01-Apr-2022

କଣ୍ଟାବାଞ୍ଜି(ଆନନ୍ଦ ମୋଟେ) : ଗତ ୨ ରୁ ୫ ଫରବରୀ କଣ୍ଟାବାଞ୍ଜି ସ୍ଥାନୀୟ ଶ୍ୟାମ ମନ୍ଦିର ପ୍ରାଗଣ ରେ କଣ୍ଟାବାଞ୍ଜି ନାନକରାମ ଚେରିଟେବୁଲ ଟ୍ରଷ୍ଟ ପକ୍ଷରୁ ସର୍ଵ ମଙ୍ଗଳ କାମନା ବିଶ୍ୱଶାନ୍ତି ପ୍ରାପ୍ତି ପାଇଁ ଗୋଟିଏ ପାଞ୍ଚ କୁଣ୍ଡିଆ ମହା ଯଜ୍ଞ ଉଧ୍ୟାପିତ କରା ଯାଇଥିଲା । ସେଥିରେ ହୋଇଥିବା  ମନ୍ତ୍ର ଜାପ ରୁ ପ୍ରେରିତ ହୋଇ ଆଗାମୀ ୨ ଅପ୍ରେଲ ରୁ ୧୦ ଅପ୍ରେଲ ପ୍ରାଯନ୍ତ ନବରାତ୍ରି ଉପଲକ୍ଷେ ସପ୍ତଚଣ୍ଡୀ ପାଠ ଏବଂ ମହା ଯଜ୍ଞ ଆରମ୍ଭ ହେବା କୁ ଯାଉଛି । ଏଥିରେ ସମସ୍ତେ ଜାତି ନିର୍ବିଶେଷରେ ଯୋଗ ଦେଇପାରିବେ । ଭକ୍ତ ମାନଙ୍କୁ ଅନୁରୋଧ କରା ଯାଇଛି ଯେ ମଙ୍ଗଳ କାମନା କରି ନିଜର ନାଁ ରେ ଗୋଟିଏ  କଳସ ନେଇ ପ୍ରାରମ୍ଭ ଦିନେ ସକାଳ ୯ ରୁ ୧୧ ଘଣ୍ଟା ମଧ୍ୟ ସମୟ ରେ ଯଜ୍ଞ ସ୍ଥାନ ରେ ସ୍ଥାପିତ କରିପାରିବେ । ଏହି ପୂଜା ରେ କୋଣସୀ ପଇସା ଦକ୍ଷିଣା ନାହିଁ ବୋଲି ଆୟୋଜକ କମିଟି ସୂଚନା ଦେଇଛନ୍ତି । ଭକ୍ତ ନିଜେ ବିଶ୍ୱଶାନ୍ତି ପାଇଁ ଏହି ପ୍ରୟାସ କୁ ସଫଳ କରିବେ ବୋଲି ଆୟୋଜକ କମିଟି ସଦସ୍ୟ ଶ୍ରୀ ପ୍ରଦୀପ ନାରାୟଣ ଖଣ୍ଡଳବାଲ ମତ ପ୍ରକାଶ କରିଛନ୍ତି ।ମାନବ ଜାତିର ସୁଖ ଶାନ୍ତି ସହିତ ବିଶ୍ୱଶାନ୍ତି ମୁଖ୍ୟ ଉପଦେଶ ଥିବା ବେଳେ ଏହି ଯଜ୍ଞରେ ସହରର ଅନେକ ଭକ୍ତ ନିଜ ଓ ପରିବାର ପାଇଁ ପୁଜା କରିବା ସହ ବିଶ୍ୱଶାନ୍ତି ପାଇଁ ଆଦିଶକ୍ତି ମା ଦୁର୍ଗା , ମା ଭଗବତୀ ନିକଟରେ ନବରାତ୍ରୀ ତପସ୍ୟା, ମାହାକାଳ ଶିବଙ୍କ ରୁଦ୍ରଭିଷେକ ପୂଜା ଓ ସପ୍ତଚଣ୍ଡୀ ମହାଯଜ୍ଞରେ ଭକ୍ତ ସାମିଲ ହୋଇ ମାନବ ଜାତି କଲ୍ୟାଣ ପାଇଁ ପୂଜା କରିବେ ।କାର୍ଯ୍ୟକ୍ରମ କୁ ବାବା କଲ୍ୟାଣ ଦାସ ମହାରାଜ ଙ୍କ ଯଜ୍ଞ ସଞ୍ଚାଳକ ଆଚାର୍ଯ୍ୟ କାମେଶ୍ୱରନାଥ ତ୍ରିପାଠୀ ସହିତ ଅନ୍ୟ ୧୧ଟି ବ୍ରାହ୍ମଣ ମଧ୍ୟ କାଶୀ ବିଶ୍ୱନାଥ ବାରାଣଶୀ ରୁ କଣ୍ଟାବାଞ୍ଜି ଆସିବେ ।ଏହି କାର୍ଯ୍ୟକ୍ରମ ପାଇଁ ଅଧିକ ସୂଚନା ପାଇ ଯୋଗାଯୋଗ ନମ୍ବର ୯୯୩୮୦୯୦୮୮୮ ଏବଂ  ୯୬୬୮୮୬୮୪୬୩ ମଧ୍ୟ ଦିଆ ଯାଇଛି ।