01-Jul-2022

ବରଗଡ:-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତଲିଟିପାଲି  ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ଗୋକୁଳାନନ୍ଦ ପ୍ରଧାନଙ୍କ ଚାକିରୀରୁ ଅବସର ଗ୍ରହଣ ଉପଲକ୍ଷେ ବିଦ୍ୟାଳୟର ଛାତ୍ରଛାତ୍ରୀ, ଅଭିଭାବକ, ପରିଚାଳନା କମିଟିର ସଭ୍ୟସଭ୍ୟାଙ୍କୁ ନେଇ ଏକ ସମ୍ବର୍ଦ୍ଧନା ସଭା ଚେୟାରମ୍ଯାନ ଚୂଡାମଣି ଭୁଏଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେଲା। ମୁଖ୍ୟ ଅତିଥିଭାବେ ଏ ବି ଇ ଓ ଶ୍ରୀଯୁକ୍ତ ସୁଶାନ୍ତ କୁମାର ପାଣ୍ଡେ, ସମ୍ମାନିତ ଅତିଥିଭାବରେ ସି  ଆର୍ ସି ସି ଦୁର୍ବାଦଳ ବଡ଼ଗୁଛିଆ, ସୀତାରାମ ଦୀପ, ପୂର୍ବତନ ସି ଆର୍ ସି ସି ପ୍ରେମରାଜ ପଧାନ ଙ୍କ ସହିତ ପ୍ରଦୀପ ଭୋଇ, ଶୈଳେନ୍ଦ୍ର ନାରାୟଣ ମିଶ୍ର, ଜ୍ୟାକବ ନନ୍ଦ,  ଚାରୁ ଚରଣ ବିଶ୍ଵାଳ, ମାଧବ ଚନ୍ଦ୍ର ସାହୁ ପ୍ରଭୃତି ଶିକ୍ଷକଗଣ ଏବଂ ବୁଦ୍ଧଦେବ ଦାଶ, ଆଶିଷ ତ୍ରିପାଠୀ, ଜନାର୍ଦ୍ଦନ ବାରିକ ଆଦି ଅଫିସ କର୍ମଚାରୀ ସଭାରେ ଅଂଶଗ୍ରହଣ କରିଥିଲେ। ବିଦାୟୀ ଶିକ୍ଷକ ଶ୍ରୀଯୁକ୍ତ ପ୍ରଧାନ ବିଦ୍ୟାଳୟର ପ୍ରତ୍ୟେକ ଉନ୍ନତି ମୂଳକ କାର୍ଯ୍ୟ କମିଟିର ସହମତି ଭିତ୍ତିରେ କରୁଥିଲେ ବୋଲି ସ୍କୁଲ ଚେୟାରମ୍ଯାନ ମତପ୍ରକାଶ କଲେ ଏବଂ ଖାଲି ସ୍ଥାନରେ ଶୀଘ୍ର ଜଣେ ଶିକ୍ଷକ ନିଯୁକ୍ତି ପାଇଁ ଏ ବି ଇ ଓ ଙ୍କୁ ଅନୁରୋଧ କରିଥିଲେ।  ଛାତ୍ରଛାତ୍ରୀ ଓ ପରିଚାଳନା କମିଟି ସଭ୍ୟସଭ୍ୟା ବିଦାୟୀ ଶିକ୍ଷକଙ୍କୁ  ବିଭିନ୍ନ ଉପଢୌକନ ପ୍ରଦାନ କଲେ। ବି ଇ ଓ  ଅଫିସ ତରଫରୁ ପ୍ରୋଭିଜନାଲ ପେନସନ୍ ମଞ୍ଜୁରୀ ଚିଠି ସାଙ୍ଗକୁ ଏକ ପ୍ରଶଂସା ପତ୍ର ମଧ୍ଯ ପ୍ରଦାନ କରାଗଲା। ଶିକ୍ଷକ ପ୍ରେମରାଜ ପଟେଲ ସୁନ୍ଦର ଭାବରେ ସଭା ସଂଯୋଜନା କରିଥିଲେ ଏବଂ ସହକାରୀ ଶିକ୍ଷକ ଚିତ୍ତରଞ୍ଜନ ସୁନା ଧନ୍ୟବାଦ ଅର୍ପଣ କରିଥିଲେ