05-Jun-2022

ଗତକାଲି ଓଡ଼ିଶା ସରକାରଙ୍କ ସମସ୍ତ ମନ୍ତ୍ରୀଙ୍କ ସାମୁହିକ ଇସ୍ତଫା ପରେ ଆଜି ଗଠନ ହେଲା ନୂତନ ରାଜ୍ୟ ମନ୍ତ୍ରୀ ମଣ୍ଡଳ। ନୂତନ ମନ୍ତ୍ରୀମଣ୍ଡଳରେ ୧୩ ଜଣ କ୍ୟାବିନେଟ ମନ୍ତ୍ରୀ ଓ ୮ ଜଣ ରାଷ୍ଟ୍ରମନ୍ତ୍ରୀ ଆଜି ବିଧିବଦ୍ଧ ଭାବେ ଶପଥ ଗ୍ରହଣ କରିଥିଲେ। ରାଜ୍ୟପାଳ ଶ୍ରୀଯୁକ୍ତ ଗଣେଶ ଲାଲ ଏହି ଶପଥ ପାଠ କରାଇଛନ୍ତି। ତେବେ କେଉଁ ମନ୍ତ୍ରୀଙ୍କୁ ମିଳିଛି କେଉଁ ବିଭାଗ ତାହା ତଳେ ଦିଆଗଲା :-

କ୍ୟାବିନେଟ ମନ୍ତ୍ରୀ
ନିରଞ୍ଜନ ପୂଜାରୀଙ୍କୁ ମିଳିଛି ଅର୍ଥ ଓ ସାଂସଦ ବ୍ୟାପାର ବିଭାଗ, ଜଗନ୍ନାଥ ସାରକାଙ୍କୁ ମିଳିଛି ଆଦିବାସୀ କଲ୍ୟାଣ ବିଭାଗ, ରଣେନ୍ଦ୍ର ପ୍ରତାପଙ୍କୁ ମିଳିଛି କୃଷି, ମତ୍ସ୍ୟ ଓ ପଶୁସମ୍ପଦ ବିଭାଗ, ପ୍ରମିଳା ମଲ୍ଲିକଙ୍କୁ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ, ଉଷା ଦେବୀଙ୍କୁ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ, ପ୍ରଫୁଲ୍ଲ ମଲ୍ଲିକଙ୍କୁ ଖଣି, ଇସ୍ପାତ ଓ ପୂର୍ତ୍ତ ବିଭାଗ, ପ୍ରତାପ କେଶରୀ ଦେବଙ୍କୁ ଶିଳ୍ପ, କ୍ଷୁଦ୍ର ମାଧ୍ୟମ ଉଦ୍ୟୋଗ ଏବଂ ଶକ୍ତି ବିଭାଗ, ଅତନୁ ସବ୍ୟସାଚୀ ନାୟକଙ୍କୁ ଖାଦ୍ୟ ଯୋଗାଣ, ଖାଉଟି କଲ୍ୟାଣ ଓ ସମବାୟ ବିଭାଗ, ପ୍ରଦୀପ ଅମାତଙ୍କୁ ଜଙ୍ଗଲ ପରିବେଶ, ପଞ୍ଚାୟତିରାଜ, ସୂଚନା ଓ ଲୋକସମ୍ପର୍କ ବିଭାଗ, ନବ କିଶୋର ଦାସଙ୍କୁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ, ଅଶୋକ ଚନ୍ଦ୍ର ପଣ୍ଡା ଙ୍କୁ ବିଜ୍ଞାନ ଓ ପ୍ରଯୁକ୍ତି, ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ, ଟୁକୁନି ସାହୁ ଙ୍କୁ ଜଳସମ୍ପଦ, ବାଣିଜ୍ୟ ଓ ପରିବହନ ବିଭାଗ ଏବଂ ରାଜେନ୍ଦ୍ର ଢୋଲକିଆ ଙ୍କୁ ଯୋଜନା ଓ ସଂଯୋଜନା ବିଭାଗ ମିଳିଛି।
ରାଷ୍ଟ୍ରମନ୍ତ୍ରୀ
ସମୀର ରଞ୍ଜନ ଦାସଙ୍କୁ ବିଦ୍ୟାଳୟ ଓ ଗଣଶିକ୍ଷା ବିଭାଗ, ଅଶ୍ଵିନୀ କୁମାର ପାତ୍ରଙ୍କୁ ପର୍ଯ୍ୟଟନ, ଭାଷା, ସାହିତ୍ୟ, ସଂସ୍କୃତି ବିଭାଗ, ପ୍ରୀତି ରଞ୍ଜନ ଘଡେ଼ଇଙ୍କୁ ଗ୍ରାମ୍ୟ ଉନ୍ନୟନ, ଦକ୍ଷତା ଓ ବୈଷୟିକ ଶିକ୍ଷା ବିଭାଗ, ଶ୍ରୀକାନ୍ତ ସାହୁଙ୍କୁ ଶ୍ରମ ବିଭାଗ, ରୋହିତ ପୂଜାରୀଙ୍କୁ ଉଚ୍ଚ ଶିକ୍ଷା ବିଭାଗ, ତୁଷାରକାନ୍ତି ବେହେରା ଙ୍କୁ ଗୃହ, ଆଇଟି, କ୍ରୀଡା ଓ ଯୁବ ବ୍ୟାପାର ବିଭାଗ, ରିତା ସାହୁ ଙ୍କୁ ହସ୍ତତନ୍ତ୍ର ଓ ବୟନ ଶିଳ୍ପ ବିଭାଗ ଏବଂ ବାସନ୍ତୀ ହେମ୍ବ୍ରମ ଙ୍କୁ ମହିଳା ଓ ଶିଶୁ ବିକାଶ ଓ ମିଶନ ଶକ୍ତି ବିଭାଗ ମିଳିଛି।
ତେବେ ବିଭିନ୍ନ ସମୟରେ ବିଭିନ୍ନ ସମାଲୋଚନା ଶିକାର ହେଉଥିବା ସାରଦା ନାୟକ, ଅରୁଣ ସାହୁ, ଦିବ୍ୟ ଶଙ୍କରଙ୍କୁ କୌଣସି ସ୍ଥାନ ଦିଆ ଯାଇନାହିଁ।