01-Jul-2022

କଳାହାଣ୍ଡି,କୋକସରା( ତ୍ରିନଥ ବେଶ୍ରା )
ନିଜ ଝିଅ ଘର କୁ ରଥଯାତ୍ରା ରେ ଯାଉଥିଲେ, ହେଲେ ଝିଅ ଘର କୁ ପହଞ୍ଚିବା ପୂର୍ବରୁ ପୋଲିସ ଗାଡି ଧକ୍କା ରେ ୩ ଗୁରୁତର ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ମହିଳା ଙ୍କ ମୃତ୍ୟୁ ହୋଇଛି। ସୂଚନା ଅନୁସାରେ ଆମପାଣି ପଞ୍ଚାୟତ କନ୍ଦାଗଡ଼ ଗ୍ରାମର କୃଷ୍ଣଚନ୍ଦ୍ର ମାଝୀ ସ୍ତ୍ରୀ କିଆଁ ମାଝୀ ବୟସ -୩୫ ଓ ୧୦ ବର୍ଷ ର ଝିଅ ନମିତା ସହ ନିଜ ବିବାହିତା ଝିଅ ଘର ଭୁର୍ଷାଗୁଡା କୁ ବାଇକ ରେ ଯାଉଥିବା ସମୟରେ ବିଜୁ ଏକ୍ସପ୍ରେସ ୱେ ଭୁର୍ଷାଗୁଡା ନିକଟରେ ବିପରୀତ ଦିଗରୁ ଆସୁଥିବା ଆମପାଣି ପୋଲିସ ଗାଡି ଦ୍ରୁତ ଗତି ରେ ଧକ୍କା ଦେବା ଫଳରେ ସେହି ୩ ଜଣ ଗୁରୁତର ଙ୍କୁ ପୋଲିସ ଗାଡି ରେ କୋକସରା ହସ୍ପିଟାଲ କୁ ଆଣି ଭର୍ତ୍ତି କରିଥିବା ବେଳେ ଚିକିତ୍ସାଧୀନ ଅବସ୍ଥାରେ ମହିଳା ଙ୍କ ମୃତ୍ୟୁ ହୋଇଛି। ଅନ୍ୟ ଗୁରୁତର ଙ୍କୁ ଭବାନୀପାଟଣା ହସ୍ପିଟାଲ କୁ ସ୍ଥାନାନ୍ତର କରାଯାଇଛି। କିଆଁ ମାଝି ଙ୍କ ସବକୁ କୋକସରା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଠାରେ ସବ ବ୍ୟବଚ୍ଛେଦ କଲାପରେ ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ପରିବାର ଲୋକେ ସବକୁ ନେଇ କ୍ଷତିପୂରଣ ଦାବିକରି ଆମପାଣି ଥାନା ସମ୍ମୁଖର ରଖି ଧାରଣରେ ବସିଛନ୍ତି  ଓ ୨୬ ନମ୍ବର ଜାତୀୟ ରାଜପଥର ଅବରୋଧ କରି ଛନ୍ତି l ଯେପର୍ଯ୍ୟନ୍ତ ମୃତକ ଙ୍କ କ୍ଷତି ପୂରଣ ନ ଦେବାଯାଏ ରାସ୍ତା ରୋକ୍ ରହିବ ବୋଲି ଲୋକ ମାନେ ମତ ପ୍ରକାଶ କରି ଛନ୍ତି l