10-Mar-2022

ନୟାଗଡ, (ପ୍ରଦୀପ କୁମାର ପଣ୍ଡା): କୁମ୍ଭାରପଡ଼ା ଭୋଟର ଙ୍କ ଆଶାର ଆଲୋକ ଚିନ୍ମୟ ଆଜି ଗ୍ରହଣ କଲେ କାର୍ଯ୍ୟଭାର | ଆଗାମୀ ଦିନରେ ଜନସାଧାରଣ ଙ୍କ ସମସ୍ତ ସୁଖଦୁଃଖ ର ସାଥି ହୋଇପାରିବେ କି ନାହିଁ ବୋଲି ମନରେ ତାଙ୍କ ଉପୁଯିଛି ଭୟ | ତେବେ ବରିଷ୍ଠ ରାଜନୀତିଜ୍ଞ ମହଲ ରେ ଚର୍ଚ୍ଚା ହେଉଛି ଯେ ଏଥର କୁମ୍ଭାରପଡ଼ା ଗ୍ରାମ ପଞ୍ଚାୟତ କୁ ମୁନା ନିଶ୍ଚିତ ଭାବେ ଏକ ନୂଆ ରୂପ ଦେବା ରେ ସଫଳ ହେବ | ଏହି ପରିପ୍ରେକ୍ଷୀରେ ଗୁରୁବାର ପୂର୍ବାହ୍ନ ରେ ପୂର୍ବତନ ସରପଞ୍ଚ ଶ୍ରୀମତୀ ରଙ୍ଗବତୀ ମୁଦୁଲି ପଞ୍ଚାୟତ କାର୍ଯ୍ୟଭାର କୁ ନୂତନ ସରପଞ୍ଚ ଚିନ୍ମୟ କୁମାର ପଣ୍ଡା ଙ୍କୁ ହସ୍ତାନ୍ତର କରିଛନ୍ତି | ପଞ୍ଚାୟତ କାର୍ଯ୍ୟାଳୟ ପରିସରରେ ହୋମଯଜ୍ଞ କରି ଚିନ୍ମୟ ସରପଞ୍ଚ ଆସନ ରେ ବସିବା ଦୃଷ୍ଟି ଗୋଚର ହୋଇଛି | ଶତାଧିକ ପଞ୍ଚାୟତ ବାସୀ କାର୍ଯ୍ୟାଳୟ ପରିସରରେ ଚିନ୍ମୟ ଙ୍କୁ ଆଶୀର୍ବାଦ କରିଛନ୍ତି ଯେ ସେ ତାଙ୍କର ପାଞ୍ଚବର୍ଷ ର ଦାୟିତ୍ୱ କୁ ସଚୋଟ ଭାବେ କିପରି ତୁଲାଇବେ | ଇତ୍ୟାବଶର ରେ ନିର୍ବାଚିତ ସମସ୍ତ ୱାର୍ଡସଭ୍ୟ /ସଭ୍ୟା ମାନେ ପୂର୍ବତନ ଏବଂ ନୂତନ ସରପଞ୍ଚ ଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ | ପରିଶେଷରେ ରଙ୍ଗଅପା ଙ୍କୁ ତାଙ୍କ ବାସଭବନ ପର୍ଯ୍ୟନ୍ତ ବାହୁଡ଼ାଇ ନିଆଯାଇଥିବା ଦୃଶ୍ୟ ଏକ ସ୍ୱତନ୍ତ୍ର ମାହୋଲ ସୃଷ୍ଟି କରିଥିଲା |