17-Nov-2020

ବଲାଙ୍ଗିର/ପାଟଣାଗଡ,୧୭ା୧୧-ବଲାଙ୍ଗିର ଜିଲା ପାଟଣାଗଡ ଜନମଞ୍ଚ ତରରୁ ସ୍ଥାନୀୟ ଏନ୍‌ଏସି କାର୍ଯ୍ୟାଳୟ ସମ୍ମୁଖରେ ଭିଭିନ୍ନ ସମସ୍ୟାର ସ୍ଥାୟୀ ସମଧାନ ଦାବୀରେ ସୋମବାର ଦିନ ଜନମଞ୍ଚର କର୍ମକର୍ତ୍ତାମାନେ  ଏକ ୭୨ଘଣ୍ଟିଆ ଅନଶନରେ ବସିଥିଲେ । ବିଭିନ୍ନ ସମୟରେ ପାଟଣାଗଡ ପ୍ରଶାସନ ସହ ଜନମଂଚ ପକ୍ଷରୁ ପାଟଣାଗଡର ବିଭିନ୍ନ ସମୟ ନେଇ ଆଲୋଚନା କରାଯାଇଉଥିଲା । କିନ୍ତୁ ପ୍ରଶାସନ ଓ ଏନଏସି କତ୍ତୃପକ୍ଷ କୌଣସି ସମସ୍ୟାର ସମାଧାନ କରିବା ପରିବର୍ତ୍ତେ କର୍ଣ୍ଣପାତ ମଧ୍ୟ କରୁନଥିଲେ । ଏନେଇ ଜନମଂଚ ପକ୍ଷରୁ ପୂର୍ବରୁ ଅନଶନରେ ବସିବାକ ପତ୍ର ମଧ୍ୟମରେ ଚେତାବନୀ ମଧ୍ୟ ଦିଆଯାଇଥିଲା । କିନ୍ତୁ ପାଟଣାଗଡର କୌଣସି ସମସ୍ୟାରେ ସମାଧାନ ନହେବାରୁ ଜନମଂଚର କର୍ମକର୍ତା ଅନଶନରେ ବସିଥିଲେ । ତେବେ  ସେମାନଙ୍କ ଦାବୀ ଗୁଡିକ ମଧ୍ୟରେ ଏମ୍‌ଏସ୍‌ପି  ଧାର୍ଯ୍ୟ ମୂଲ୍ୟରୁ କମ୍ ଦାମରେ ଧାନ କିଣୁଥିବା ବ୍ୟବସାୟୀ ମାନଙ୍କୁ ତାଗିତ ଗରିବା, ପାଟଣାଗଡ ମୁଖ୍ୟ ରାସ୍ତାକୁ ତୁରନ୍ତ ଜବରଦଖଲରୁ ମୁକୁଲାଇବା, ପାଟଣାଗଡ ଏନ୍‌ଏସିରେ ସରକାରୀ ଜମିରେ ବସବାସ କରୁଥିବା ଗରିବ ପରିବାରଙ୍କୁ ସ୍ଥାୟୀ ପଟ୍ଟା ସହ ବସୁନ୍ଧରା ଯୋଜନାରେ ସାମିଲ କରିବା, ଏନ୍‌ଏସି ଷ୍ଟାପ୍ କୋଠରୀରେ ରହି ଆସୁଥିବା ପରିବାର ମାନଙ୍କୁ ଲୋନର ସହାୟତା କରାଯାଇ କ୍ୱାଟର ଛାଡିବା ପାଇଁ କହିବା, ୨୦୧୪ ରୁ ୨୦୧୯ ରେ ଏନ୍‌ଏସିରେ ୧୩ କୋଟି ଖର୍ଚ୍ଚର ସବିଶେଷ ତଥ୍ୟ ସର୍ବସମ୍ମୁଖକୁ ଆଣିବା,  ପାଟଣାଗଡ ଡ୍ରେନର ଅବସ୍ଥାରେ ସୁଧାର ଅଣାଯିବା, ରାସ୍ତା କଡରେ ବୁଲୁଥିବା ଗାଈ ଗୋରୁଙ୍କ ସୁରକ୍ଷା କରାଯାଉ,  ତହସିଲ ବନ୍ଦର ପୁନରାଉଦ୍ଧାର କରାଯାଉ, ଭିଭିନ୍ନ କାମ ପାଇଁ  ଟେଣ୍ଡର ହୋଇଥିବା ପ୍ରୋଜେକ୍ଟକୁ ଆରମ୍ଭ କରାଯାଉ, ଯୁବକମାନଙ୍କୁ ତୁରନ୍ତ ନିଯୁକ୍ତ ଦିଆଯାଉ, ବୌର୍ଯ୍ୟବସ୍ତୁ ନିରାକରଣ ପ୍ରୋଜେକ୍ଟ ତୁରନ୍ତ ଆରମ୍ଭ କରାଯିବା, ଜଡବନ୍ଧ ପାର୍କର ଉନ୍ନତି , ସହରରେ ଥିବା ରାସ୍ତାମାନଙ୍କର ଉନ୍ନତି କରଣ କରାଯିବାକୁ ନେଇ ଦାବୀ କରାଯାଇଛି । ଅନଶନରେ ବିଶିଥିବା ଜନମଂଚର କର୍ମକର୍ତ୍ତାଙ୍କ ପାଖକୁ ଯାଇ  ଏନ୍‌ଏସି କାର୍ଯ୍ୟନିର୍ବାହୀ ଅଧିକାରୀ ସୁକାନ୍ତ ଚନ୍ଦ୍ର ବେଉରା ତାଙ୍କ ପାଖକୁ ଯାଇ ଆଲୋଚନା କରିଥିଲେ  ଏବଂ ମୋ ଦ୍ୱାରା ଯାହା ସମ୍ଭବ ମୁଁ ଏହାର ସମାଧାନ କରିବି ବୋଲି ପ୍ରତିସୃତି ଦେଇଥିଲେ । ବାକି ଅନ୍ୟାନ୍ୟ ସମସ୍ୟା ଗୁଡିର ସମଧାନ ନେଇ ବିଭାଗୀୟ ଅଧିକାରୀଙ୍କୁ ଜଣାଇ ଦେବି ବୋଲି ତାଙ୍କ ସହିତ ଆଲୋଚନ କରିଥିଲେ ।  ପରେ ପାଟଣାଗଡ ଉପଜିଲାପାଳ ସମୋନାଥ ପଧାନ ଓ ଏନଏସି ଇଓ ଶ୍ରୀ ବେହେରା ସନ୍ଧ୍ୟା ୭ଟାରେ ପୁଣି ଆସି ଅନଶନକାରୀଙ୍କୁ ବୁଝାସୁଝା କରିବା ସହ ମୁଁ ଆସିବା ଦିନଠୁଁ ଦେଖୁଛି ପାଟଣାଗଡର ବିଭିନ୍ନ ସମସ୍ୟା ନେଇ ଜନମଂଚ ହିଁ ଉପସ୍ଥାପନ କରିବା ସହ ପ୍ରଶାସନର ସମ୍ମୁଖକୁ ଅଣୁଛି । ୭ଦିନ ମଧ୍ୟରେ ଦାବି ଗୁଡିକ ପୂରଣ ଦିଗରେ ପଦକ୍ଷେପ ନିଆଯିବ ବୋଲି କହି ଥଣ୍ଡା ପାନୀୟ ପିଆଇ ଅନଶନ ଭଙ୍ଗ କରିଥିଲେ । ଆଜିର ଏହି ଅନଶନରେ ଡିଙ୍ଗର କୁମ୍ଭାର, ସୁଶିଲ ନାୟକ, ପ୍ରତିକ ନାୟକ, ମନୋଜ କୁମ୍ଭାର, ବନମାଳୀ କୁମ୍ଭାର, ମହାବୀର କୁମ୍ଭାର, ସୁବାଷ ଆଚାର୍ଯ୍ୟ ପ୍ରମୁଖ ସାମିଲଥିଲେ । ଡା. ସୁବ୍ରତ ମେହେରଙ୍କ ନେତୃତ୍ୱରେ ଏକ ଡାକ୍ତରୀ ଟିମ ଅନଶନସ୍ଥଳକୁ ପହଂଚି ଅନଶନକାରୀଙ୍କ ସ୍ୱାସ୍ଥ୍ୟାବସ୍ଥ ଯାଂଚ କରିଥିଲେ । ଦାବି ଗୁଡିକ ତୁରନ୍ତ ସମାଧାନ ନହେଲେ ଆଗମୀ ଦିନରେ ପୁଣି ଥରେ ଜନମଂଚ ଧାରଣାରେ ବସିବ ବୋଲି ଜନମଂଚର ସଭ୍ୟ  ଅନଶନକାରୀ ଡିଙ୍ଗର କୁମ୍ଭାର କହିଛନ୍ତି ।