17-Nov-2020

ରାଷ୍ଟ୍ରୀୟ ରାଜଧାନୀ ଦିଲ୍ଲୀକୁ ବିସ୍ଫୋରଣରେ ଉଡାଇବା ପାଇଁ ହୋଇଥିବା ଏକ ବଡ ଧରଣର ଷଡଯନ୍ତ୍ର ଫେଲ୍ ମାରିଛି । ଦିଲ୍ଲୀ ପୋଲିସର ସ୍ପେଶାଲ ସେଲ୍ ଦୁଇଜଣ ଦୁର୍ଦ୍ଦାନ୍ତ ଆତଙ୍କବାଦୀଙ୍କୁ ଗିରଫ କରିଛି । ଏହି ଦୁଇ ଆତଙ୍କବାଦୀ ଜୈଶ-ଏ-ଅହମ୍ମଦ ସହ ଜଡିତ । କୁହାଯାଉଛି ଯେ, ଏହି ଦୁଇ ଆତଙ୍କବାଦୀ ଦିଲ୍ଲୀରେ ବଡ ଧରଣର ଆକ୍ରମଣ କରିଥାନ୍ତେ । ବଡ ଧରଣର ବୋମା ବିସ୍ଫୋରଣ ମଧ୍ୟ କରିଥାନ୍ତେ ବୋଲି ସୂଚନା ମିଳିଛି!!*ଏହି ଦୁଇ ଆତଙ୍କବାଦୀ ଦିଲ୍ଲୀରେ ଲୁଚି ରହିଥିବା ନେଇ ପୋଲିସକୁ ସୂଚନା ମିଳିଥିଲା । ଏହାପରେ ପୋଲିସ ସର୍ଚ୍ଚ ଅପରେସନ ଆରମ୍ଭ କରି ବିଭିନ୍ନ ସ୍ଥାନରେ ଚଢାଉ କରିଥିଲା । ସୋମବାର ରାତି ୧୦ଟା ୧୫ରେ ଏହି ଦୁଇ ଆତଙ୍କବାଦୀଙ୍କୁ ସରାୟକାଲେ ଖାଁର ମିଲିନିୟମ ପାର୍କରେ ଗିରଫ କରାଯାଇଥିଲା । ସେମାନଙ୍କଠାରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଜବତ ହୋଇଛି । ପୋଲିସର କହିବାନୁସାରେ, ଏହି ଆତଙ୍କବାଦୀ ଦ୍ୱୟ ଜମ୍ମୁ-କାଶ୍ମୀରର ବାରମୂଳା ଜିଲ୍ଲାର ସାପୋରରେ ରହୁଥିବା ଅବ୍ଦୁଲ ଲତିଫ ଓ କୁପଓ୍ୱାଡା ଜିଲ୍ଲାର  ଅଶରଫ ଖାତାନା । ସେମାନଙ୍କପାଖରୁ ସେମି ଅଟୋମେଟିକ୍ ପିସ୍ତଲ, ୧୦ଟି କାରତୁସ ଜବତ ହୋଇଛି!!*