11-Jul-2022

ବଲାଙ୍ଗୀର(ପ୍ରେରଣା ଖବର), ଗତକାଲି ବଲାଙ୍ଗୀର ନାଗରିକ କମିଟି ଓ ରେଳ ଉପଭୋକ୍ତା ସଂଘର ସଭ୍ୟ ମାନେ ରାଜ୍ୟ ସଭା ସାଂସଦ ନିରଞ୍ଜନ ବିଶିଙ୍କ ସାକ୍ଷାତ କରି ଜିଲ୍ଲାର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ବିଶେଷ କରି ଜିଲ୍ଲାରେ ରେଳ ଗମନାଗମନ କ୍ଷେତ୍ରରେ ଥିବା ବିଭିନ୍ନ ସୁବିଧା, ଅସୁବିଧା ସଂପର୍କରେ ବିଶେଷ ଆଲୋଚନା ହେlଇଥିଲା । ବଲାଙ୍ଗୀର-ଖୋର୍ଦ୍ଧା ରେଳପଥ କାମକୁ ତ୍ୱରାନ୍ୱିତ କରି ବଲାଙ୍ଗୀରରୁ ସୋନପୁର ପର୍ଯ୍ୟନ୍ତ ରେଳ ଚାଳାଚଳ ଆରମ୍ଭ କରିବାକୁ ଦାବି କରାଯାଇଛି । ସମ୍ବଲପୁର-ପୁରୀ ଇଂଟରସିଟି ଏକ୍ସପ୍ରେସକୁ ବଲାଙ୍ଗୀର ଠାରୁ ଆରମ୍ଭ କରିବା, ସମ୍ବଲପୁର-ପୁରୀ ଇଂଟରସିଟି ଏକ୍ସପ୍ରେସକୁ ବଲାଙ୍ଗୀର ପର୍ଯ୍ୟନ୍ତ ସଂପ୍ରସାରଣ କରିବା, ଜାମ୍ମୁ - ତାୱି ଏକ୍ସପ୍ରରେସକୁ ସମ୍ବଲପୁର

ବଦଳରେ ଟିଟିଲାଗଡ଼ ପର୍ଯ୍ୟନ୍ତ ସଂପ୍ରସାରଣ କରିବା, ଅମୃତସରରୁ ବିଶାଖାପାଟଣା ଯାଉଥିବା ଏକ୍ସପ୍ରେସକୁ ବଲାଙ୍ଗୀର ଦେଇ ଚାଳଚାଳ କରିବାକୁ ସରକାରଙ୍କ ଠାରେ ଦାବି କରାଯାଇଛି । ତେବେ ରାଜ୍ୟ ସଭା ସାଂସଦ ଅଧିବେଶନର ଶୂନ୍ୟ କାଳରେ ଏହି ଦାବି ଗୁଡିକୁ ଉପସ୍ଥାପନ କରିବେ ବୋଲି କହିଛନ୍ତି ।  ଆମ ରାଜ୍ୟରୁ କେନ୍ଦ୍ର ରେଳ ମନ୍ତ୍ରୀ ପ୍ରତିନିଧିତ୍ୱ କରୁଥିବାରୁ ରେଳ ଚଳାଚଳ ସଂପର୍କିତ ଏହି ସମସ୍ୟା ସବୁବୁ ଅଗ୍ରାଧିକାର ଦିଆଯିବାରେ ସେ

ଚେଷ୍ଟା କରିବେ ବୋଲି ପ୍ରତିନିଧି ଦଳଙ୍କୁ ଶ୍ରୀ ବିଶି ପ୍ରତୃଶୃତି ଦେଇଛନ୍ତି । ଏହି ଆଲୋଚନା ବେଳେ ବଲାଙ୍ଗିର ନାଗରିକ କମିଟିର ସଭାପତି ବେଲାର ସିଂହ ଭୋଇ, ସଂପାଦକ ମନୋରଂଜନ ସାହୁ, ଗୋପ ନାଥ, ସିଏ ଶ୍ରୀକାନ୍ତ ସର୍ମା ଓ ରେଳ ଉପଭୋକ୍ତା ସଂଘର ସଭାଉପତି ପ୍ରଫେସର ତରୁଣ ମିଶ୍ର, ସଂପାଦକ ନାରାୟଣ ପାଢ଼ି, ଉପସଭାପତି ଅଶୋକ ମିଶ୍ର, ଯୁଗ୍ମ ସଂପାଦକ ଦିବାକର ହୋତା ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।