24-May-2022

ସୁବର୍ଣ୍ଣପୁର//   ସୁବର୍ଣ୍ଣପୁର ଜ଼ିଲ୍ଲାର ପ୍ରାକ୍ତନ ଶିକ୍ଷକ ଓ ଚାଷୀ ନେତା କୃଷ୍ଣ ଚନ୍ଦ୍ର ମିଶ୍ରଙ୍କ ପୁତ୍ର ବଧୂ  ଭାରତୀ ମିଶ୍ରଙ୍କ  ୫୨ ବର୍ଷ ବୟସରେ ହୃଦଘାତରେ ପରଲୋକ ଘଟିବାରୁ ତରଭା ସୋନପୁର ଓ ବଲାଙ୍ଗୀର ଅଂଚଳ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି l ଶ୍ରୀମତୀ ମିଶ୍ର ଜଣେ  ସରଳ, ସ୍ନେହୀ, ଧର୍ମପରାୟଣ ମହିଳା ଥିବା ବେଳେ  ରମ୍ଭସିଂଢୋଲ ଗ୍ରାମର କୃଷ୍ଣ ଚନ୍ଦ୍ର ମିଶ୍ରଙ୍କ ପୁତ୍ର ବଧୂ ଏବଂ ସାଗରପାଲି ଗ୍ରାମ ତଥା ସୋନପୁର ବ୍ଲକ ଅଂଚଳର ବୁଣାକାର ମାନଙ୍କ ଆଦର୍ଶ ଓ  ପରିଚିତ ବ୍ୟକ୍ତି ସ୍ବର୍ଗୀୟ ଅନନ୍ତ ମିଶ୍ରଙ୍କ ଝିଅ ଅଟନ୍ତି ସେ l ସୋନପୁର ବଲାଙ୍ଗୀର ଅଂଚଳର ସମସ୍ତ ସମ୍ପର୍କୀୟ ଓ ବହୁ ମାନ୍ୟଗଣ୍ୟ ବ୍ୟକ୍ତି  ସ୍ବର୍ଗୀୟl ମିଶ୍ରଙ୍କୁ ଅନ୍ତିମ ଦର୍ଶନ କରି ଶ୍ରଦ୍ଧାଞ୍ଜଳି ଜଣାଇ ଥିବା ବେଳେ ଗ୍ରାମର ଶୁକତେଲ ନଦୀ ସ୍ମଶାନ ଘାଟରେ ଶ୍ରୀମତୀ ମିଶ୍ରଙ୍କ ଅନ୍ତିମ ସଂସ୍କାର   କରାଯାଇ ଥିଲା l ବିଟେକ୍ ଛାତ୍ର ବଡ଼ ପୁଅ ଅବିନାଶ ମା ଙ୍କୁ ମୁଖାଗ୍ନି ଦେଇଥିଲେ l ଦେବେନ୍ଦ୍ର ମିଶ୍ରଙ୍କ ମାମୁଁ ସୁବୋଧ ମିଶ୍ର, ପ୍ରବୋଧ ମିଶ୍ର, ସମସ୍ତ କାକା,କାକି, ମାଇଁ, ଭାଇ, ଭାଇ ବୋହୁ, ପୁଅ  ପୁତୁରା, ଝିଅ ଝିଆରୀ, ଜ୍ୱାଇଁ ଭଉଣୀ, ଆତ୍ମୀୟ ସ୍ୱଜନ, ଗାଁ ଲୋକେ  ଶ୍ରୀମତୀ ମିଶ୍ରଙ୍କ ମର ଶରୀରକୁ ଦର୍ଶନ ଓ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ଏ ଦୁଃଖଦ ଘଟଣାରେ ତରଭା ବ୍ଲକ ଅଧ୍ୟକ୍ଷ ସରୋଜ କମ୍ପ, ବରିଷ୍ଠ ବିଜେଡି ନେତା ମାନଭଞ୍ଜନ ମିଶ୍ର, ଅଭିମନ୍ୟୁ କୁଶଳ,  ବିଜେପି ନେତା ପ୍ରମୋଦ ମହାପାତ୍ର, ବଳଦେବ ବେଦବାକ, ଡ଼. ସୁଧାକର ଦାଶ, ବରିଷ୍ଠ ସାମ୍ବାଦିକ ବ୍ୟୋମକେଶ ଦାଶ, ଦିଲୀପ ପାତ୍ର, ଶିକ୍ଷାବିତ ପ୍ରଦୀପ ପୁରୋହିତ, ଜ଼ିଲ୍ଲା ଚାଷୀ ନେତା ବୈକୁଣ୍ଠ ଶତପଥି, ଶ୍ରମିକ ନେତା ଗୋବିନ୍ଦ ମହାଣା, ଜ଼ିଲ୍ଲା ଶିକ୍ଷକ ସଂଘ ସଭାପତି ପ୍ରମୁଖ ବହୁ ବିଶିଷ୍ଟ ବ୍ୟକ୍ତି ଗଭୀର ଶୋକ ପ୍ରକାଶ କରି ଶୋକ ସନ୍ତପ୍ତ ମିଶ୍ର ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି l