30-Jun-2022

ସିନ୍ଧେକେଲା (ଅନିଲ ତ୍ରିପାଠୀ)
ବଲାଙ୍ଗୀର ଜିଲ୍ଲା ସିନ୍ଧେକେଲା ଦେଇ ବହି ଯାଇଥିବା ବିସ୍ତିର୍ଣ୍ଣ ଉନ୍ଦେର ନଦୀର ବ୍ରିଜ ଏବେ ମରଣଯନ୍ତା ପାଳଟିଛି । ଏହି ବ୍ରିଜ ବଲାଙ୍ଗୀର, କଲାହାଣ୍ଡି ଓ ନୁଆପଡା ଜିଲ୍ଲାର ସିମାନ୍ତରେ ଥିବା ଏବଂ ବିଶାଖାପଟନମ ରୁ ରାଇଗଡ କୁ ଏହି ବ୍ରିଜ ଦେଇ ଗଲେ ଦୁରତା କମ ପଡୁଥିବା ତଥା ପଶ୍ଚିମ ଓଡିଶାର ଜଣାଶୁଣା ବ୍ୟବସାୟିକ ପେଣ୍ଠସ୍ଥଳ କଣ୍ଟାବାଞ୍ଜି ରୁ ଧର୍ମଗଡ ଓ ଭବାନିପାଟଣା ତଥା ଟିଟିଲାଗଡ ରୁ ନୁଆପଡା , ରାଇପୁର ଯିବାକୁ ହେଲେ ଏହି ବ୍ରିଜ ଦେଇ ଗଲେ ଦୁରତା କମ ପଡୁଥିବାରୁ ସରକାର ଉନ୍ଦେର ନଦୀରେ ୨୦୦୫ ମସିହାରେ ସାଧାରଣ ଜନତାଙ୍କ ପାଇଁ ଉତ୍ସର୍ଗୀକୃତ କରିଥିଲେ। ସ୍ଥାନିୟ ଲୋକଙ୍କ କହିବାନୁଯାଇ ଏହି ବ୍ରିଜ ତିଆରି ହେବା ପର ଠାରୁ ଆଜି ପର୍ଯ୍ୟନ୍ତ ମରାମତି ହୋଇନି ।

ତଥା ଉନ୍ଦେର ନଦୀର ଗନ୍ଧର୍ଲା ରାଜସ୍ବ ବିଭାଗ ଅଧିନରେ ପଡୁଥିବା ବିଭିନ୍ନ ବାଳି ଘାଟରୁ ବହୁ ସଂଖ୍ୟାରେ ବାଳି ଚାଳାଣ ହେଉଥିବା ବେଳେ ଗାଡି ଗୁଡିକରେ ଢାଙ୍କୁଣୀ ଦେଉନଥିବା ଯୋଗୁଁ ବାଳି ବ୍ରିଜ ଉପରେ ପଡି ପଡି ବ୍ରିଜର ପାଣି ନିଷ୍କାସନ ହେବାକୁଥିବା ଛିଦ୍ର ବନ୍ଦ ହୋଇଯିବା ଫଳରେ ଅସରାଏ ବର୍ଷାରେ ବ୍ରିଜ ଉପରେ ଆଣ୍ଠୁଏ ପାଣୀ ଲହଡି ମାରିବା ସାଧାରଣରେ ପରିଣତ ହେଲାଣି। ବାଳି ସୈରାତ ର ନିଲାମ କରି ସରକାର ଲକ୍ଷ ଲକ୍ଷ ଟଙ୍କାର ରାଜସ୍ବ ପାଉଥିବା ବେଳେ ଠିକା କରୁଥିବା ଠିକାଦାର ମାନେ ଗୋଟିଏ ଟ୍ରାନଜିଟ ପାସରେ ସକାଳୁ ରାତି ପର୍ଯ୍ୟନ୍ତ ବାଳି ଚାଳାଣ କରି କୋଟି କୋଟି ଟଙ୍କାର ମୁନାଫା କମାଉଛନ୍ତି । ଏହାବାଦ ବ୍ରିଜ ତିଆରି ପରଠାରୁ ସରକାର ଟୁଲ ଗେଟ ବସାଇ ଲକ୍ଷ ଲକ୍ଷ ଟଙ୍କାର ଟୁଳ ଟ୍ୟାକ୍ସ ସଂଗ୍ରହ କରୁଛନ୍ତି। ତଥାପି ବ୍ରିଜ ଉପର ଖାଳଖମାର ରେ ଭର୍ତ୍ତି ହେଲାଣି ସ୍ଥିତି ଏପରି ହୋଇଛି ଯେ ବ୍ରିଜ ଉପରେ ଯଦି ପାଣି ଜମି ରହିଛି ତେବେ ଖାଳଖମାର ଜଣା ପଡୁ ନ ଥିବାରୁ ଛୋଟ ବଡ ଦୁର୍ଘଟଣା ଘଟୁଥିବା ବେଳେ ବ୍ରିଜ ଉପରେ ପାଣି ନ ଥାଇ ଶୁଖିଲା ଥିବା ସମୟରେ ଜଦି କେହି ନୁଆ ଲୋକ ଖାଳକୁ ଦେଖି  ନ ପାରିଲା ତା ହେଲେ ବି ଦୁର୍ଘଟଣାର ସମ୍ମୁଖୀନ ହେବା ନିଶ୍ଚିତ। ହେଲେ ବିଭାଗିୟ ଅଧିକାରୀ ମାନଙ୍କ ଦୃଷ୍ଟି ନ ପଡିବା ଯୋଗୁଁ ବିଭାଗ କାହା ମୃତ୍ୟୁକୁ ଅପେକ୍ଷା କରିଛି କି ବୋଳି ଅଞ୍ଚଳ ବାସିଙ୍କ ମହଳରେ ଅସନ୍ତୋଷ ପ୍ରକାଶ ପାଇଛି। ଏହାକୁନେଇ ଆମ ପ୍ରତିନିଧି କଣ୍ଟାବାଞ୍ଜି ପୂର୍ତ୍ତ ବିଭାଗ ଏକଜିକ୍ୟୁଟିଭ ଇଞ୍ଜିନିୟର ଅର୍ଜୁନ ବେହେରାଙ୍କୁ ପଚାରିବାରୁ ସେ ଶିଘ୍ର ଖାଳଖମାର କାମ ରିପ୍ୟାରିଙ୍ଗ କରି ଦିଆଯିବ ବୋଳି କହିଥିଲେ। ତେବେ ଦେଖାଯାଉ ଏକଜିକ୍ୟୁଟିଭ ଇଞ୍ଜିନିୟର ମହୋଦୟଙ୍କ ଶୁଭ ଦୃଷ୍ଟି କେବେ ପଡୁଛି।