30-May-2022

ବୌଦ୍ଧ- ବୌଦ୍ଧ ଜିଲ୍ଲା ହରଭଙ୍ଗା ବ୍ଳକ ଲୁଣିବାହାଲ ପଞ୍ଚାୟତ ଅନ୍ତର୍ଗତ ତାଳପଦର ଗ୍ରାମର ଅଗ୍ନିବିପନ୍ନ ରମେଶ ନାୟକଙ୍କ ଘରେ ପହଞ୍ଚି ବୌଦ୍ଧ ସତ୍ୟସାଇ ସେବା ସଙ୍ଗଠନ ପକ୍ଷରୁ ରିଲିଫ୍ ସାମଗ୍ରୀ ଯୋଗାଇ ଦିଆଯାଇଛି । ଗତ ଶନିବାର ଦିନ ରମେଶଙ୍କ ଘରେ ନିଆଁ ଲାଗିଯିବାରୁ ସେ ସର୍ବସ୍ୱାନ୍ତ ହୋଇପଡ଼ିଥିଲେ । ସଙ୍ଗଠନର ଜିଲ୍ଲା ସଭାପତି ଡ. ପ୍ରିୟବ୍ରତ ବେହେରାଙ୍କ ନେତୃତ୍ୱରେ ଅନ୍ୟ କର୍ମକର୍ତ୍ତାମାନେ ରମେଶଙ୍କ ପରିବାର କୁ ୨୫କିଲୋ ଚାଉଳ, ଡାଲି, ଚୁଡ଼ା, ଚିନି,ତେଲ ମସଲା ସହିତ ମାସକ ପାଇଁ ସମସ୍ତ ତେଜରାତି ସାମଗ୍ରୀ, ବାସନ କୁସନ ଆଦି ରନ୍ଧନ ସାମଗ୍ରୀ ଓ ପିନ୍ଧିବା ପାଇଁ ନୂଆ ବସ୍ତ୍ର ଆଦି ଯୋଗାଇ ଦେଇଥିଲେ । ସଂଗଠନର ବିଜୟ ବଘାର, ସଞ୍ଜୀବ ପ୍ରଧାନ, କାହ୍ନୁ ମହାରଣା, ଆକାଶ ମେହେର, ପ୍ରମୁଖ ଉପସ୍ଥିତ ଥିଲେ । ଅଗ୍ନି ବିପନ୍ନ ପରିବାରକୁ ସହାୟତା ଯୋଗାଇଦେଇଥିବାରୁ ସତ୍ୟସାଇ ସଙ୍ଗଠନକୁ ପ୍ରଶଂସା କରାଯାଇଛି ।