01-Mar-2022

ପଦ୍ମପୁର:-ବରଗଡ଼ ଜିଲ୍ଲା ରାଜବୋଡାସମ୍ବର ବ୍ଳକ ର ୩ ନଂ ଜୋନ ରେ ଭାରତୀୟ ଜନତା ପାର୍ଟି ରୁ ଜିଲ୍ଲାପରିଷଦ ପ୍ରାର୍ଥୀ ରୂପେ ଛିଡ଼ା ହୋଇଥିବା ସାମ୍ବାଦିକ ମକରଧ୍ବଜ ବଗାର ବହୁ ଭୋଟରେ ବିଜୟୀ ହୋଇଛନ୍ତି । ତାଙ୍କ ନିକଟତମ ପ୍ରତିଦ୍ବନ୍ଦୀ ଶ୍ରୀମତୀ ସଂଯୁକ୍ତା ମାଝୀ ବିଜୁଜନତା ଦଳ ରୁ ଛିଡାହୋଇ ରଣାଙ୍ଗନରେ ଅବତୀର୍ଣ୍ଣ ହୋଇଥିଲେ । ଶ୍ରୀମାନ ବଗାର ତାଙ୍କ ନିକଟତମ ପ୍ରତିଦ୍ବନ୍ଦୀ ଶ୍ରୀମତୀ ମାଝୀ ଙ୍କୁ ୩୦୭୯ ଖଣ୍ଡ ଭୋଟ ବ୍ୟବଧାନରେ ପରାଜିତ କରିଛନ୍ତି । ସେ ନିଜେ ସମୁଦାୟ ୧୩୧୮୩ ଖଣ୍ଡ ଭୋଟ ସାଉଁଟି ବାରେ ସଫଳତା ଲାଭ କରିଥିବାବେଳେ ତାଙ୍କ ନିକଟତମ ପ୍ରତିଦ୍ବନ୍ଦୀ ଶ୍ରୀମତୀ ସଂଯୁକ୍ତା ମାଝୀ ୧୦୧୦୪ ଖଣ୍ଡ ଭୋଟ ପାଇଥିଲେ । ଶ୍ରୀମାନ ବିଗାର ଏ ବିଜୟର ଶ୍ରେୟ ସଂପୃକ୍ତ ଜୋନ ର ଜନସାଧାରଣ ଏବଂ ପୂର୍ବତନ ବିଧାୟକ ଶ୍ରୀମାନ ପ୍ରଦୀପ ପୁରୋହିତ ଙ୍କୁ ଦେଇଛନ୍ତି । ଶ୍ରୀମାନ ବଗାର ବରଗଡ ଜିଲ୍ଲା ତଥା ବଲାଙ୍ଗୀର ଜିଲ୍ଲା ର ଜଣେ ଜଣାଶୁଣା ସାମ୍ବାଦିକ ଭାବେ ବେଶ ପରିଚିତ ।ସେ ସମାଜ ଏବଂ ଦିନଲିପି ରୁ ପ୍ରକାଶିତ ଦୈନିକ ସମ୍ବାଦପତ୍ର କୁ ସମ୍ବାଦ ପରିବେଷଣ କରୁଛନ୍ତି। ତାଙ୍କ ସମ୍ପାଦନା ଏକ ସାପ୍ତାହିକ ସମ୍ବାଦପତ୍ର "ଗନ୍ଧମାର୍ଦ୍ଦନ" ପ୍ରକାଶ ପାଇଆସୁଛି ।୨୦୧୨ ମସିହାରେ ସେ ଦହିତା ଗ୍ରାମପଞ୍ଚାୟତ ର ସମିତି ସଭ୍ୟ ଭାବେ ନିର୍ବାଚିତ ହୋଇ ଅନେକ ଉନ୍ନୟନ କାର୍ଯ୍ୟ କରି ବେଶ ପ୍ରଶଂସିତ । ଶ୍ରୀମାନ ବଗାର ଆର.ଏସ.ଏସ ରେ ସଭ୍ୟଭାବେ  ଜଡିତ ଥାଇ ୧୯୯୫ ମସିହାରେ ବିଜେପି ର ସକ୍ରିୟ ସଦସ୍ୟ ଭାବରେ ପଞ୍ଚାୟତ ସଭାପତି, ଯୁବମୋର୍ଚ୍ଚା ବ୍ଳକ ସାଧାରଣ ସମ୍ପାଦକ,ମଣ୍ଡଳ ଉପସଭାପତି ଭାବେ ଖୁବ୍ ସୁନ୍ଦର ଭାବେ, ସୁଚାରୁରୂପେ ଦାୟିତ୍ଵ ସମ୍ପାଦନା କରିଛନ୍ତି।ଏତତ ବ୍ୟତୀତ ଯାଦବ ସମାଜ ର ସେ ବ୍ଳକ ପ୍ରଚାର ଓ ପ୍ରସାର ଗୁରୁ ଦାୟିତ୍ବ ତୁଲାଇଆସୁଛନ୍ତି ।ସେ ନିର୍ବାଚିତ ହେଲାପରେ ଅଞ୍ଚଳ ର ଲୋକ ଙ୍କ ସମସ୍ୟା, ଅଞ୍ଚଳ ର ଶିକ୍ଷା, ସ୍ୱାସ୍ଥ୍ୟ, କୃଷି, ପାନୀୟ ଜଳ, ରାସ୍ତାଘାଟ ପ୍ରଭୃତି କାମ ଉପରେ ବିଶେଷ ଧ୍ୟାନ ଦେବି ବୋଲି ଆମ ପ୍ରତିନିଧି ଙ୍କ ଉତ୍ତର ରେ ତାଙ୍କ ପ୍ରତିକ୍ରିୟା ଦେଇଛନ୍ତି ।