01-Apr-2022

ସୁବର୍ଣ୍ଣପୁର - ଗତକାଲି ସନ୍ଧ୍ୟାରେ ମହାନଦୀ ଟୋଲ ଗେଟ ନିକଟରେ ଥିବା କାଫେଟାରୀଆ  ସେଣ୍ଟରକୁ ସୁବର୍ଣ୍ଣପୁର ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ ଅଚାନକ ପରିଦର୍ଶନରେ ଆସି ସ୍ୱୟଂ ସହାୟିକା ଗୋଷ୍ଠୀ ମହିଳାଙ୍କ ଦ୍ୱାରା ପ୍ରସ୍ତୁତ ଖାଦ୍ୟ ସବୁକୁ ତଦାରଖ କରି ଥିଲେ l ଆଜି ଓଡ଼ିଆ ଦିବସ ଉପଲକ୍ଷେ ଏହି ସେଣ୍ଟରରେ ଓଡ଼ିଆଙ୍କ ରୁଚି ଖାଦ୍ୟ ପ୍ରସ୍ତୁତି କରିବାକୁ  ସେଣ୍ଟରର କେୟାରଟେକର ମହିଳାଙ୍କ ସହିତ ଆଲୋଚନା କରି  ବିଭିନ୍ନ ପରାମର୍ଶ ଦେଇଥିଲେ l  ଲୋକଙ୍କୁ ସକାଳେ ଦହି ବଡ଼ା, ଚକୁଳି ଏବଂ ସନ୍ଧ୍ୟାରେ ମୁଢି ର ଭେରାଇଟି ସହ ଦହି ପଖାଳ, ଶାଗ, ବଡି ଚୁରା, ଭଜା, ଚୁନା ମାଛ ଭଜା ପ୍ରଭୃତି ଖାଦ୍ୟ ଯୋଗାଇଵା ପାଇଁ ପ୍ରସ୍ତୁତି ଚାଲିଥିବା ବିଷୟ ମୁଣ୍ଡଘାଟର ପ୍ରାକ୍ତନ ସରପଞ୍ଚ ରଂଜିତା ଭୋଇ ପ୍ରକାଶ କରିଛନ୍ତି  l ପ୍ରକାଶ ଯେ ମହିଳାଙ୍କୁ ସ୍ୱାବଲମ୍ବୀ ଓ ଆତ୍ମନିର୍ଭରଶୀଳ କରିବାକୁ ଜ଼ିଲ୍ଲାପାଳ ନର୍ଭଣେ ତାଙ୍କ ଦାଇତ୍ୱ ଆରମ୍ଭରୁ ହିଁ ପ୍ରୟାସ କରି ମହିଳାଙ୍କୁ ପ୍ରୋତ୍ସାହନ ଦେଇ ଆସୁଛନ୍ତି l  ବିଗତ ଫେବୃଆରୀ ମାସରେ ଏହି  କାଫେଟେରିଆ ସେଣ୍ଟରକୁ ଯାଇ  ଜ଼ିଲ୍ଲାପାଳ ନିଜେ ସ୍ୟାଣ୍ଡଉଇଚ ଖାଦ୍ୟ ତିଆରି କରି ସ୍ୱୟଂ ସାହାୟିକା ମହିଳାଙ୍କୁ ଉତ୍ସାହିତ କରିଥିଲେ l