29-May-2022

 ବଲାଙ୍ଗୀର , ପାଟଣାଗଡ ବ୍ଳକ ର ତମିଆ  ପଞ୍ଚାୟତ ଭୋଟରେ ମୋତେ ଭୋଟ୍ ଦେଲନି ପାଣି ମିଳିବନି । ସରପଞ୍ଚଙ୍କ ବିରୋଧରେ ସାଘାଂତିକ ଅଭିଯୋଗ ଆସିଛି ବଲାଙ୍ଗୀର ଜିଲ୍ଲା ପାଟଣାଗଡ ବ୍ଲକ ବାଗବାହାଲି ଗାଁରୁ । ପାଟଣାଗଡ ବ୍ଲକର ତମିଆଁ ପଞ୍ଚାୟତର ବାଗବାହାଲି ଗାଁ । ଗାଁରେ ଜନସଂଖ୍ୟା ୫୦୦ରୁ ଅଧିକ । ଏଠାରେ ବର୍ଷ ତମାମ୍ ପିଇବା ପାଣିର ଅସୁବିଧା ଲାଗି ରହିଛି । ଖରାଦିନେ ସମସ୍ୟା ଦ୍ୱିଗୁଣିତ ହେଉଛି । ଗାଁରେ ଥିବା ୩ଟି ନଳକୁପରୁ ୨ଟି ଅଚଳ ହୋଇଯାଇଛି । ଗୋଟିଏରୁ ଆବଶ୍ୟକ ମୁତାବକ ପାଣି ବାହାରୁ ନଥିବାରୁ ବାଲିଚୂଆ କରି ପାଣି ସଂଗ୍ରହ କରିବାକୁ ପଡୁଛି । ଗରା-ବାଲଟି ଧରି ମହିଳାମାନେ ଘର ଠାରୁ ଏକ କିଲୋମିଟର ଦୂର ନଦୀକୁ ଯାଇ ପାଣି ଆଣୁଛନ୍ତି । ନଳକୂଅ ସଜାଡିବାକୁ ଆଗ୍ରହ ପ୍ରକାଶ କରୁନାହାନ୍ତି ସ୍ଥାନୀୟ ଜନପ୍ରତିନିଧି । ପାଣି ସମସ୍ୟାକୁ ନେଇ ନିର୍ବାଚିତ ସରପଞ୍ଚଙ୍କ ବିରୋଧରେ ସାଘାଂତିକ ଅଭିଯୋଗେ ଆଣିଛନ୍ତି ଗ୍ରାମବାସୀ । ଗତ ନିର୍ବାଚନରେ ଭୋଟ ଦେଇନଥିବା ଆଳ ଦେଖାଇ ସରପଞ୍ଚ ନଳକୂପ ସଜାଡିବା ଦିଗରେ ପଦକ୍ଷେପ ନେଉନାହାନ୍ତି କି ପିଇବା ପାଣି ଯୋଗାଇବାର ବିକଳ୍ପ ବ୍ୟବସ୍ଥା କରୁନାହାନ୍ତି ବୋଲି ଲୋକେ ଅଭିଯୋଗ କରିଛନ୍ତି । ସେପଟେ ତମିଆଁ ପଞ୍ଚାୟତର ମହିଳା ସରପଞ୍ଚ ତାହେରା ବିବି ଏହି ଅଭିଯୋଗକୁ ଖଣ୍ଡନ କରିବା ସହ ଦୁଇ ଦିନ ହେବ ପାଣି ଦେଉଥିବା କହିଛନ୍ତି ।ଏହିଵିସୟ ଟି ଧୀରେ ଧୀରେ ବଲାଙ୍ଗୀର ଜିଲ୍ଲାରେ ଚର୍ଚ୍ଚା ଜୋର ଧରିଛି।(ବଲାଙ୍ଗୀର ଜିଲ୍ଲାରୁ ଅନ୍ତର୍ୟାମି ସାହୁ ଙ୍କ ରିପୋର୍ଟ)