11-Mar-2022

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ ):  ଆଗାମୀ କାଲି  ବ୍ଲକ୍ ଅଧ୍ୟକ୍ଷ ନିର୍ବାଚନ  ଓ  ପଅରିଦିନ ଜିଲ୍ଲାପରିଷଦ ଅଧ୍ୟକ୍ଷ ନିର୍ବାଚନ ।  ଯିଏ ଯେଉଁଠି ନିର୍ଦ୍ବନ୍ଦରେ ବା  ଫଳାଫଳ ଘୋଷଣା ପରେ ସରପଞ୍ଚ ନିର୍ବାଚିତ ହୋଇଗଲେଣି । ଆଜି ଚାଲିଛି ପଞ୍ଚାୟତଗୁଡିକର ନାଏବ- ସରପଞ୍ଚ ନିର୍ବାଚନ । 

ବଲାଙ୍ଗୀର ଜିଲ୍ଲାର ୧୪ ଟିବ୍ଲକ୍ ରେ କିଏ କିଏ ଅଧ୍ୟକ୍ଷ ବା ଚେୟାରମ୍ୟାନ୍ ପଦ ଅଳଂକୃତ କରିବେ , ସେ ନେଇ ଚାଲିଛି ଅଙ୍କକଷା । ଆଜିକ ତାହାର ଫାଇନାଲ୍ ନିଷ୍ପତ୍ତିର ଚରମମୁହୂର୍ତ୍ତ ।  କୋଉଠି କୋଉ ବେଡାକେଡା ରବରଷ୍ଟାମ୍ପ୍  ବସିଲେ , ସରକାରୀ ଯୋଜନାର ଅର୍ଥଅନୁଦାନ ମାରିଖାଇବାର ସୁବିଧା ହେବ / କୋଉଠି ଦଳୀୟ ସମର୍ଥନକୁ ଦେଖି ସଂରକ୍ଷଣର ବ୍ୟବସ୍ଥାରେ କାହାକୁ ବସାଇଲେ ପତିଆରା  ରହିବ  ଓ  ଏହାକୁ ଆଖିଆଗରେ ରଖି ଆମ ଜିଲ୍ଲାରେ ପ୍ରମୁଖ ବିଜେଡି , ବିଜେପି ଓ କଂଗ୍ରେସର ହିସାବକିତାବ ଚାଲିଛି ।  ଅଟକବନ୍ଦୀ ବା ନଜରବନ୍ଦୀ କ୍ୟାମ୍ପ୍ ରୁ ଘୋଡାବେପାର ପାଇଁ  ଦୁଇ ତିନି ଲକ୍ଷରୁ ଚାରିପାଞ୍ଚଦିଲକ୍ଷରେ ଘୋଡାମାନଙ୍କୁ କିଣିନିଆ ଗଲାଣି । କୋଉଠି କାହାକୁ ଅଳ୍ପ ଅଗ୍ରୀମ ଓ କୋଉଠି ପୁରା ସବୁପେମେଣ୍ଟୂ ଆଗରୁ ନଦେଲେ , ମାନ୍ୟବର ସଭ୍ୟମାନେ ଅସଭ୍ୟଭାବରେ ପାଟିତୁଣ୍ଡ ବି କରୁଛନ୍ତି । ତେବେ ଏହି ମୂଲଚାଲରେ ବିଜେଡି ସବାଆଗରେ ଥିବା କୁହାଯାଉଛି ।  ମୁଖ୍ୟତଃ ବିଧାୟକମାନେ ଏ କାରବାରର କାର୍ପଟଦାର ସାଜିଥିଲାବେଳେ , କଂଗ୍ରେସ ଓ ବିଜେପିର ନେତାମାନଙ୍କର ସେତେ ଦମ୍ ନଥିବା ବା ସେମାନେ ସେପଟକୁ ଭିତିରିଆ ହାତ ବଢାଇ , ଏପଟେ ହାତରୁ ଛାଡୁ ନଥିବା ଶୁଣିବାକୁ ମିଳୁଛି । କିନ୍ତୁ ବିଜେଡିରେ ସେ ଦ୍ବନ୍ଦ ନାଇଁ । ଜିଲ୍ଲାର ଦାୟିତ୍ୱ ନେଇଥିବା ବଡବଡିଆଙ୍କ ହାତରେ ଚାବିକାଠି ରହିଛି ଓ ସେମାନେ ବାକ୍ସଖୋଲି ଦେଇଛନ୍ତି । ସଂଖ୍ୟାଗରିଷ୍ଠତା ଦୃଷ୍ଟିରୁ ବିଜେଡି ଆଗରେ ତ ରହିଛି । ତେବେ ଆସନ ବା ପଦମୂଲେଇ ବି ତ ଗୋଟେ ବଡ ଦାୟିତ୍ୱ ! ବ୍ଲକ୍ ଚେୟାରମ୍ୟାନ୍ ପାଇଁ ସମିତିସଭ୍ୟ କିଣା ବା ଜିଲ୍ଲାପରିଷଦ ଅଧ୍ୟକ୍ଷ ପାଇଁ ଜିଲ୍ଲାପରିଷଦସଦସ୍ୟ କିଣିବାରେ ମୋଟ ଖର୍ଚ୍ଚବାର୍ଚ୍ଚ ହେଉଥିବା ପରିମାଣ କୋଟି କୋଟି ।  ଏତେ ଟଙ୍କା ଖଟାଇବାର ଦମ୍  ଆଉ କାହାପାଖରେ ଅଛି , ଶାସକଦଳ ଛଡା ? ତେଣୁ ଅର୍ଥବଳରେ ହେଉ ବା ବୁଥ୍ ରିଗିଂ ଅଥବା ଷ୍ଟ୍ରଙ୍ଗ୍ ରୁମ୍ ରେ ଶାସନକଳ ସହାୟତାରେ ହେରଫେର  ସନ୍ଦେହର ଅଭିଯୋଗ ହେଉ ;  ଜିଲ୍ଲାସାରା ଗୋଟିଏ ଦଳ ହିଁ ସବୁ ପୋଛିନବ ବୋଲି ଏକପ୍ରକାର ସ୍ଥିରନିଶ୍ଚିତ ବୋଲି କୁହାଯାଉଛି । ଏଠି ବରୋଧୀଦଳ ବିକ୍ରିଯୋଗ୍ୟ ବୋଲି ଯେଉଁ ଅପବାଦ ପାଉଛି , ସତରେ କଣ ତାହା ଅମୂଳକ ? - ଏ କଥାରେ ଲୋକେ ମୁହଁ ଚୁହାଁଚୁହିଁ ହେଉଛନ୍ତି  । ଜୟ କଳା  !  ସବୁଠି କଚ୍ଚା ବାଦାମ୍  !