05-Jun-2022

ବରଗଡ଼:-ଗତକାଲି ସକାଳ ୯ ଘଟିକା ସମୟରେ ପାଇକମାଳ ବ୍ଳକ ଅଧିନସ୍ଥ ଟେମରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ପରିସର ରେ ଇତିମଧ୍ୟରେ ଚାକିରି ଜୀବନ ରୁ ଅବସର ଗ୍ରହଣ କରିଥିବା ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମାନ ପ୍ରେମାନନ୍ଦ ବାରିକ ଙ୍କୁ ନିମନ୍ତ୍ରଣ କରାଯାଇ ବିଦାୟ ସମ୍ବର୍ଦ୍ଧନା କରାଯାଇଥିଲା ।ତତ୍ ସାଙ୍ଗକୁ ଚଳିତ ଗ୍ରୀଷ୍ମ ଛୁଟି ରେ ଛାତ୍ର ଛାତ୍ରୀ ମାନେ ଘରେ ରହି କିପରି ଅଧ୍ୟୟନ କରିବେ ସେ ବିଷୟରେ ଶ୍ରୀମାନ ବାରିକ ଏବଂ ଆଞ୍ଚଳିକ ସାଧନ କେନ୍ଦ୍ର  ସଂଯୋଜକ ଶ୍ରୀଯୁକ୍ତ ନାରାୟଣ ମେହେର ଏହି କାର୍ଯ୍ୟକ୍ରମ ରେ ଯୋଗଦାନ  କରିଥିବା ବିଦ୍ୟାଳୟ କମିଟି ର ସଦସ୍ୟ ସଦସ୍ୟା ତଥା ସମସ୍ତ ଅଭିଭାବକ ମାନଙ୍କୁ ପରାମର୍ଶ ପ୍ରଦାନ କରିଥିଲେ । ସଭାରେ ଗ୍ରାମର ଅବସରପ୍ରାପ୍ତ ଶିକ୍ଷକ ଶ୍ରୀମାନ ବିପିନ ଠାକୁର ଅତିଥି ଭାବେ ଯୋଗଦାନ କରି ଶିକ୍ଷାର ବିକାଶ ଦିଗରେ ଯତ୍ନବାନ ହେବାକୁ ପରାମର୍ଶ ପ୍ରଦାନ କରିଥିଲେ ।ବିଦାୟ କାଳୀନ ସମ୍ବର୍ଦ୍ଧନା ଉତ୍ସବ ରେ ଶ୍ରୀମାନ ପ୍ରେମାନନ୍ଦ ବାରିକ ଙ୍କ ଶିକ୍ଷାବିଭାଗ ପାଇଁ ଅତୁଳନୀୟ ଅବଦାନ ପାଇଁ ବିଦ୍ୟାଳୟ କମିଟି, ଗ୍ରାମ ର ଭଦ୍ରବ୍ୟକ୍ତି ତଥା ଶିକ୍ଷକ ଗଣ ଭୂୟସୀ ପ୍ରଶଂସା କରିଥିଲେ । ଶେଷରେ ସ୍କୁଲ ର ପ୍ରଧାନଶିକ୍ଷକ ଶ୍ରୀଯୁକ୍ତ ଲଳିତ ମୋହନ ଭୋଇ ଧନ୍ୟବାଦ ଅର୍ପଣ କରିଥିଲେ ।