12-Jul-2022

ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଯଏଁତରା ଫରେଷ୍ଟ ସେକ୍ସନ୍ ଅନ୍ତର୍ଗତ ଅଁତର୍ଲା ଠାରେ ଫରେଷ୍ଟର ଧୃବଚରଣ ବଗର୍ତୀଙ୍କ ନେତୃତ୍ବରେ ଫରେଷ୍ଟ ଗାର୍ଡ ସୁମନ୍ତ ଧରୁଆ ଓ ଅନ୍ଯାନ୍ଯ ଷ୍ଟାଫ ଙ୍କ ସହଯୋଗରେ ୪୦ ଖଣ୍ଡ ଚୋରା କେନ୍ଦୁକାଠ ଗଣ୍ଡି ଚାଲାଣ ହେଉଥିବା ଏକ ବୋଲେରୋ ପିକଅପ୍ ରେଜିଷ୍ଟ୍ରେସନ ନଂ ଓ ଆର୍  ୦୩ ଡି ୦୮୦୭ ଜବତ କରାଯାଇ ଥିବା ମୁରିବାହାଲ ଜଙ୍ଗଲ ବିଭାଗ ସୁଚନା ଦେଇଛନ୍ତି ।

ଦୁଇଜଣ ଆସାମୀଙ୍କୁ ଗିରଫ କରାଯାଇ ଥିବା ବେଳେ ମୁଖ୍ଯ ଅଭିଯୁକ୍ତ ଫେରାର ଥିବା ବିଭାଗୀୟ ସୁତ୍ରରୁ ପ୍ରକାଶ। ଏ ଆସାମୀ ଦ୍ବୟ ହେଲେ ଲୋଇସିଙ୍ଗା ବ୍ଲକ ନୁଆଁପାଲି ଗ୍ରାମ୍ଯ ବାସିନ୍ଦା ପୁର୍ନଚନ୍ଦ୍ର ବାରିକଙ୍କ ପୁଅ ଜଗଦୀଶ ବାରିକ ୩୪ ବର୍ଷ ଏବଂ ବରଗଡ ଜିଲ୍ଲା ଟେମରି ଗ୍ରାମ ର ବାହାର ପୋଡ ଙ୍କ ପୁଅ ଛବିଲା ପୋଡ ୩୨ ବର୍ଷ । ଅପରାଧି ଦ୍ବୟଙ୍କୁ ଆଜି କୋର୍ଟଚାଲାଣ କରାଯିବ ବୋଳି ଫରେଷ୍ଟର ବଗର୍ତୀ ସୁଚନା ଦେଇଛନ୍ତି। ପୁରୁଣା ବଲେରୋ ପିକ୍ଅପ୍ ଗାଡି ୨୦୦୬
ମସିହାର ରେଜିଷ୍ଟ୍ରେସନ ହୋଇଥିବା ବେଳେ ଫିଟନେସ୍, ଇନସୁରେନ୍ସ କିଛିନଥିବା ଫରେଷ୍ଟର ସୁଚାଇଥିଲେ । ଷ୍ଟାଫ ଅଭାବ ସତ୍ତ୍ବେ ଚୋରାକାଠ ବ୍ୟବସାୟୀଙ୍କୁ କାବୁ କରିବାରେ ଫରେଷ୍ଟର ବଗର୍ତ୍ତୀଙ୍କ ସଫଳ ଉଦ୍ୟମକୁ ଚାରିଆଡେ ପ୍ରଶଂସା କରାଯାଉଛି।

(ନାସିର ଖାନ୍ ଙ୍କ ରିପୋର୍ଟ)