31-Aug-2026

ନବରଙ୍ଗପୁର (ପ୍ରିୟଦର୍ଶିନୀ ପାତ୍ର,)
ଅବୈଧ ଓ ବେଆଇନ ମଦ କାରବାର ଦିନକୁ ଦିନ ପାପଡାହାଣ୍ଡି ବ୍ଲକ ରେ ବୃଦ୍ଧି ପାଉଥିବା ଆଶଙ୍କାକୁ ଅନୁଧ୍ୟାନ କରି ଜାମଗୁଡା ତଥା ଆଖପାଖ ଗାଁ ର ଶତାଧିକ ମହିଳା ଡାବୁଗାଁ ଥାନା ଓ ପାପଡାହାଣ୍ଡି ଅବକାରୀ ଅଫିସ ରେ ଦାବୀପତ୍ର ପ୍ରଦାନ କରିଛନ୍ତି। ଅତୀତରେ ଅନୁରୂପ ଦାବୀ ମାନିଗାଁ, ମକିଆ, ଗଡେଗାଁ ତଥା ଜିଲ୍ଲା ର ବିଭିନ୍ନ ଅଞ୍ଚଳ ରୁ ହୋଇ ଆସିଛି। ଗ୍ରାମ ପରିବେଶକୁ ଶାନ୍ତ ଓ ନିର୍ମଳ ରଖିବା ପାଇଁ ମଦ ବନ୍ଦ ନିହାତି ଆବଶ୍ୟକ ବୋଲି ମହିଳାମାନେ ମତବ୍ୟକ୍ତ କରିଛନ୍ତି।ବର୍ତ୍ତମାନ ଦେଖିବାକୁ ବାକି ରହିଲା ଏହି ଦାବିପତ୍ର କୁ ଗ୍ରହଣ କରିବା ପରେ ଥାନା ଏବଂ ଅବକାରୀ ବିଭାଗ ତରଫରୁ କଣ ପଦକ୍ଷେପ ନିଆ ଯାଉଛି। ଏହା ସହ ଜିଲ୍ଲା ପ୍ରଶାସନ ମଧ୍ୟ ମଦ ବନ୍ଦ ପାଇଁ ଆଗାମୀ ଦିନରେ କିଭଳି ପଦକ୍ଷେପ ନେବ ତାହା ବର୍ତ୍ତମାନ ଦେଖିବାକୁ ବାକି ରହିଲା।