14-Jul-2022

ବଲାଙ୍ଗିର (ପ୍ରେରଣା ଖବର) ଆଜି ଦିନ ୧୧ ଟାଟା ବେଳେ ମାନ୍ୟବର ରାଜ୍ୟସଭା ସଦସ୍ୟ ନିରଞ୍ଜନ ବିଶି ବଲାଙ୍ଗିର ଟାଉନ୍ ବାଳିକା ବିଦ୍ୟାଳୟ ଗସ୍ତରେ ଯାଇ ସ୍କୁଲର ପ୍ରଧାନ ଶିକ୍ଷକ, ଶିକ୍ଷୟତ୍ରୀ, ଅଧ୍ୟୟନରତ ଛାତ୍ରୀ ଓ କର୍ମଚାରୀ  ମାନଙ୍କୁ ସାକ୍ଷାତ୍ କରି ସ୍କୁଲର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଥିଲେ l ବଲାଙ୍ଗିର ଟାଉନ୍ ବାଳିକା ଉଚ୍ଚ ବିଦ୍ୟାଳୟକୁ ଖୁବଶୀଘ୍ର 5-ଟି ରେ ଅନ୍ତର୍ଭୁକ୍ତ କରିବା ପାଇଁ ସ୍କୁଲର ପ୍ରଧାନ ଶିକ୍ଷକ ନରେନ୍ଦ୍ର ମିଶ୍ର ରାଜ୍ୟସଭା ସାଂସଦ ଶ୍ରୀ ବିଶି ଙ୍କୁ ଅନୁରୋଧ କରିଥିଲେ l ସ୍କୁଲରେ ବିଜ୍ଞାନ, ଗଣିତ ଓ ଓଡ଼ିଆ ବିଷୟ ପାଇଁ ଶିକ୍ଷକ ନଥିବାରୁ ପିଲାଙ୍କ ପାଠ ପଢ଼ାରେ ବ୍ୟାଘାତ ସୃଷ୍ଟି ହେଉଛି l ଏଠାରେ ସ୍କୁଲର ଖେଳ ଶିକ୍ଷୟତ୍ରୀ ଆତି ଚମତ୍କାର ଭାବରେ ଓଡ଼ିଆ ପଢାଉଥିବାରୁ ରାଜ୍ୟ ସଭା ସାଂସଦ ଶ୍ରୀ ବିଶି ଖୁସି ବ୍ୟକ୍ତ କରିଥିଲେ l ଏ ନେଇ  ପର୍ଯ୍ୟାପ୍ତ ଶିକ୍ଷକ ନିଯୁକ୍ତି ପାଇଁ ମାନ୍ୟବର ରାଜ୍ୟସଭା ସାଂସଦ ଶ୍ରୀ ବିଶି ଙ୍କ ଦୃଷ୍ଟି

ଆକର୍ଷଣ କରାଯାଇଥିଲା l ସାଂସଦ ଶ୍ରୀ ବିଶି ସ୍କୁଲର ନବମ ଓ ଦଶମ ଶ୍ରେଣୀକୁ ଯାଇ ଛାତ୍ରୀ ମାନଙ୍କୁ  ବିଭିନ୍ନ ପ୍ରଶ୍ନ ପଚାରିଥିଲେ  l ଏକାଗ୍ରତାର ସହ ପାଠ ପଢିବାକୁ ଶ୍ରୀ ବିଶି ଛାତ୍ରୀ ମାନଙ୍କୁ ଉପଦେଶ ଦେଇଥିଲେ lଏଥିସହ ଶ୍ରେଣୀ ଗୃହରେ ପାଠ ପଢାଉଥିବାରୁ ଶିକ୍ଷକ ଓ ଶିକ୍ଷୟିତ୍ରୀ ମାନଙ୍କୁ ମଧ୍ୟ ସ୍କୁଲର ସୁବିଧା ଅସୁବିଧା ସମ୍ପର୍କରେ ପଚାରି ବୁଝିଥିଲେ l ଆାଦିବାସୀ ଛାତ୍ରୀ ମାନେ ଯେପରି ରାଜ୍ୟ ସରକାରଙ୍କ ପ୍ରଦତ୍ତ ଷ୍ଟାଇଫ୍ରେଣ୍ଡ୍ ଓ ଅନ୍ୟନ୍ୟ ସୁବିଧା ପାଇପାରିବେ ସେ ନେଇ ଛାତ୍ରୀ ମାନଙ୍କୁ ବୁଝାଇବl ସହ ଶି୍କ୍ଷକ ମାନଙ୍କୁ ପରାମର୍ଶ ଦେଇ ଥିଲେ l ସ୍କୁଲ ପରିଦର୍ଶନ ସମୟରେ ସାଂସଦ ଶ୍ରୀ ବିଶି ଙ୍କ ସହ ବଲାଙ୍ଗିର ନାଗରିକ କମିଟିର ସାଧାରଣ ସମ୍ପାଦକ ମନୋରଞ୍ଜନ ସାହୁ ଙ୍କ ସମେତ ଦଳୀୟ କର୍ମୀ ଓ ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ଥିଲେ l