11-Mar-2022

ପଦ୍ମପୁର:-ଗତ ତ୍ରୀସ୍ତରୀୟ ପଞ୍ଚାୟତ ନିର୍ବାଚନ ରେ ବୁକୁରାମୁଣ୍ଡା ଗ୍ରାମପଞ୍ଚାୟତ ର ସରପଞ୍ଚ ପ୍ରାର୍ଥୀନୀ ଭାବେ ନିର୍ବାଚନ ରଣାଙ୍ଗନରେ ସମୁଦାୟ ୪ ଜଣ ପ୍ରାର୍ଥିନୀ ଅବତୀର୍ଣ୍ଣ ହୋଇଥିଲେ । ଲୋକଙ୍କ ସ୍ନେହ,ଶ୍ରଦ୍ଧାତଥା ଭଲପାଇବା କୁ ପାଥେୟ କରି ଶ୍ରୀମତୀ ଅନିତା ଭୋଇ ତାଙ୍କ ନିକଟତମ ପ୍ରତିଦ୍ବନ୍ଦୀ ଙ୍କୁ ବିପୁଳ ଭୋଟ ରେ ପରାସ୍ତ କରି ବିଜୟୀ ହୋଇଥିବାବେଳେ ଆଜି ତାଙ୍କୁ ତଥା ନିର୍ବାଚିତ ସମସ୍ତ ୱାର୍ଡ ମେମ୍ବର ପ୍ରାର୍ଥୀ ଓ ପ୍ରାର୍ଥିନୀ ମାନଙ୍କୁ ନେଇ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ଗ୍ରାମପଞ୍ଚାୟତ ରେ କାର୍ଯ୍ୟରତ ରୋଜଗାର ସେବକ ମହାନନ୍ଦ ପ୍ରଧାନ ପୁଷ୍ପଗୁଚ୍ଛ ପ୍ରଦାନ କରିଥିଲେ । ଶ୍ରୀମତୀ ଭୋଇ ସରପଞ୍ଚ ଦାୟିତ୍ୱ ପରେ ସମସ୍ତ ୱାର୍ଡ ମେମ୍ବର ମାନଙ୍କୁ ହାର୍ଦ୍ଦିକ ଅଭିନନ୍ଦନ ଦେବା ସଙ୍ଗେ ସଙ୍ଗେ ସଭାଗୃହ ଠାରେ ଏକ ସଭା ର ଆୟୋଜନ କରାଯାଇଥିଲା ।ସଭାରେ ସରପଞ୍ଚ ମହୋଦୟା ସମସ୍ତ ଉପସ୍ଥିତ ୱାର୍ଡ ମେମ୍ବର ମାନଙ୍କୁ ଉଦବୋଧନ ଦେଇ କହିଲେ ଯେ,ଆମେ ଏକ ହୋଇ ଯଦି ଆଗକୁ ବଢିବା ତେବେ ଆମ ଗ୍ରାମପଞ୍ଚାୟତ କୁ ସୁସ୍ଥ ପଞ୍ଚାୟତ ତଥା ଆଦର୍ଶ ପଞ୍ଚାୟତ ଭାବେ ଗଠନ କରିବାରେ କୈାଣସି ଅସୁବିଧା ଦେଖାଦେବନି । ଆଗକୁ ପ୍ରବଳ ଗ୍ରୀଷ୍ମପ୍ରବାହ ହେବାକୁ ଥିବାରୁ ପାନୀୟ ଜଳର ସମସ୍ୟା, ଗ୍ରାମାଳମାନଙ୍କରେ ପରିଷ୍କାର ପରିଚ୍ଛନ୍ନତା କୁ ବିଶେଷ ଧ୍ୟାନ ଦେବାକୁ ପରାମର୍ଶ ଦେଇଥିଲେ ।ଆପଣ ମାନଙ୍କ ଆଶ୍ରିର୍ବାଦ ରେ ଆମଗ୍ରାମପଞ୍ଚାୟତ ଆଗେଇନେବା ମୋର ପ୍ରଥମ ଲକ୍ଷ୍ୟ ବୋଲି ମତବ୍ୟକ୍ତ କରିଥିଲେ ‌।ପରେ ନାଏବସରପଞ୍ଚ ପାଇଁ ସଭାଗୃହ ଠାରେ ପାଇକମାଳ ବ୍ଳକ ରୁ ଆସିଥିବା ନିର୍ବାଚନ ଅଧିକାରୀ ଶ୍ରୀମାନ ପ୍ରେମାନନ୍ଦ ବାରିକ(ଏବିଇଓ) ନିର୍ବାଚନ

ପ୍ରକ୍ରିୟା ଆରମ୍ଭ କରିଥିଲେ ।ନାଏବ ସରପଞ୍ଚ ପ୍ରାର୍ଥୀ ଭାବେ ଜଣେ ମାତ୍ର ନାମାଙ୍କନ ପତ୍ର ଦାଖଲ କରିଥିଲେ ।୧୨.୩୦ ମିନିଟ ସମୟ ପର୍ଯ୍ୟନ୍ତ ଆଉ ଜଣେ ହେଲେ ନାଏବ ସରପଞ୍ଚ ଭାବେ ପ୍ରାର୍ଥୀ ପତ୍ର ନ ଦେବାରୁ ବାଧ୍ୟ ହୋଇ ନିର୍ବାଚନ ଅଧିକାରୀ ରମେଶ ବରିହା ଙ୍କୁ ନାଏବ ସରପଞ୍ଚ ଭାବେ ସର୍ବସମ୍ମୁଖରେ ଘୋଷଣା କରିଥିଲେ । ନବନିର୍ବାଚିତ ନାଏବ ସରପଞ୍ଚ ଙ୍କୁ  ସରପଞ୍ଚ ମହୋଦୟା ସ୍ୱାଗତ କରିବା ସହ ତାଙ୍କୁ ସମ୍ବର୍ଦ୍ଧନା ଦେଇଥିଲେ । ନିର୍ବାଚିତ ୱାର୍ଡ ମେମ୍ବର ପ୍ରାର୍ଥୀ ଓ ପ୍ରାର୍ଥିନୀ ମାନେ ହେଲେ ନମ୍ବର-୧ ୱାର୍ଡ ର ଦୁର୍ଯୋଧନ ବରିହା(ଲହଙ୍ଗୀର),୨-ରୁ ବଳରାମ ବରିହା(ଲହଙ୍ଗୀର),୩-ରୁ ଉତ୍ତମ କନ୍ଧେର(ଲହଙ୍ଗୀର),୪-ରୁ ନୀଲା ବରିହା(କୁର୍ରିଚୁଆ),୫-ରୁ ପୁଷ୍ପାଞ୍ଜଳୀ ନାୟକ(ବୁକୁରାମୁଣ୍ଡା),୬ରୁ ହେମଲତା ସେଟ(ବୁକୁରାମୁଣ୍ଡା) ୭ ରୁ ନାରାୟଣ ପ୍ରଧାନ (ବୁକୁରାମୁଣ୍ଡା),୮-ରୁ ମଲ୍ଲିକା ଭୋଇ(ବୁକୁରାମୁଣ୍ଡା),୯-ରୁ ରମେଶ ବରିହା(ମହୁଲପାଲି),୧୦-ରୁ ସନ୍ଧ୍ୟା ବରିହା(ମହୁଲପାଲି),୧୧-ରୁ କୁଞ୍ଜବିହାରୀ ବାଉଁଶ (ମହୁଲ ପାଲି),୧୨-ରୁ ସଞ୍ଜୁକ୍ତା ପ୍ରଧାନ (ପଲସାନୀ) ଏହି ସଭାରେ ଯୋଗଦାନ କରି ସରପଞ୍ଚ ମହୋଦୟା ଙ୍କ ଗ୍ରାମପଞ୍ଚାୟତ ରେ ଅନୁଷ୍ଠିତ ପ୍ରଥମ ବୈଠକ ରେ ଯୋଗଦେଇ ନିଜକୁ ଧନ୍ୟ ମନେ କରିଥିଲେ ।