01-Jul-2022

ବରଗଡ:-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ପହଣ୍ଡି ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଜୟନ୍ତୀ ମିଶ୍ର କର୍ମମୟ ଜୀବନରୁ ଅବସର ଗ୍ରହଣ କରିଛନ୍ତି। ଏହି ଅବସରରେ ଏକ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ବ୍ଲକ ଶିକ୍ଷା ଅଧିକାରୀ ସୁରେଶ କୁମାର ରାଉତରାୟ ମୁଖ୍ଯ ଅତିଥି ଭାବେ ଯୋଗଦେଇ ବିଦାୟୀ ଶିକ୍ଷୟିତ୍ରୀ ମିଶ୍ରଙ୍କୁ ପୁଷ୍ପଗୁଚ୍ଛ ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ସ୍କୁଲ ପରିଚାଳନା କମିଟି ସଭାପତି ସୌମିତ୍ରୀ ସାହୁଙ୍କ ଅଧ୍ଯକ୍ଷତାରେ ସାଧାରଣ ସଭା ହୋଇଥିଲା। ଅନ୍ୟ ମାନଙ୍କ ମଧ୍ଯରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ପୂର୍ଣ୍ଣ ଚନ୍ଦ୍ର ପଧାନ,ପଡା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ନବୀନ ସାହୁ, ପୂର୍ବତନ ସିଆରସିସି ପ୍ରେମରାଜ ରଣା, ଶିକ୍ଷାବିତ ଶାନ୍ତନୁ ପୁରୋହିତ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗଦେଇଥିଲେ। ବରିଷ୍ଠ ଶିକ୍ଷକ ଗତିକୃଷ୍ଣ ପଧାନ, ଶିକ୍ଷୟତ୍ରୀ ସ୍ବେତାଲିନା ଦାଶଙ୍କ ସମେତ ଶିକ୍ଷାର୍ଥୀମାନେ ପ୍ରଧାନ ଶିକ୍ଷକଙ୍କ ସ୍ମୃତି ଚାରଣ କରି ସେ ଜଣେ ଦାୟିତ୍ଵ ସଂପନ୍ନ ଆଦର୍ଶ ଶିକ୍ଷକ ଥିଲେ ବୋଲି ମତପୋଷଣ କରିଥିଲେ। ଶିକ୍ଷୟତ୍ରୀ ମିଶ୍ର ୧୯୮୭ମସିହାରୁ ଶିକ୍ଷା ବିଭାଗରେ ଚାକିରୀ ଜୀବନ ଆରମ୍ଭ କରି ବିଭିନ୍ନ ବିଦ୍ୟାଳୟରେ ଦକ୍ଷତାର ସହିତ ଅଧ୍ୟାପନା କାର୍ଯ୍ୟ ସଂପାଦନ କରିଥିଲେ। ସଦାନନ୍ଦ, ତ୍ରିନାଥ ସେଠ, ଶାନ୍ତନୁ ମେହେର, କୌଶଲ୍ୟା ସାହୁ, ସୁଚିସ୍ମିତା ପଧାନ, ରଶ୍ମି ପଣ୍ଡା ପ୍ରମୁଖ ଶିକ୍ଷକ ଶିକ୍ଷୟିତ୍ରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଖେଳ ଶିକ୍ଷକ ହୃଦମଣି ସାହୁ କାର୍ଯ୍ୟକ୍ରମକୁ ସଂଯୋଜନା କରିଥିଲେ।