17-Jul-2022

ବଲାଙ୍ଗିର (ପ୍ରେରଣା ଖବର)ବିବାଦୀୟ ମହିଳା ପୁଲିସ ଇନ୍ସପେକ୍ଟର ସ୍ନିଗ୍ଧା ରାଣୀ ସୁନା ଙ୍କୁ ପୁଲିସ ଡିଜି ସୁନୀଲ କୁମାର ବଂଶଲ ନିଳମ୍ବନ ଆଦେଶ ଦେଇ ତାହା ତତ୍କ୍ଷଣାତ୍ ଲାଗୁ କରିବା କୁ ନିର୍ଦ୍ଦେଶ ଦେଇଛନ୍ତି | ଇନ୍ସପେକ୍ଟର ସୁନା ସୁନ୍ଦରଗଡ଼ ପୁଲିସ ଜିଲ୍ଲା ଅଫିସ ରେ କାର୍ଯ୍ୟରତ ଥିଲେ | ନିଳମ୍ବନ କାଳରେ ସେ ସୁନ୍ଦରଗଡ଼ ଆରକ୍ଷୀ ଅଧିକାରୀ ଙ୍କ ପାଖରେ ଅନୁଶାସନାତ୍ମକ ନିୟନ୍ତ୍ରଣ ରେ ରହିବେ ବୋଲି ନିର୍ଦ୍ଦେଶ ରହିଛି | ବିବାଦୀୟ ଶ୍ରୀମତୀ ସୁନା ଗତ 12 ତାରିଖ ଦିନ ସୁବର୍ଣ୍ଣପୁର ଜିଲ୍ଲା ଖାରୀ ନିକଟରେ ଥିବା ବଡବାହାଲି ଛକରେ ତାଙ୍କର କାର ରେ ପୁରୀ ରୁ ରଥଯାତ୍ରା ଡିୟୁଟି ରୁ ଏଠାକୁ ଆସୁଥିବା ବେଳେ ରାସ୍ତା କଡରେ ଥିବା ଏକ ଅଟୋରିକ୍ସା କୁ ଧକ୍କା ଦେବା ଯୋଗୁଁ ଘଟଣା ସ୍ଥଳରେ 3 ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ 6 ଜଣ ଗୁରୁତର ଆଘାତ ପ୍ରାପ୍ତ ହୋଇଥିଲେ | ଦୁର୍ଘଟଣା ପରେ ଜଣେ ପୁଲିସ ଅଧିକାରୀ ରୁପେ କାର୍ଯ୍ୟ ନକରି ଡ୍ରାଇଭର ଅଜୟ ଯେଠି ସହିତ ଘଟଣ ସ୍ଥଳ ରୁ ପଳାଇ ଯାଇ ଆତ୍ମଗୋପନ କରିବା ସହିତ ମୋବାଇଲ ସ୍ଵିଚଅଫ କରି ଦେଇଥିଲେ | ସେହିଦିନ ଅପରାହ୍ନରେ ପୁଲିସ ତାଙ୍କୁ ଠାବ କରି ଏଠାର ହାତୀ ଶାଳ ପଡା ରୁ ଡ୍ରାଇଭର୍ ସହିତ ଗିରଫ କରି ସୋନପୁର ନେଇ ଯାଇଥିଲେ | ଗାଡିର ଚାଳକ ଡି ଏଲ୍ ନଥିବା ଯୋଗୁଁ ଏମ୍ ଭି ଆଇନ ଅନୁସାରେ ତାକୁ କୋର୍ଟରେ ଆଦେଶ ମୁତାବକ ଜେଲ ହାଜତକୁ ପଠାଇ ଦିଆଯାଇ ଥିଲା | ଗତକାଲି ଜାମିନ ରେ ଅଜୟ ଆସିଥିବା ବେଳେ ସୁନା ଙ୍କ ନାମରେ ଏମ୍ ଭି ଆଇନ ସମେତ ଆଇ ପି ସି 114 ଧାରା ଲଗି ଥିଲା ଆଜି ଇନ୍ସପେକ୍ଟର ସୁନା ଙ୍କୁ ନିଳମ୍ବନ ଆଦେଶ ମୁତାବକ ନିଳମ୍ବନ କରିଦିଆଯାଇଛି |