11-Mar-2022

ବରଗଡ(ନିରଞ୍ଜନ ତ୍ରିପାଠୀ)ବରଗଡ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ମେନକାମୁଣ୍ଡା ଗନ୍ଧମାର୍ଦ୍ଦନ ପର୍ବତ କୁ ଲାଗିରହିଛି । ଗନ୍ଧମାର୍ଦ୍ଦନ ପର୍ବତ ହେଲା ଗଜରାଜ ଙ୍କ ଆଡ୍ଡା ସ୍ଥଳୀ । ବର୍ଷ ତମାମ ସେମାନଙ୍କ ଯିବାଆସିବା ଲାଗି ରହିଛି । ବିଭିନ୍ନ ସମୟରେ ବଣୁଆ ହାତୀ ମାନେ ଲୋକଙ୍କ ଧନଜୀବନ ନଷ୍ଟ କରୁଥିବା ନଜିର୍ ରହିଛି । ପ୍ରଶାସନ ତରଫରୁ ହାତୀ ମାନଙ୍କୁ ଘଉଡାଇବା ପାଇଁ ଅନେକ ପ୍ରୟାସ କରାଯାଉଛି ହେଲେ ବନ ବିଭାଗ ସଠିକ ଭାବରେ ହାତୀ ମାନଙ୍କର ଉପରେ କାବୁ କିମ୍ବା ନଜର ରଖି ପାରୁନାହିଁ ଯାହା ଫଳରେ ହାତୀ ମାନେ ଗାଁ ଭିତରକୁ ପଶି ଲୋକଙ୍କର ଧନଜୀବନ ନଷ୍ଟ କରିଚାଲିଛନ୍ତି ।
ଗଲାରାତି ପ୍ରାୟ ୯ ଘଣ୍ଟା ସମୟରେ ରେ ଏକଦନ୍ତା ହାତୀ ମେନକାମୁଣ୍ଡା ଗ୍ରାମର କଦମ୍ବ ବାଗ ଘରକୁ ପଶି ଆସି ଘରକୁ ଭାଙ୍ଗିବା ସହିତ ଅନେକ ଜିନିଷପତ୍ର ଭାଙ୍ଗି ନଷ୍ଟ କରି ଦେଇଛି । ରାତି ପ୍ରାୟ ଦଶ ଘଣ୍ଟା ପରେ ହାତୀ କିଛି ସମୟ ତାର ତାଣ୍ଡବ ରଚାଇବା ପରେ ନୂଆପଡା ଜିଲ୍ଲା ଆଡକୁ ଅଗ୍ରସର ହୋଇଥିବା ଜଣାଯାଏ । ଘର ଭାଙ୍ଗି ଯିବା ସହିତ ଘରର ଅନେକ ଜିନିଷ ନଷ୍ଟ ହୋଇଥିବା ହେତୁ ଗରିବ ଅସହାୟ କଦମ୍ବ ବାଗ ବର୍ତ୍ତମାନ ଚିନ୍ତା ରେ ସମ୍ପୁର୍ଣ୍ଣ ରୂପେ ଭାଙ୍ଗି ପଡିଛନ୍ତି ।ଏ ସମ୍ପର୍କରେ  ଖବର ପାଇବାପରେ ଜଙ୍ଗଲ ବିଭାଗର ଅଧିକାରୀ ମାନେ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରୁଛନ୍ତି । କ୍ଷତିଗ୍ରସ୍ତ କଦମ୍ବ ବାଗ ଙ୍କର କ୍ଷୟକ୍ଷତି ର ତୁରନ୍ତ ଆକଳନ କରାଯାଇ ତାଙ୍କୁ ସରକାରୀ ସହାୟତ ପ୍ରଦାନ କରିବା ନିମନ୍ତେ ଅଞ୍ଚଳବାସୀ ଦାବି କରିଛନ୍ତି ।