11-Jul-2022

ଲୋଇସିଂହା, (ବିନୋଦ କୁମାର ଦୀପ) ଲୋଇସିଂହା ବ୍ଲକ ଅଧିନସ୍ଥ ହୀରାପୁର  ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଜମି ସମସ୍ୟାର ସମାଧାନ ସହ ଅନ୍ୟତ୍ର ଜମିରେ ସ୍କୁଲ ନିର୍ମାଣ କରିବା ପାଇଁ ଗ୍ରାମବାସୀ ଉପଜିଲ୍ଲାପାଲଙ୍କ ଦ୍ୱାରସ୍ଥ ହୋଇଛନ୍ତି l ସୂଚନାରୁ ପ୍ରକାଶ ଯେ,  ହୀରାପୁର ଉଚ୍ଚ ପ୍ରାଥମିକ ବିଦ୍ୟାଳୟ ଜମି  ଅନେକ ଦିନହେଲା ବାଦବିବାଦ ଲାଗିରହିଛି l ସ୍କୁଲ ତିଆରି ବେଳେ ସ୍ୱର୍ଗତ ପରି ପଧାନ ବିଦ୍ୟାଳୟ ପାଇଁ ଜମି ପ୍ରଦାନ କରିଥିଲେ l ହେଲେ ଦୀର୍ଘଦିନ ହେବ ସ୍ୱର୍ଗତ ପଧାନଙ୍କ ଉତ୍ତରାଧିକାରୀ ମାନେ ଜମି ଆମେ ବିଦ୍ୟାଳୟକୁ ଦେବୁନାହୁଁ କହି କୌଣସି ନିର୍ମାଣ କାର୍ଯ୍ୟ କରି ଦେଉନାହାନ୍ତି l ବର୍ତ୍ତମାନ ସ୍କୁଲରେ  ୧୨୦ ଜଣ ଛାତ୍ରଛାତ୍ରୀ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ବିଦ୍ୟାଳୟରେ ପାଠ ପଢୁଛନ୍ତି l ବିଦ୍ୟାଳୟରେ ୩ ଜଣ ଶିକ୍ଷୟତ୍ରୀ ସହ ଜଣେ ଶିକ୍ଷକ ସ୍କୁଲରେ କାର୍ଯ୍ୟରତ l କିନ୍ତୁ ପରୀତାପର ବିଷୟ ଏହାଯେ ଏଠି ଶୌଚାଳୟଟିଏ ନାହିଁ, ଯାହା ଫଳରେ ଛାତ୍ରଛାତ୍ରୀ ସହ ଶିକ୍ଷକ ଶିକ୍ଷୟତ୍ରୀଙ୍କୁ ଘୋର ସମସ୍ୟାର ସମ୍ମୁଖୀନ ହେବାକୁ ପଡୁଛି l କୋଠରୀର ଅଭାବ ଯୋଗୁଁ ଗୋଟିଏ କୋଠରୀରେ ୨, ୩ଟି ଶ୍ରେଣୀ ମିଶି ପାଠ ପଢିବାକୁ ପଡୁଛି l ଏ ବିଷୟ ଉଚ୍ଚ କର୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ ସୁଦ୍ଧା ତାହାର ସ୍ଥାୟୀ ସମାଧାନ ଏ ପର୍ଯ୍ୟନ୍ତ ହୋଇନାହିଁ l ନିକଟ ଭବିଷ୍ୟତରେ ସ୍ୱର୍ଗତ ପରି ପଧାନଙ୍କ ଉତ୍ତରାଧିକାରୀ ମାନେ ଆସି ଜମି ଦେବାକୁ ମନାକରି ଦେବାସହ ଶୀଘ୍ର ବିଦ୍ୟାଳୟକୁ ସ୍ଥାନାନ୍ତରଣ କରିବା ପାଇଁ ତାଗିଦ କରିଛନ୍ତି l ଏଣୁ ବୈଠକରେ ଗ୍ରାମବାସୀ ମାନେ ବିଦ୍ୟାଳୟକୁ ଅନ୍ୟତ୍ର ସ୍ଥାନାନ୍ତର କରିବା ପାଇଁ ସିଦ୍ଧlନ୍ତ ଗ୍ରହଣ କରିଛନ୍ତି l