11-Jul-2022

ବଲାଙ୍ଗିର (ପ୍ରେରଣା ଖବର) ବଲାଙ୍ଗିରରେ ମାତିଛନ୍ତି ନକଲି ମଦ ମାଫିଆ। ବାରମ୍ବାର ଧରପଗଡ଼ ସତ୍ତ୍ୱେ ମଧ୍ୟ ଥମୁନାହିଁ ମଦ ମାଫିଆ। ଅବକାରୀ ଅଧୀକ୍ଷକ ଶ୍ରୀ ପି. କେ ପଣ୍ଡାଙ୍କ ନେତୃତ୍ୱରେ ଆଜି ବଲାଙ୍ଗୀର ସଦର ଥାନା ଅନ୍ତର୍ଗତ ବିଜାଖମନରୁ ବିପୁଳ ପରିମାଣର ନକଲି ବିଦେଶୀ ମଦ ଜବତ କରିଛି ଅବକାରୀ ବିଭାଗ। ନକଲି ମଦ କାରବାରରେ ଦୁଇ ଜଣଙ୍କୁ ବିରଫ କରିଛି ବଲାଙ୍ଗୀର ଅବକାରୀ ବିଭାଗ। ତାଙ୍କଠାରୁ  ୧୭.୨୮୦ ଲିଟର ଏମ୍.ସି ନମ୍ବର୍  ୧  ହ୍ୟୁସ୍କି , ୯୬ ଗୋଟି ରୟାଲ ଷ୍ଟେୁଜ୍ ହ୍ୟୁସ୍କି , ୨୦୩ ଗୋଟି ଏମ୍.ସି ନମ୍ବର୍ ୧ ନକଲି ହ୍ୟୁସ୍କି ଠିପି , ୨୫ ଗୋଟି ନକଲି ଆଇଏମ୍ ପ୍ରିଆମ୍ ବ୍ଲୁ  ଠିପି ଓ ନକଲି ଲେବଲ୍ ଜବତ କରିଛି ଅବକାରୀ ବିଭାଗ। ଦୁଇ ଜଣ ନକଲି ମଦ ବେପାରୀ ମାନେ ହେଲେ ଗୌତମ କୁମାର ଗୁପ୍ତା ଓ ପିଣ୍ଟୁ କୁମାର। ଦୁଇ ମଦ ମାଫିଆଙ୍କୁ ଗିରଫ କରି ଏହି ନକଲି ମଦ କାରବାରର ଚେର କେତେ ଦୂର ଲମ୍ବିଛି। ଏହି ମଦ କାରବାର ପଛରେ ମାଷ୍ଟର ମାଇଣ୍ଡ କିଏ  ତାହାର ତଦନ୍ତ କରୁଛି  ଅବକାରୀ ବିଭାଗ।