24-May-2022

ଲୋଇସିଂହା/ଆଗଲପୁର (ବିନୋଦ କୁମାର ଦୀପ): ଓଡିଶା କମ୍ପୁଟର ଏଜୁକେଶନ ମିଶନ (ଓସିଇଏମ୍)ପକ୍ଷରୁ ପ୍ରଥମ ବାର୍ଷିକଉତ୍ସବ କଳାହାଣ୍ଡି ଭବାନୀପାଟଣା କୃଷି ମହାବିଦ୍ୟାଳୟ ଠାରେ ଅନୁଷ୍ଠିତ ହୋଇଥିଲା, ନିଆରା ତଥା ସ୍ୱଚ୍ଛ ନିର୍ଭିକ ଭାବରେ ସମ୍ବାଦ ପରିବେଷଣ କରୁଥିବାରୁ ବଲାଙ୍ଗୀର ଜିଲ୍ଲା ଆଗଲପୁର ଅଞ୍ଚଳର ଯୁବ ସାମ୍ବାଦିକ ତଥା କଳିଙ୍ଗ ଜ୍ୟୋତି ପ୍ରତିନିଧି ଶ୍ରୀ ଦେବାଶିଷ ପଧାନଙ୍କୁ ମଞ୍ଚରେ ଅତିଥିଗଣ ସମ୍ମାନିତ କରିଥିଲେ | ବଲାଙ୍ଗୀର ଜିଲ୍ଲାର କୋଣଅନୁକୋଣରୁ ସମ୍ବାଦ ପ୍ରକାଶ କରୁଥିବାରୁ ମଞ୍ଚରେ ଅତିଥିଗଣ ଶ୍ରୀ ପଧାନଙ୍କୁ ପ୍ରଶଂସାରେ ପୋତିପକାଇଥିଲେ | ଏହି ବାର୍ଷିକ ଉତ୍ସବରେ ମୁଖ୍ୟ ଅତିଥି ଭାବେ କଳାହାଣ୍ଡି କୃଷି ମହାବିଦ୍ୟାଳୟ ଡିନ୍ ପ୍ରଫେସର ଚିନ୍ତାମଣି ପଣ୍ଡା ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ କଳାହାଣ୍ଡି ବିଶ୍ୱ ବିଦ୍ୟାଳୟ ର ଉପ କୁଲସଚିବ ଡ଼.ଜୟଦେବ ସାହୁ,ସମ୍ମାନିତ ଅତିଥି ଟାଳି ଶିକ୍ଷା ମୁଖ୍ୟ ରିତେଶ ଖେତାନ ବରିଷ୍ଠ ସାମ୍ବାଦିକ ସ୍ୱାଧୀନ ପାତ୍ର,ଲଳିତ କାନୁନଗୋ ଯୁବ ଲେଖକ ସୁଧୀର କୁମାର ଧଙ୍ଗଡ଼ାମାଝୀ,ବିବେକ ସେନାର ପ୍ରତିଷ୍ଠାତା ଶିବରାମ ନାୟକ,ମଂଚାସୀନ ଥିଲେ | ଓଡିଶା କମ୍ପୁଟର ଏଜୁକେସନ ମିଶନର ଅଧ୍ୟକ୍ଷ ଅମୀୟ କୁମାର ସାହୁ ସଭା ପରିଚାଳନା କରିଥିଲେ,ଏହି ମଞ୍ଚରେ ଅନେକ ପ୍ରତିଭାଧାରୀ ସମ୍ମାନିତ ହୋଇଥିଲେ | ରାଜ୍ୟର ବିଭିନ୍ନ ପ୍ରାନ୍ତରୁ ବିଶିଷ୍ଟ ବ୍ୟକ୍ତିବିଶେଷ ଯୋଗଦେଇଥିଲେ l