14-Apr-2022

ସିନ୍ଧେକେଲା (ଅନିଲ କୁମାର ତ୍ରିପାଠୀ) ଶ୍ରୀ ରାମନବମୀ ଅବସରରେ ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ମାଉସୀ ମନ୍ଦିର ପଡ଼ାରେ କରୋନା କଟକଣା ଯୋଗୁଁ ଦୁଇ ବର୍ଷ ବ୍ୟବଧାନ ପରେ ଚଳିତ ବର୍ଷ ଷୋହଳ ପ୍ରହରୀ ନାମଯଜ୍ଞ ଅନୁଷ୍ଠିତ ହୋଇଯାଇଅଛି । ଚାରିଦିନ ଧରି ଚାଲିଥିବା କାର୍ଯ୍ୟକ୍ରମ ରେ ଗତ ଶନିବାର ଅଧିବାସ ଦିବସରେ

କଲସଯାତ୍ରା ଆୟୋଜିତ ହୋଇଥିବା ବେଳେ ସ୍ଥାନୀୟ ଦ୍ୱାରସେହ୍ନି ମନ୍ଦିର ନିକଟ ପବିତ୍ର ପୁଷ୍କରିଣୀ ବାଣୀଭଗାର ରୁ କଳସ ଆଣି ପଡ଼ାବାସୀ ପ୍ରହରୀ ମଣ୍ଡପରେ ସ୍ଥାପନ କରିଥିଲେ । ରବିବାର ଓ ସୋମବାର ଦୁଇଦିନ ସକାଳୁ ନାମାରମ୍ଭ ହୋଇଥିଲା । କମିଟି ର ବରିଷ୍ଠ ସଦସ୍ୟ ଗଣ୍ଠିଧନ ସିଂଦେଓ , ଆଦିକନ୍ଦ ଖମାରି , ଧୀରେନ୍ଦ୍ର ପଣ୍ଡା ପ୍ରମୁଖ କର୍ତ୍ତା ଦାୟିତ୍ୱ ତୁଲାଇଥିବା ବେଳେ ବରିଷ୍ଠ ପଣ୍ଡିତ କାର୍ତ୍ତିକେଶ୍ୱର ତ୍ରିପାଠୀ ପୂଜକ ଓ ଯୁବ ପଣ୍ଡିତ ରଂଜନ ଷଡଙ୍ଗୀ ଜପକ ଭାବେ ଯୋଗଦେଇ ମନ୍ତ୍ରପାଠ ସହ ପୂଜା କାର୍ଯ୍ୟ ସମ୍ପାଦିତ କରିଥିଲେ । ମଙ୍ଗଳବାର ସକାଳେ ପୂର୍ଣ୍ଣାହୁତି , ଦଧିହାଣ୍ଡିଭଞ୍ଜନ ହୋଇଥିବା ବେଳେ ସନ୍ଧ୍ୟାରେ ବିଶେଷ ଆକର୍ଷଣ ସଂକୀର୍ତ୍ତନ ବୈଠକି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଦୁଇଟି ସଂକୀର୍ତ୍ତନ ଦଳ ବରଗଡ଼ ଜିଲ୍ଲା ପିପିଲିପାଲି ଗ୍ରାମର ଗାୟକ ଦେବକୀ ସାହୁ  ବାୟକ ଶ୍ରୀ ନିରୋଜ ଓ ତାଙ୍କ ସାଥି ଏବଂ ଗାୟକ ଚନ୍ଦନ ମହାର , ବାୟକ ବିଶ୍ଵାମିତ୍ର ପାଣ୍ଡେ ଓ ସାଥି ମଧ୍ୟରେ ପ୍ରତିଯୋଗିତା ହୋଇଥିବା ବେଳେ ଦେବକୀ ଓ ସାଥି ପ୍ରଥମ ସ୍ଥାନ ଅଧିକାର କରିଥିଲେ । ଏମାନଙ୍କୁ କମିଟି ପକ୍ଷରୁ ସମ୍ମାନିତ କରିବା ସହ ପୁରସ୍କୃତ କରାଯାଇଥିଲା । ଉକ୍ତ ପ୍ରହରି ରେ ସିନ୍ଧେକେଲା ମାଉସୀ ମନ୍ଦିର ପଡା ସଂକୀର୍ତ୍ତନ ଦଳ ସହ ମୋଟ ୧୨ ଟି ଦଳ ଭାଗ ନେଇଥିଲେ । ହରେକୃଷ୍ଣ ହରେରାମ ଜପିବାରେ କଳାହାଣ୍ଡି ଜିଲ୍ଲା ତୁର୍ଚି ଗ୍ରାମର ସଞ୍ଜୟ ସାହୁ ଓ ତାଙ୍କ ସାଥି ପ୍ରଥମ ସ୍ଥାନ ହାସଲ କରିଥିଲେ । କମିଟି ସଭାପତି ପୂର୍ବତନ ସମିତି ସଭ୍ୟ ବିଶ୍ବମ୍ବର ସାହୁ ଙ୍କ ନେତୃତ୍ୱରେ

ଆୟୋଜିତ ପ୍ରହରିରେ ଉପ ସଭାପତି ନିରଞ୍ଜନ ସାହୁ , ସମ୍ପାଦକ ବିଘ୍ନରାଜ ବେହେରା , କୋଷାଧ୍ୟକ୍ଷ ନରେନ୍ଦ୍ର ସାହୁ , ଆଶିଷ ବେହେରାଙ୍କ ସହ ଅନ୍ୟାନ୍ୟ ସଦସ୍ୟ ଦିଲୀପ ପାଣ୍ଡିଆ , ମନୋଜ ଅଗ୍ରୱାଲ , ସରୋଜ ଜୈନ , ବିଜୟ ସାହୁ , ବିଜେ ପାଣ୍ଡିଆ , ନୟନ ବେହେରା , ବରିଷ୍ଠ ବିଜେଡି ନେତା ଉମାକାନ୍ତ ସାହୁ , ତରୁଣ ସାହୁ , ନିତାଇ ସାହୁ , କନ୍ଦର୍ପ ସାହୁ , ସରୋଜ ସିଂଦେଓ , ଅନୁ ଥନାପତି , ସୁଦର ଥନାପତି , ବଣ୍ଟି ନେଗି , ବିରେନ୍ଦ୍ର ସାହୁ ଓ ବଜରଙ୍ଗ ଦଳର ସଦସ୍ୟମାନେ ସହଯୋଗ କରିଥିଲେ ।