30-Jun-2022

(ଅନିଲ ତ୍ରିପାଠୀ)
ବଲାଙ୍ଗୀର ଜିଲ୍ଲା ଟିଟିଲାଗଡ ବ୍ଲକ ଅନ୍ତର୍ଗତ କୁରସୁଡ ଗ୍ରାମରେ ଥିବା ପ୍ରାୟ  ଦେଢଶହ ବର୍ଷ ତଳେ ପ୍ରତିଷ୍ଠା ହୋଇଥିବା  ମହାପ୍ରଭୁ ଶ୍ରୀଜଗନ୍ନାଥଙ୍କ ମନ୍ଦିର ଏବେ ଜରାଜୀର୍ଣ୍ଣ। ପ୍ରତିଦିନ ଭଲି ବୁଧବାର ନେତ୍ରୋତ୍ସବ ଥିବାରୁ ମନ୍ଦିର ସକାଳୁ ଖୋଳି ପୁଜାପାଠ ଆରମ୍ଭ କରିବା ପାଇଁ ମନ୍ଦିର ପହଞ୍ଚି ଗେଟ ଖୋଲିଲା ମାତ୍ରେ ମନ୍ଦିର ଛାତରୁ ସିମେଣ୍ଟ ଖସି ପଡିଥିଲା । ତେବେ ପୁଜକ ମନ୍ଦିର ଭିତରକୁ ପଶି ନ ଥିବାରୁ ଅଳ୍ପକେ ବର୍ତ୍ତିଯାଇଥିଲେ । ହେଲେ ନେତ୍ରୋତ୍ସବ ଥିବାରୁ ଛାତରୁ ଖସି ପଡିଥିବା ସିମେଣ୍ଟ କୁ ସଫା ସୁତୁରା କରିବା ପରେ ନେତ୍ରୋତ୍ସବ ପାଇଁ ପୁଜାକାର୍ଯ୍ଯ ଆରମ୍ଭ ହୋଇଥିଲା। ପ୍ରକାଶ ଯୋଗ୍ଯ କୁରସୁଡ ଜଗନ୍ନାଥ ମନ୍ଦିର କୁ ପ୍ରାୟ ଦେଢଶହ ବର୍ଷ ତଳେ ସେ ସମୟର ଗୌନ୍ତିଆ ମାଧବ ସିଂଭୋଇ ପ୍ରଥମେ ତିଆରି କରାଇଥିଲେ। ସେ ସମୟରୁ କୁରସୁଡ ଗ୍ରାମରେ ଭଗବାନ ଶ୍ରୀ ଦଧିବାମନ, ଜଗନ୍ନାଥଙ୍କ ବେଶରେ ପୂଜା ପାଇ ଆସୁଛନ୍ତି। ସମୟ ସହିତ ମନ୍ଦିର ର ରୁପ ରେଖ ବି ବଦଳିଥିଲା ଦେଢଶହ ବର୍ଷ ଭିତରେ ମନ୍ଦିର କେତେ ଯେ ରୁପରେ ରୁପାନ୍ତରଣ ହୋଇଛି ।  ହେଲେ ବର୍ତ୍ତମାନ ସମୟରେ ମନ୍ଦିରର ଅବସ୍ଥା ଦିନକୁଦିନ ଜରାଜୀର୍ଣ୍ଣ ହୋଇ ପଡୁଥିବା ଦେଖି କୁରସୁଡ ମନ୍ଦିର ଟ୍ରଷ୍ଟ କମିଟି ଓ ଜନ ସାଧାରଣ ଅନେକ ଥର ପ୍ରଶାସନର ଦ୍ବାରସ୍ଥ ହୋଇଥିଲେ ହେଁ ପ୍ରଶାସନ ତରଫରୁ କୌଣସି ପଦକ୍ଷେପ ଗ୍ରହଣ କରା ନ ଯାଉଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି।  ଏବଂ ଦେଢଶହ ବର୍ଷ ତଳର ମୁକସାକ୍ଷୀ ହୋଇ ଛିଡା ହୋଇଥିବା ମନ୍ଦିର ଲୋକଙ୍କ ଆସ୍ଥା, ବିଶ୍ବାସ ଓ ଭାବାବେଗ ସହ ଜଡିତ ଥାଇ ମଧ୍ଯ ଜରାଜୀର୍ଣ୍ଣ ହୋଇପଡିବା ରାଜନୈତିକ ବ୍ୟକ୍ତିବିଶେଷ ଙ୍କ ଇଛାଶକ୍ତିର ଅଭାବ ଓ ପ୍ରଶାସନିକ କଳର ଢିଲାପଣ ଯୋଗୁଁ ମନ୍ଦିର ଜରାଜୀର୍ଣ୍ଣ ଅବସ୍ଥାକୁ ପହଞ୍ଚି ଯାଇଥିବା ରୁ ଉଭୟ ରାଜନୈତିକ ଓ ପ୍ରଶାସନିକ ସ୍ତରରୁ ଉଦ୍ୟମ ଆରମ୍ଭ କରି ମନ୍ଦିର ର ପୁନରୁଦ୍ଧାର ପାଇଁ ଆଗଭର ହେବା ପାଇଁ ମନ୍ଦିର ପୂଜକ ଫକୀର ମୋହନ ପାଢୀ ଓ ଅଜୟ କୁମାର ପାଢୀ ତଥା ମନ୍ଦିର କମିଟିର ଅଶୋକ ନାଏକ, ରଞ୍ଜନନାଏକ ,ମନୋଜ ପାଢୀ ପ୍ରମୁଖ ଙ୍କ ସହ ଗ୍ରାମବାସୀ ନିବେଦନ କରିଛନ୍ତି ।