05-Jun-2022

ଐତିହାସିକ ଯୋଗିନୀପିଠ ରାଣୀପୁର ଝରିଆଲ ଏବେ ଅବହେଳିତ। ଅବହେଳିତ ଷଷ୍ଠ ରୁ ନବମ ଶତାବ୍ଦୀରେ ଗଢି ଉଠିଥିବା ବିସ୍ତିର୍ଣ୍ଣ ପାହାଡ ଉପରେ ଦଣ୍ଡାୟମାନ ଐତିହାସିକ କିର୍ତ୍ତିରାଜି । ସେଥିପାଇଁତ ଏହିପୀଠର ଉନ୍ନତୀକରଣ ଓ ବିକାଶ ପାଇଁ ଖୋଦ ଭାରତର ପ୍ରଧାନମନ୍ତ୍ରୀ ୨୦୧୯ ଜାନୁଆରୀ ୧୫ ତାରିଖ ଦିନ ନିଜର ବଲାଙ୍ଗୀର ଗସ୍ତ ସମୟରେ ସାଢେ ଚାରି କୋଟି ଟଙ୍କାର ଅନୁଦାନ ଯୋଗାଇ ଦେବାର ଘୋଷଣା କରିବାସହ ଶୁଭ ଉଦଘାଟନ କରିଥିଲେ। ହେଲେ ପ୍ରଧାନମନ୍ତ୍ରୀଙ୍କ ସେହି ଘୋଷଣାକୁ ଅଦ୍ୟାବଧି ୩ ବର୍ଷ ବିତି ଯାଇଥିଲେ ହେଁ କେବଳ ପଥର ନିର୍ମିତ ୪ ଟି ଚେୟାର ଓ ଗୋଟିଏ କିଛି ଲେଖା ହୋଇନଥିବା ନାମ ଫଳକ ଛଡା ଉନ୍ନତୀକରଣ ଓ ବିକାଶ ଯୋଗିନୀପିଠ ପର୍ଯ୍ୟନ୍ତ ପହଞ୍ଚି ପାରିନାହିଁ। ଏହାକୁନେଇ ରାଣୀପୁର ଝରିଆଲ ମନ୍ଦିର କମିଟିର ଆବାହକ ଅନିଲ କୁମାର ତ୍ରିପାଠୀଙ୍କ ନେତୃତ୍ବରେ ଅଞ୍ଚଳର ଜନ ପ୍ରତିନିଧି ମାନଙ୍କ ସହ କମିଟିର ବିଭିନ୍ନ ପଦାଧିକାରୀ ଓ ସ୍ଥାନିୟ ଲୋକେ ପାଟଣା ମହାରାଣୀ ତଥା ବଲାଙ୍ଗୀର ସାଂସଦ ଶ୍ରୀମତୀ ସଂଗୀତା ସିଂହଦେଓ ଙ୍କୁ ଭେଟି ଐତିହାସିକ ଯୋଗିନୀପିଠ କୁ ନେଇ ବିଭିନ୍ନ ଆଲୋଚନା କରିବାସହ ପ୍ରଧାନମନ୍ତ୍ରୀ ଘୋଷଣା କରିଥିବା ବିକାଶ କାର୍ଯ୍ଯ ତ୍ବରାନ୍ବିତ କରାଇବା ପାଇଁ ନିବେଦନ କରିଥିଲେ । ତେବେ ସାଂସଦ ଶ୍ରୀମତୀ ସିଂହଦେଓ ଆର୍କିଓଲୋଜିକାଲ ସର୍ଭେ ଅଫ ଇଣ୍ଡିଆ (ଏଏସଆଇ) ର ଅଧିକ୍ଷକ ଙ୍କ ସହ ମୋବାଇଲ ଯୋଗେ କାହିଁକି କାମ ଆଗେଇ ପାରୁନି ପଚାରି ବୁଝିବାସହ ତୁରନ୍ତ ପଦକ୍ଷେପ ନେବାକୁ କହିଥିଲେ। ତେବେ ଅଧିକ୍ଷକ ଟେଣ୍ଡର

ଫାଇନାଲ ହୋଇଯାଇଛି ଶିଘ୍ର କାମ ଆରମ୍ଭ କରାଯିବ ବୋଳି କହିଥିଲେ। ଏବଂ ରାଣୀପୁର ଝରିଆଲ ପାଇଁ ଦୁଇ ପ୍ରକାର ଏଜେନ୍ସୀ ଓଟିଡିସି ଓ ଏଏସଆଇ ତରଫରୁ କାମ ହାତକୁ ନେଇଥିବା ଏବଂ ଓଟିଡିସି ପେରିଫେରି ଉନ୍ନତୀକରଣ କାମ କରିବ ବୋଳି ସୁଚନା ଦେଇଥିଲେ। ପରେ ସାଂସଦ ଶ୍ରୀମତୀ ସିଂହଦେଓ ୭ ତାରିଖ ଦିନ ହେବାକୁଥିବା ଦିଶା ମିଟିଙ୍ଗ ରେ ରାଣୀପୁର ଝରିଆଲ କଥା ଉଠାଇ ଉନ୍ନତୀକରଣ ସୁନିଶ୍ଚିତ କରାଯିବ ବୋଳି ପ୍ରତିଶୃତି ଦେଇଥିଲେ। ସାଂସଦ କଥାରେ କଥାରେ କହିଥିଲେ ଏଥର ରାଣୀପୁର ର ହକ ପାଇଁ ଲଢିବେ ନିଜେ ମହାରାଣୀ । ଆଲୋଚନାରେ ଅନ୍ୟମାନଙ୍କ ମଧ୍ଯରେ କମିଟି ସଭାପତି ମାଣିକ ଚନ୍ଦ ଜୈନ, ଝରିଆଲ ସରପଞ୍ଚ ଭରଦ୍ବାଜ ଗହିର , ପର୍ମାନନ୍ଦ ଭୋଇ , ମନ୍ଦିର ପୂଜକ ଜଗମୋହନ ତ୍ରିପାଠୀ , ହେମନ୍ତ ସାହୁ , ନୌରାଜ ରଣା , ଝଳପ ସରପଞ୍ଚ ଙ୍କ ପ୍ରତିନିଧି ଗୋବିନ୍ଦ ପୁଟେଲ , ଅଳଣ୍ଡା ସରପଞ୍ଚଙ୍କ ପ୍ରତିନିଧି ତଥା ଯୁବନେତା ଯୁବରାଜ ବାଗ ପ୍ରମୁଖ ଉପସ୍ଥିତ ଥିଲେ।