30-May-2022

ଡୁଙ୍ଗୁରିପାଲି-(ଅରବିନ୍ଦ ମିଶ୍ର) ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ପେକ୍ସରେ ସଦ୍ୟ ପ୍ରକାଶିତ ଭୋଟର ତାଲିକାରେ ଚଞ୍ଚକତା କରାଯାଇଥିବା ଅଭିଯୋଗ ହୋଇଛି । ଏନେଇ ନିର୍ବାଚନ ଅଧିକାରୀଙ୍କଠାରେ ଅଭିଯୋଗ ହୋଇଥିବା ଜଣାପଡ଼ିଛି । ଅଭିଯୋଗକାରୀମାନେ କରିଥିବା ଅଭିଯୋଗ ମୁତାବକ, ସେମାନେ ରେଜିଷ୍ଟ୍ରାରଙ୍କ ନିର୍ଦ୍ଦେଶ ଅନୁସାରେ ସମିତିରେ ସଞ୍ଚୟ ଖାତା ଖୋଲି ବିଗତ ନିର୍ବାଚନରୁ ଭୋଟର ହୋଇ ନିଜର ମତ ସାବ୍ୟସ୍ତ କରିଆସୁଥିଲେ । କିନ୍ତୁ ଚଳିତ ନିର୍ବାଚନରେ ଚଞ୍ଜକତା ପୂର୍ବକ ସେମାନଙ୍କ ନାମ ଭୋଟର ତାଲିକାରୁ ବାଦ ଦିଆଯାଇଥିବା ଦେବକାନ୍ତ ଖମାରୀ, ବୀରକିଶୋର ଖମାରୀ, ସୁନ୍ଦରମଣି ଦଣ୍ଡସେନା, ପ୍ରଫୁଲ୍ଲ ଦଣ୍ଡସେନା, ଘାସିରାମ ଦଣ୍ଡସେନା ଓ ପ୍ରହଲ୍ଲାଦ ଦଣ୍ଡସେନା ଅଭିଯୋଗ କରିଛନ୍ତି । ସମ୍ପୃକ୍ତ ଅଧିକାରୀ ନୂତନ ସଦସ୍ୟଙ୍କୁ ସାମିଲ କରି, କ୍ରମିକ ନମ୍ବରକୁ ଓଲଟପାଲଟ କରି ଭୋଟର ତାଳିକା ପ୍ରସ୍ତୁତ କରିଛନ୍ତି । ଡୁଙ୍ଗୁରିପାଲି ପେକ୍ସ ବିଜ୍ଞପ୍ତି ପ୍ରକାଶନ ପରେ ଏହା ଜଣାପଡ଼ିଥିବା ଅଭିଯୋଗକାରୀମାନେ ପ୍ରକାଶ କରିଛନ୍ତି । ଏଣୁ ଉକ୍ତ ଭୋଟର ତାଲିକାକୁ ସଂଶୋଧନ କରାଯିବାକୁ ସେମାନେ ଦାବି କରିଛନ୍ତି । ଏ ସମ୍ପର୍କରେ ପେକ୍ସ ସମ୍ପାଦକଙ୍କୁ ପଚାରିବାରୁ ଭୋଟର ତାଲିକାରେ କୌଣସି ଚଞ୍ଚକତା ହୋଇ ନଥିବା ପ୍ରକାଶ କରିଥିଲେ ।