11-Apr-2022

ପଦ୍ମପୁର:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପାଇକମାଲ ବ୍ଳକ ଅଧିନସ୍ଥ ଲଖମରା ଗ୍ରାମଠାରେ ଥିବା ଶିଶୁ ମନ୍ଦିର ଆନୁକୁଲ୍ୟରେ ନିକଟସ୍ଥ ବାଦିକଟା ଗ୍ରାମପଞ୍ଚାୟତ ର ସବୁଠାରୁ ଜନବହୁଳ ଗ୍ରାମ ସାପଲହର ଠାରେ ଶ୍ରୀରାମ ନବମୀ ଉତ୍ସବ ଶିଶୁ ମନ୍ଦିର ର ପ୍ରଧାନ ଆଚାର୍ଯ୍ୟ ଶ୍ରୀମାନ ଜନାର୍ଦ୍ଦନ ସାହା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ତଥା ଶିଶୁ ମନ୍ଦିର ର ସମସ୍ତ ଗୁରୁଜୀ ଗୁରୁମା ଏବଂ ସ୍କୁଲ ରେ ଅଧ୍ୟୟନ ରତ ଭାଇଭଉଣୀ ମାନଙ୍କୁ ନେଇ ଶ୍ରୀରାମ ନବମୀ ଖୁବ ସୁନ୍ଦର ଭାବେ ପାଳିତ ହୋଇଯାଇଛି ।ଏକ ଶୋଭାଯାତ୍ରାରେ ବାଦିକଟା ଗ୍ରାମପଞ୍ଚାୟତ ର ସରପଞ୍ଚ ଶ୍ରୀମତୀ ସବିତା ସାହୁ ଏବଂ ସମିତି ସଭ୍ୟ ଶ୍ରୀମାନ ଦୁଷ୍ମନ୍ତ ପ୍ରଧାନ ଦୀପ ପ୍ରଜ୍ବଳନ କରି ଶ୍ରୀରାମ ନବମୀ ଉତ୍ସବ କୁ ଆଗେଇ ନେଇଥିଲେ । ଶ୍ରୀରାମ, ମାଁ ସୀତା ଭ୍ରାତା ଲକ୍ଷ୍ମଣ ଙ୍କ ସମେତ ଶ୍ରୀରାମ ଙ୍କ ଭକ୍ତ ଶ୍ରୀ ହନୁମାନ ଏବଂ ଅନ୍ୟାନ୍ୟ ଭୂମିକାରେ କୁନିକୁନି ଛାତ୍ର ଛାତ୍ରୀ ମାନେ ସୁସଜ୍ଜିତ ହୋଇ ନଗର ପରିକ୍ରମା କରିଥିଲେ । ଶୋଭାଯାତ୍ରା ସମୟରେ ଗ୍ରାମର ସମସ୍ତ ପରିବାର ଜଳପୂର୍ଣ୍ଣ କଳସ, ଧୂପ ଦୀପ ଦେଇ ସ୍ୱାଗତ କରିବା ଦେଖିବାକୁ ମିଳିଥିଲା ।ଏ ଅବସରରେ ପଦ୍ମପର ନିର୍ବାଚନ ମଣ୍ଡଳୀ ର ପୂର୍ବତନ ବିଧାୟକ ଶ୍ରୀମାନ ପ୍ରଦୀପ ପୁରୋହିତ ଯୋଗଦାନ ପୂର୍ବକ ଆୟୋଜକ ତଥା କୁନିକୁନି ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିଥିଲେ । ସଫଳତା ଶିର୍ ରେ ଏହି ଉତ୍ସବ କୁ ଆଗେଇ ନେବାପାଇଁ ଗ୍ରାମର ଯୁବଗୋଷ୍ଠୀ ର ସଦସ୍ୟ ସର୍ବଶ୍ରୀ:-ହାରାଧନ ପ୍ରଧାନ, ହରେକୃଷ୍ଣ ସାହୁ,ସୁବଳ ସାହୁ, ଆଶିଷ ସାହୁ,ଋକ୍ମଣ ସରାଫ, କିଶୋର ପ୍ରଧାନ, ଜୟପ୍ରକାଶ ବଢ଼େଇ,ରଘୁମଣୀ ପ୍ରଧାନ, ନବୀନ ପ୍ରଧାନ,ବିଦୁର ପ୍ରଧାନ ଙ୍କ ଭୂମିକା ଅତ୍ୟନ୍ତ ପ୍ରଶଂସନୀୟ ।