14-Apr-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ସିନ୍ଧେକେଲା ସବଷ୍ଟେସନ ପଡା ସ୍ଥିତ ହନୁମାନ ମନ୍ଦିର ପୂଜା କମିଟି ତରଫରୁ ମହାବିଷୁବ ପଣା ସଂକ୍ରାନ୍ତି ରେ ମହାପ୍ରଭୁ ଶ୍ରୀ ହନୁମାନ ଜୟନ୍ତୀ ପାଇଁ ବୁଧବାର ଅପରାହ୍ନ ରୁ କଳସଯାତ୍ରା ଅନୁଷ୍ଠିତ ହୋଇଯାଇଛି। ସିନ୍ଧେକେଲାର ଇଷ୍ଟଦେବୀ ମାଁ

ଦ୍ବାରସେହ୍ନୀ ଦେବୀଙ୍କ ମନ୍ଦିର ନିକଟରେ ଥିବା ପବିତ୍ର ପୁଷ୍କରିଣୀ ବାଣୀଭଗାର ଠାରୁ ଏକ ବିରାଟ ପଟୁଆର ରେ ଯୁବବର୍ଗ  କଳସ ଆଣି ହନୁମାନ ମନ୍ଦିର ରେ ସ୍ଥାପନା କରିଥିଲେ। ଏହି ସମୟରେ ପୁରା ଗାଁ ଜୟ ହନୁମାନ, ଜୟ ଶ୍ରୀରାମ ଧ୍ବନୀ ରେ

ପ୍ରକମ୍ପିତ ହୋଇଉଠିବା ସହ ଗାଁ କେଶରୀୟା ମୟ ହୋଇ ଯାଇଥିଲା। କିଏ ହାତରେ ତରବାରି ଧରିଥିଲେ ତ କିଏ ଗଦା କିଏ ହାତରେ ପତାକା ଧରିଥିଲେ ତ କିଏ ହନୁମାନ ବେଶ। ବିଶେଷକରି କୁନିକୁନି ଛୁଆ ମାନଙ୍କ ହନୁମାନ ବେଶ ବେଶ ଚିତ୍ତାକର୍ଷକ ଥିଲା । ଏହି କାର୍ଯ୍ୟକ୍ରମ ରେ ଶ୍ରୀ ହନୁମାନ ମନ୍ଦିର ପୂଜା କମିଟୀର ସମସ୍ତ ସଦସ୍ଯ ଙ୍କ ସହ ଗ୍ରାମବାସୀ ସାମିଲ ହୋଇଥିଲେ ।