01-Jul-2022

ଲୋଇସିଂହା, (ବିନୋଦ କୁମାର ଦୀପ) ବିଦ୍ୟାଭାରତୀ ଶିକ୍ଷା ବିକାଶ ସମିତି, ଓଡିଶାଙ୍କ ଯୋଜନାନୁସାରେ ଗତ ୨୭ତାରିଖ ରୁ  ୩୦ ତାରିଖ ଦୀର୍ଘ ଚାରିଦିନ ପର୍ଯ୍ୟନ୍ତ ଲୋଇସିଂହା ଶିଶୁ ବିଦ୍ୟା ମନ୍ଦିର ଲୋଇସିଂହା ସଂକୁଳ ଓ ଦକ୍ଷିଣ ପଶ୍ଚିମ ସମ୍ଭାଗର ବିଦ୍ୟା ମନ୍ଦିରର ସାମୁହିକ ଆଚାର୍ଯ୍ୟ କର୍ମଶାଳା ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମର ଉଦଘାଟନି ଉତ୍ସବରେ ମୁଖ୍ୟଅତିଥି ଭାବରେ ଲୋଇସିଂହା ଜୋନ ୩୩ର ଜିଲ୍ଲା ପରିଷଦ ଅଧ୍ୟକ୍ଷl ଶ୍ରୀମତୀ ଲିଳିମା ବେହେରା ଯୋଗ ଦେଇଥିବା ବେଳେ, ସମ୍ମାନିତ ଅତିଥି ଭାବରେ ବିଜେଡି ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରା, ମୁଖ୍ୟବକ୍ତା ଭାବରେ ଲୋଇସିଂହା ମହାବିଦ୍ୟାଳୟର ଇତିହାସ ଅଧ୍ୟlପକ ସନ୍ତୋଷ କୁମାର ସିଂହଲାଲ, ସଂକୁଳ ପ୍ରମୁଖ  କମଳ ଲୋଚନ ତ୍ରିପାଠୀ ଯୋଗଦେଇ କାର୍ଯ୍ୟଶାଳାର ଶୁଭାରମ୍ଭ କରିଥିଲେ l ପ୍ରତିଦିନ କର୍ମଶାଳାଟି ସକାଳ ୫ ଟାରୁ ଆରମ୍ଭ

ହୋଇ ରାତ୍ର ୧୦ଟା ପର୍ଯ୍ୟନ୍ତ ଦୀପ ନିର୍ବାପିତ ହେଉଥିଲା l ଏହି କର୍ମଶାଳାରେ ସଂକୁଳର ୭ଟି ବିଦ୍ୟାଳୟ ଓ ସମ୍ଭାଗର ୪ ଟି ଜିଲ୍ଲା ତଥା  ତଥା ୩ଟି ବିଭାଗର ୨୭ଟି ବିଦ୍ୟା ମନ୍ଦିରରୁ ଏନ.ଇ.ପି ଆଧାରରେ ପ୍ରତିଭାଗୀ ମାନ ଯୋଗଦାନ କରିଥିଲେ l ବିଦ୍ୟା ମନ୍ଦିର ବିଭାଗରେ ୧୦୨ ଜଣ ଗୁରୁଜୀ ଓ ୪୫ ଜଣ ଗୁରୁମା ଉପସ୍ଥିତ ଥିବାବେଳେ ସର୍ବମୋଟ ୧୪୩ଜଣ ଗୁରୁଜୀ ଓ ୮୧ ଜଣ ଗୁରୁମା ଉକ୍ତ କାର୍ଯ୍ୟକ୍ରମରେ ଉପସ୍ଥିତ ଥିଲେ l ବିଦ୍ୟା ମନ୍ଦିର ବିଭାଗର ସାହିତ୍ୟରେ ୨୫ଜଣ, ଇଂରାଜୀରେ ୨୩ ଜଣ, ହିନ୍ଦୀରେ ୧୬ ଜଣ, ସଂସ୍କୃତରେ ୧୪ ଜଣ, ଗଣିତରେ ୨୬ ଜଣ, ସାଧାରଣ ବିଜ୍ଞାନରେ ୧୮ ଜଣ, ଇତିହାସରେ ୧୫ ଜଣ, ଭୂଗୋଳରେ ୧୦ ଜଣ ସର୍ବମୋଟ ୧୪୭ ଜଣ ଉପସ୍ଥିତ ଥିଲେ l ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବରେ ଲୋଇସିଂହା ବିଧାୟକ ଡ଼.ମୁକେଶ ମହାଲିଙ୍ଗ ଓ ମୁଖ୍ୟବକ୍ତା ଭାବେ ଶିକ୍ଷା ବିକାଶ ସମିତି, ଓଡିଶାର ସଂଗଠନ ମନ୍ତୀ ମାନନୀୟ ରମାକାନ୍ତ ମହାନ୍ତ ଯୋଗ ଦେଇଥିଲେ l ଶିକ୍ଷା ବିକାଶ ସମିତି ଓଡିଶାର ୩ ଜଣ ପୂର୍ଣ୍ଣକାଳୀନ କାର୍ଯ୍ୟକର୍ତ୍ତା, ଦକ୍ଷିଣ ପଶ୍ଚିମ ସମ୍ଭାଗର କାର୍ଯ୍ୟାଳୟ ସହାୟକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏବଂ ଲୋଇସିଂହା ସଂକୁଳର ୬ ଜଣ କାର୍ଯ୍ୟାଳୟ ସହାୟକ, ୮ ଜଣ ସେବକ ସେବିକା ତଥା ୪ ଜଣ ବାହାନ ଚାଲକଙ୍କ ସହଯୋଗରେ ଉକ୍ତ କାର୍ଯ୍ୟକ୍ରମଟି ସଫଳ ହୋଇପାରିଛି l