ୍କଫେଷ୍ଟ ଶ୍ରୀ ଗତିକୃଷ୍ଣ ମିଶ୍ର ଧନ୍ୟବାଦ ଅର୍ପଣ କରିଥିଲେ
 ଏହି ଲୋକାର୍ପଣ ଉତ୍ସବ ଟିକୁ  ଶ୍ରୀ  ଅମ୍ବୁଜ ବିହାରୀ ଶତପଥୀ ସଂଯୋଜନା କରିଥିଲେ l
     ଜିଲ୍ଲା ସଂସ୍କୃତି ପରିଷଦ, ସୁବର୍ଣ୍ଣପୁର  ଓ   ଇଙ୍କଫେଷ୍ଟ ର ମିଳିତ ଉଦ୍ୟମରେ ଏହି ଲୋକାର୍ପଣ ଉତ୍ସବ  ପରିଚାଳିତ ହୋଇଥିଲା l ଜିଲ୍ଲା ର ସବୁ ଲେଖକ ଗାଳ୍ପିକ କବି ସାମ୍ବାଦିକ ଏଠାରେ ଯୋଗ ଦେଇଥିଲେ l