10-Apr-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଆଜି ସ୍ୱଚ୍ଛ ଭାରତ ସଂଗଠନ ପକ୍ଷରୁ ଆୟୋଜିତ   ଜଳ ଛତ୍ର ସେବା କାର୍ଯ୍ୟକ୍ରମ କୁ ସୁବର୍ଣ୍ଣପୁର ସଦର ଥାନା ଅଧିକାରୀ ଶ୍ରୀ ନିରଞ୍ଜନ ଦାଶ ଓ ପ୍ରାକ୍ତନ ନଗରପାଳ ଶ୍ରୀ ପ୍ରକାଶ ସାହୁ ଅତିଥି ଭାବେ ଯୋଗ ଦେଇ ଶୁଭ ଉଦଘାଟନ କରି ସଂଗଠନ ର ଏଇ ମହତ କାର୍ଯ୍ୟ କୁ ପ୍ରଶଂସା କରିଥିଲେ l ଆସନ୍ତl କାଲି ଠାରୁ  ଲୋକଙ୍କୁ ପାଣି ବାଣ୍ଟିବା ପାଇଁ ସୋନପୁର ଥାନା ପକ୍ଷରୁ ଦୁଇ ଜଣ କର୍ମଚାରୀ ଙ୍କୁ ସ୍ୱତନ୍ତ୍ର ନିଯୁକ୍ତି ଦିଆଯିବା ସହିତ ପୋଲିସ ପକ୍ଷରୁ  ଏଇ ଶିବିର କୁ ସମସ୍ତ ସହାୟତା ଯୋଗାଇ ଦିଆଯିବ ବୋଲି ଥାନା ଅଧିକାରୀ ଶ୍ରୀ ଦାଶ ପ୍ରକାଶ କରିଥିବା ବେଳେ  ଖୁବ ଶୀଘ୍ର ପୌର ପରିଷଦ ପକ୍ଷରୁ ମଧ୍ୟ ସହର ର ସବୁ ୱାର୍ଡ ର ମୁଖ୍ୟ ଛକ ମାନଙ୍କ ରେ ଜଳ ଛତ୍ର ଶିବିର ମାନ ଆରମ୍ଭ କରାଯାଇ ଥଣ୍ଡା ପାନୀୟ ର ମଧ୍ୟ ସୁ -ବ୍ୟବସ୍ଥା କରାଯିବ ବୋଲି ପ୍ରାକ୍ତନ ପୌରାଧ୍ୟକ୍ଷ ଶ୍ରୀ ସାହୁ ମତ କହିଥିଲେ l ଏବଂ ସ୍ୱଚ୍ଛ ଭାରତ ର ଏଇ ମହତ ଅଭିଯାନ କୁ ପୌର ପରିଷଦ ପକ୍ଷରୁ ଆବଶ୍ୟକୀୟ ସହାୟତା ପ୍ରଦାନ କରାଯିବ ବୋଲି କହିଥିଲେ l ସଂଗଠନ ର ସଭାପତି ଲଷ୍ମୀ ନାରାୟଣ ମେହେର ଙ୍କ ସଭାପତିତ୍ୱ ଓ  ସମ୍ପାଦକ ମନୋରଞ୍ଜନ ତ୍ରିପାଠୀ ଙ୍କ

ସଂଯୋଜନା ରେ ଅନୁଷ୍ଠିତ ଏହି ସଭାରେ ମନୋଜ ପଣ୍ଡା ଧନ୍ୟବାଦ ଅର୍ପଣ କରିଥିଲେ l ଏହି ମହତ କାର୍ଯ୍ୟକ୍ରମ ରେ ବରିଷ୍ଠ ସଭ୍ୟ ବିନୋଦ ମେହେର, ବୃନ୍ଦାବନ ରଥ, ପଦ୍ମାବତୀ ମେହେର, ଇନ୍ଦୁମତୀ ପୁରୋହିତ, ଜୟନ୍ତୀ ରଥ, ପ୍ରମୋଦ ସାହୁ, ଲଡ଼ୁ କିଶୋର ମଲ୍ଲିକ, ଚୌଧୀରି ବିଭାର, ନାରାୟଣ ରଥ,  ରାଜେଶ ଦଳେଇ, ପ୍ରମୁଖ ସହଯୋଗ କରି ଲୋକଙ୍କୁ ପାଣି ବାଣ୍ଟିଥିଲେ l ଅତିଥି ଶ୍ରୀ ଦାଶ ଓ ଶ୍ରୀ ସାହୁ ଙ୍କୁ ଫୁଲ ତୋଡ଼ା ଓ ଉପଢୌକନ ପ୍ରଦାନପୂର୍ବକ ସଂଗଠନ ପକ୍ଷରୁ ଶ୍ରୀମତୀ ପଦ୍ମାବତୀ ମେହେର ଓ ଇନ୍ଦୁ ମତି ପୁରୋହିତ ଙ୍କ ଦ୍ୱାରା ସ୍ୱାଗତ ସମ୍ବର୍ଦ୍ଧନା କରାଯାଇଥିଲା l